TESALONIKA 1 5:3 - Alkitab Singog In Mongondow Masa In Tanaa

³ Aka intau bo moguman nanaa: “Komintanpabí noaman, diábí in onu bo onu,” dá kon dodai doman tuata kotubuan in onu inta mokoputú kon i monia bo diá tobatúmai in mokoḷagui in mosia. Tua mita in daḻíbí moiangoi naonda bo nakit in mononggadí inta moiuma bobay tobatú inta mononggadí.

TESALONIKA 1 5:3 Mawu Ofanana

AYUB 15:21

Singog mita inta motoyang inta mokobongoḷ kon bongoḷannea; kon tungkuḷ in noingongow mogogagow namangoi nonubu kon inia.

AYUB 24:23

Inogoian i Allah in sia in kobiagan motompia, táe umuran iḷukadannea mako.

MAZMUR 35:8

Biódon mako in mosia koantugan in bodito inta diá binutu-butunganmai. Biódon mako in mosia moibonu bui kon poyogaḷap monia tontaní bo moḷabú poḷat moyopú.

MAZMUR 48:6

Táe mokoontong kon tombuḷud tatua, noitongau in mosia; nodoḻiok in mosia bo noḷagui notoboḻingo.

MAZMUR 55:15

Dungkuḷmai noyobayat notompia in kita, bo noyotakinmai noibada kon Baḷoi Tuhan.

MAZMUR 69:22

Nodapotbí in kaanonku binaukan in rasum; kon dodai in norogang, akuoi inogoian in cuka sin inumon.

AMSAL 29:1

Ki ine in umuran moḷawang aka tongginaan, komintanmai yo morimumudbí bo diádon motaau tompiaan bui.

YESAYA 20:6

Kon tungkuḷ intua intau mita inta nogutun kon bingkí in dagat in mogumandon, ‘Indoiaika onu inta nobaḻí kon bangusa inta pinongata naton sin moḷukad kon i naton nongkon datu in Asyur. Umpaka yo mosaḷamat in kita?’ ”

YESAYA 29:5

Táe bayongan in intau mokokiangoi inta moromú tua in mobuḻibí naonda bo ḷobud andeka baḻeká inta inirup in tompot. Moidaḻidon mamangoi bo diábí sinangka mako.

YESAYA 30:13

Manangka intua moiko in kotaḷá. Moiko in naonda bo dinding moḷantud inta noḷau nongkon omonikan bo namonag; daḻí-daḻídon moumpag in moiko.

YESAYA 47:11

Táe iko in koantuganbí in bodito, totaau in sihirmu diábí mokopoḷagui kon inia. Iko in angoionbí in bodito, bo diábí mokotongod in monayow. Koyopúan in daḻídon moiangoi, bo diábí muna kinoraianmu.

YESAYA 47:9

Táe tongábí tokokiap monag, tongo singgai, doyowa tua in mobaḻí moyododai. Umpaka iko mopomaké in sihir bo sinotaau, yo ki buḷoimu bo ki adímu in gamáanbí doman.

YESAYA 56:12

Intau mita moḷoḷoḷangu mita tatua in moguman, ‘Igai monginum in kita kon anggur bo monginum modapot in moorop! Ikoḷom in mopia-pia nongkon singgai naa!’ ”

YEREMIA 13:21

Onu in singogon monimu aka intau mita inta binaḻí monimu yobayatmu mita nonaḷow bo mongawasa kon i monimu? Notantúbí kon korasaan monimu in monakit naonda bo bobay inta koyogot mononggadí.

YEREMIA 14:19

Tuhan, degá Yohuda in kinodoí-Mudon totok bo intau in Sion kinorongó-Mu? Nongonu sin totokdon in noropot in pinososambok-Mu kon inami nodapot in diádon mopia bui in kami? Diá bidon in mangaḻenea kami in motayak kon dodamean, diádon baragunanea kami in mogoḷat mako kon mopia, sin oyúon in dongka bidon aid inta motogat.

YEREMIA 22:23

Moiko in mogutun moaman iḻibu in oigi mita in kayu ḷokuyú in Libanon, táe kon singgai moiduduimai aka moiko kotugatan in inta mokonakit, moiko in mororigabí naonda bo bobay inta koyogot in mononggadí.”

YEREMIA 4:31

Akuoi in nokodongog kon ombaḷ mopoina-inak naonda bo bobay inta mononggadí; naonda bo bobay moguod inta monononggadí ḻinggané, natua in ombaḷ in Yerusalem inta mosisí in pogoginanea. Ḻimanea in mongokap bo mogamui in sia, “Moboditodon in akuoi – akuoi in ḻimodon in musung!”

YEREMIA 6:14

Kekeb mita in umat-Ku inanggap monia in kekebbí mointok. ‘Ah, diábí nongonu,’ guman monia, ‘komintanbí mopia bo moodom.’ Bokaka totokbí in diá.

YEREMIA 6:24

Nokodongog kon habar tatua, intau mita in Yerusalem kinodaitandon in daya. Mosia in inangoian in ondok, bo nororiga naonda bo bobay inta mononggadí.

YEREMIA 8:11

Kekeb mita in umat-Ku inanggap monia tongábí kekeb mointok. ‘Ah, diábí nongonu,’ guman monia, ‘komintanbí mopia bo moaman.’ Bokaka totokbí in diá.

YEHEZKIEL 13:10

Ei nabi mita inta deeman totuu nabi! Moiko in nopoḷaḻedon kon umat-Ku pinongin tosingogon kon bayongan in yagi-yagi moaman bo notoinutdon. Bokaka diábí! Umat-Ku in noposindogdon in dinding tela inta noḷungkag in pinogogaid, onda intua namangoi in moiko bo nopocet in kapur.

HOSEA 13:13

Israel in oyúonpa in kasampatan mobiag, táe totuu mopompuḷong in sia dá diá nopomaké in kasampatan tatua. Sia in naonda bo adí mointok inta topípa bo pononggadí táe doí ḷumuai nongkon bobuḷadían i iná.

NAHUM 1:10

Iko in tubáanbí naonda bo wawa inta noingkag naonda bo bonganga inta moyo-moyoguntuḷ.

MATIUS 23:33

Ei intau mongoromú moiko in buí in intau moraat! Moiko in diábí mokoḷagui kon pohukuman kon bonu in naraka?

YOHANES 16:21

Aka bobay inta motoyongdon mononggadí, mosusa in ginanea, sin wakutuneadon mokorasa kon roriga. Táe naonda in ki adínea moilahirdon, koḻiongan bidon in bobay tatua in yoyiganea sin lantaran pia in ginanea sin adí tatua noilahirdon kon dunia.

OUMAN IN RASUL MITA 13:41

‘Tarukira totok kopira, ei moiko intau mita inta mosingkuḻe! Moherangbí in moiko, bodongka matoi! Sin kon masa in tanaa Akuoi in mogaid kon oaidan inta diábí pirisayaan monimu, umpakabí oyúon intau in mopomangaḻe kon inimu.’ ”

ULANGAN 29:19

Kon sigad monimu inta nokodongog kon tuntutan inta bo motogat tatua yo donaaidon oyúon in morai kon nasibnea tua in umuran tantú mopia, umpakabí in sia tumontogat dumudui kon daḷannea tontaní. Soaḷ tatua in mokoyopú kon i monimu komintan, intau mita inta moraat ande inta mopia.

TESALONIKA 2 1:9

Mosia naa inta motarima kon hukuman mokoyoyang modapot in kopaḷutannea bo ḷumbúon koyayúon nongkon tayowon i Tuhan bo nongkon kawasa-Nea inta moḷoben;

IBRANI 12:23

Moiko in sinumakin kon tobatú pinoyodungkuḷan inta morame totok – pinoyodungkuḷan in adí mita guya-guyang i Allah, inta pinaisdon in tangoi monia kon bonu in soroga. Moiko in namangoi sinumayow kon i Allah hakim in bayongan intau naa. Moiko in sinumayow kon roho mita intau mopia inta ain sinompurna.

IBRANI 2:3

Apapa doman oyúon in kasaḷamatan inta motoya-toyang nongkon koyow mita tatua! Aka tongá pomayá mako naton in kasaḷamatan tatua, dá tantú diábí in kotaḻiban hukuman tatua in kita. Sin ki Tuhanbí tontaní in muna-munamai noguman kon kasaḷamatan tatua. Bo intau inta muna-munamai nokodongog kon Habar tatua in noguman doman kon i naton kon totuubí mita in habar tatua.

PETRUS 2 2:4

Malaekatpa mita inta nogaid kon dosa, diábí doman pinilatan i Allah nongkon hukuman. Mosia tua in komintanbí doman pinogonag kon naraka. Mosia in pinobonu kon irang inta mosindip sin pogoḷa-goḷatan kon Singgai Ponantúan.

HAKIM MITA 8:11

Ki Gideon minayá nongin posigadan in padang gurun kon dotá in pomukaan Nobah bo Yogbeha bo dongka daḻí nonubu kon musung.