TESALONIKA 2 1:12 - Alkitab Singog In Mongondow Masa In Tanaa

¹² Aid monimu tatua aindon nopoḷantud kon i Tuhan naton ki Yesus Kristus, sahingga in moiko in poḷantudon doman i Tuhan Yesus lantaran pia in gina i Allah naton bo i Tuhan Yesus Kristus.

TESALONIKA 2 1:12 Mawu Ofanana

KINOBAḺIAN 18:18

Diá bo diá buínea in mobaḻíbí bangusa inta moḷoben bo mongawasa? Sin pongin inia, bayongan in bangusa kon dunia naa in barakatan-Ku?

MAZMUR 72:17

Igumon mako ki datu in umuran tano-tano bo modapot in mononoi, bo sia in modugangdon totok tango-tangoion kon tungkuḷ in mata in singgai tantúpa oyúon. Igumon mako bangusa mita in mopoigum in barakat naonda bo sia, bo bayongan in intau moguman kon mosanang totok in sia.

YESAYA 24:15

bo intau mita kon dotá in toyopan in modayowbí kon i-Nia. Intau mita inta kon bingkí in dagat in mopoḷantudbí kon i Tuhan Allah in Israel.

YESAYA 45:17

Táe Israel in pinosaḷamat i Tuhan; kasaḷamatannea in motantúbí. Moiko in diábí pokopooyáanmai bo singkuḻeon modapot in mononoi.’ ”

YESAYA 45:25

Táe buí i Yakub in posaḷamatonbí, bo mosia in modayowbí kon i-Nakó, ki Tuhan.

YESAYA 66:5

Indongogaidon onu in pinoguman i Tuhan, ei moiko inta moondok bo motoindudui kon i-Nia, “sin moiko in motoindudui kon i-Nakó, oyúon in kon sigad in bangusamu inta morongó kon i monimu, bo doí moyobayat monimu. Mosia in mopoyagi-yagimai kon i monimu pongin moguman, ‘Pomayádon mako in ki Tuhan mopoontong in kamuliaan-Nea, sinbá kami in mokoontong kon ḷunganga in ginamu.’ Táe mosiadon tontaní in bui mooyá.

MALEAKHI 1:11

Akuoi in ihoromat in bangusa mita kon sinangkub in dunia. Kon ondaka tubáan monia in kamania sin mohoromat kon tangoi-Ku bo moposumba in kuruban inta patus, sin bayongan in bangusa in mohoromatbí kon i-Nakó!

YOHANES 17:10

Onda in kapunyaan-Ku, kapunyaanbí doman i Amá-Ku intua, bo onda in kapunyaan i Amá, kapunyaan-Kubí doman tua. Akuoi ain pinomulia kon sigad monia.

SURAT I PAULUS KON JAMAAT RUM 1:7

Tuamai in akuoi in nomais kon surat kon i monimu. Poigumon mako kon i Allah inta ki Amá naton bo ki Tuhan Yesus Kristus mobogoi in barakat bo kobiagan motompia kon i monimu.

KORINTUS 1 1:4

Akuoi in umuran mosukur kon i Allah sin moiko in nokouḻídon kon totabi-Nea bo nopirisaya domandon kon i Kristus Yesus.

KORINTUS 2 13:4

Totuubí, kon wakutu in Sia pinopopakú kon kayu pinoyotaḻempang, noḻemé in Sia, táe tanaa in biniagdon bui i Allah in Sia takin kawasa-Nea. Kami in diábí doman moropot kon bonu in kobiagan nami inta notobatúdon i Kristus, táe aka kami moyogintayowdon monimu, yo kami in mobaḻí bidon moropot moyotakin i Kristus lantaran kawasa i Allah.

KORINTUS 2 8:9

Sin moiko in totokdon in nonotaau kon kita in totokbí in kinotabi i Yesus Kristus, Tuhan naton. Sia in nooyúonbí, táe sinumon intau bogá sin lantaranbí moiko, sinbá moiko in mobaḻí mooyúon.

PILIPI 3:9

bo akuoi in totu-totuudon notobatú takin-Nea. Hubungan mopia takin i Allah in diábí nouḻíku sin popisí in dinumudui kon hukum in agama, táe tua in nouḻíkubí sin akuoi in nopirisayadon kon i Kristus. Dá tuamai hubungan mopia tua in namangoibí nongkon i Allah sin pinodoyon kon pirisaya kon i Kristus Yesus.

TESALONIKA 2 1:10

tua komintan in mobaḻí kon singgai koangoian-Nea kon wakutu in poḷantudon in umat-Nea in Sia bo horomaton in bayongan intau inta mopirisaya kon i-Nia. Moiko nion in moyotakinbí doman in umat mita i Allah tatua sin moiko in nopirisaya kon habar inta pinoyaput nami kon i monimu.

TITUS 2:11

Sin ki Allah ain nopoontong in totabi-Nea sin moposaḷamat kon bayongan in umat kon dunia naa.

PETRUS 1 4:14

Kopiabí in gina monimu aka singkuḻeon sin popisí in mopirisaya kon i Kristus, tua in mangaḻenea Roho momulia inta Roho i Allah in umuranbí kotaki-takin monimu.

WAHYU 1:4

Utat mita inta kon pitu nojamaat kon daerah in Asia! Akuoi, ki Yohanes, mopoigum mako sinbá moiko in ogoian i Allah in barakat bo kobiagan motompia--tuata in ki Inta oyúon, bo inta koyongandon oyúon, bo inta umuran oyúon, bo nongkon roho pitu inta kon tayowonmai in tampat pomomarentaan i Allah,