TESALONIKA 2 2:2 - Alkitab Singog In Mongondow Masa In Tanaa

² Sinbá diá in moiko baḷú motoboḻingo bo moḻia-ḻiaw in gina sin mokodongog kon naadon in singgai koangoian i Tuhan bui. Degá habar tatua nongkon habar inta pinopogonú i Allah andeka tongábí nongkon totundú in intau, andeka oyúon doman in noguman kon soaḷ mita tatua in nokoimontandon in pinais nami kon surat nami.

TESALONIKA 2 2:2 Mawu Ofanana

YESAYA 26:3

Tuhan, Iko mobogoi in dodamean bo kobiagan motompia kon intau inta moroton in ginanea, sin mopirisaya in sia kon ini-Mu.

YESAYA 7:2

Kon dodai in ki datu in Yohuda nokodongog kon tontara in Siria in sinumuotdon kon butá in Israel bo nobaḻídon totakin, sia takin bangusanea totokdon in noondok, nodapot in gugurdon mako in mosia naonda bo pangkoi in kayu inta dinandú in tompot.

MIKHA 2:11

Koibog monimu in nabi inta moibog monguboḷ bo mongakaḷ poḷat monoḷanow kon moiko in mokouḻíbí kon anggur bo oinumon inta mokoḷoḷangu inta mobayong totok.”

MATIUS 24:24

Sin oyúon in mongaku ki Mesias bo mongaku nabi táe mosia tua intaubí mongongakaḷ, tongá mosia in mogaid doman kon tanda mita inta moḷoben bo soaḷ mita inta mokoherang sahingga in aka mobaḻí, yo mosia in mokoakaḷ doman kon intau mita inta ain piniḻí.

MARKUS 13:7

Aka moiko mokodongog kon goḷotup mita in parang bo habar mita poparangan, dikabí moondok. Sin tua in mustibí mobaḻí muna, táe deemanbí kon tuadon i wakutunea mokiamat.

LUKAS 21:19

Aka moiko monahang bo mokosabar, yo mosaḷamatbí.”

LUKAS 21:9

Bo dikabí moondok aka moiko bo mokodongog kon habar poparangan bo pomarontakan. Sin tua komintan in mustibí kon mobaḻípa muna. Táe tua in deemanpabí wakutunea.”

YOHANES 14:1

“Donaai mohawatir in ginamu,” guman i Yesus kon i monia. “Popirisayadon kon i Allah, bo popirisaya kon i-Nakó doman.

YOHANES 14:27

Kobiagan moonow bo motompia taḷaan-Ku kon i monimu. Dodamean-Kubí tontaní in ogoi-Ku kon inimu. Onu in ogoi-Ku tua deemanbí ná inta inogoi in dunia naa kon i monimu. Dika moḻia-ḻiaw in gina bo dika moondok.

KORINTUS 1 1:8

Bo ki Kristusbí doman tua inta tantú moginrigon kon gina monimu modapot kon singgai pangabisan; sahingga aka mamangoidon bui in Sia yo diá kouḻían-Nea in moiko kon taḷá tobatúmai.

KORINTUS 1 14:32

Totabi nongkon roho inta mopoyaput in habar nongkon i Allah tua in motaaubí atoron in intau inta nopoyaput in habar tatua.

KORINTUS 1 7:26

Moindoimai kon kaadaan masai naa, yo maníka ki ine in diápa pinobuḷoi yo tantúpa natua.

EPESUS 5:6

Donaai in moiko koakaḷan in singog mita inta diá in baragunanea. Sin soaḷbí mita natua inta mokopomuká kon sakí in gina i Allah kon intau mita inta diá motoindudui kon i-Nia.

TESALONIKA 1 3:3

Bá diá tobatúmai intau in kon sigad monimu in mobaḷui in pirisaya sin mokorasa kon roriga mita naton naa. Kinotaauan bidon monimu kon tua in sinantú bidon i Allah kon i naton.

TESALONIKA 1 4:15

Kon soaḷ tatua, nanaa in pinoguman i Tuhan inta musti poyaput nami kon i monimu: Kon wakutu in ki Tuhan Yesus mamangoidon bui kita inta nobiagpa in diábí umuna kon i monia inta minatoidon muna.

TESALONIKA 1 5:2

Sin kinotaauan bidon monimu kon singgai koangoian bui i Tuhan naonda bo singgai koangoian in mononakow kon wakutu in doḷom.

TESALONIKA 2 2:15

Tuamai, utat mita, sindogdon koroton bo umuran kadaiai in totundú mita inta mobanar inta ain pinoyaput nami kon i monimu, pinomayá inouman ande inta pinais.

TESALONIKA 2 3:17

Akuoi, ki Paulus mopoyaput in salam kon i monimu. Akuoibí tontaní in nomais kon surat tanaa. Naa in tanda pinakéku kon bonu in bayongan suratku.

WAHYU 19:20

Mahaḷuk tatua in kinodomokan takin intau mita inta morongaku nabi táe deemanbí totuu nabi inta ain norogaid kon soaḷ mita inta mokoherang kon tayowon mahaḷuk tatua. (Takin aid mita monia inta mokoherang tatua, mosia nonguboḷ kon i monia inta ain notarima kon tanda in mahaḷuk tatua bo inta ain nosumba kon patongnea.) Bo mahaḷuk tatua takin intau mita inta deeman totuu nabi tumpaḷa pinogambat kon bonu in tuḷu moḷoben inta kodoko-dokot takin balerang.