TESALONIKA 2 2:6 - Alkitab Singog In Mongondow Masa In Tanaa

⁶ Bo kinotaauanbí monimu in onu in tanaa moḷamboipa mako kon kobaḻían tua komintan. Aka moidapotdon in wakutu inta sinantú i Allah yo moiangoibí in intau moraat tatua.

TESALONIKA 2 2:6 Mawu Ofanana

SURAT I PAULUS KON JAMAAT RUM 1:18

Nongkon soroga ki Allah in nopoontong in torú-Nea kon bayongan dosa bo oaid inta moraat, sin aid inta moraat tua in moḷamboi kon intau monotaau kon totundú mobanar soaḷ ki Allah.

TESALONIKA 2 2:3

Naondakadon in habar dinongog monimu, yo donaaibí baḷú kopongaruan monia in moiko, sin tongábí uboḷ i monia inta moibog mopongaru kon intau ibanea. Sinbá kotaauandon monimu, kon wakutu in diápa moiangoi in singgai tatua, munapabí nanaa in mobaḻí: Mobayong in intau mobaḷui in pirisaya bo monaḷámai kon i Kristus; bo intau moraat inta ain sinantú tumuot kon naraka in mamangoidon mopoontong in oaid monia.

TESALONIKA 2 2:7

Ropot inta mogaid kon moraat tatua in momangkoidon umuni-uni mogaid, táe sinaha-tahangpa mako. Bain aka poyayúondon in intau inta monahang tatua,

TESALONIKA 2 2:8

bain tua bo koontongandon in intau moraat tatua. Sahingga in aka ki Tuhan Yesus mamangoi yo ḻimodon-Nea in intau moraat tatua takin tompot inta pogirup-Nea, bo yoyangon-Nea wakutu in Sia mamangoi takin kamuliaan-Nea.