TESALONIKA 1 5:19 - Alkitab Singog In Mongondow Masa In Tanaa

¹⁹ Donaai monahang kon onu in kinoibog in Roho i Allah.

TESALONIKA 1 5:19 Mawu Ofanana

KINOBAḺIAN 6:3

Dá ki Tuhan in noguman, “Diábí ogoi-Ku in intau mobiag mononoi; mosia tua in mahaḷukbí ilo-ilow, inta musti matoi. Nongkon tanaa mako umur monia in diá bidon moiḻiu kon mogatut bodoyowá nopuḷú notaong.”

NEHEMIA 9:30

Pomuḷoi in taong mosabar in Iko mobogoi in tompoingat kon i monia; pinongin in nabi, Roho-Mu in moguman kon i monia. Táe umat-Mu tatua in momompon kon bongoḷan, bo pinosarakan-Mu kon bangusa mita inta kon dunia naa.

MAZMUR 51:11

Dikapa bobuion in dosaku mita, bo popataidon in bayongan in taḷáku.

DONDONG MOḶANTUD 8:7

Tubig mobarong in diábí mokoinggamá kon tanob, bo ḷunud in diábí mokoiḻig kon inia. Aka intau tobatú mobogoi in bayongan kapunyaannea sin motaḷui kon tanob, yo notantú bidon kon tongábí singkuḻe in mouḻínea.

YESAYA 63:10

Táe mosia in nomarontak bo nokoajar kon gina i Tuhan. Dá nomurow in Sia bo nobaḻí musung monia Sia tontaní in noparang noḷawang kon i monia.

OUMAN IN RASUL MITA 7:51

Nádomai tua in kinototogat in gina monimu nion. Totokbí in mororiga didikon kon bá motoindudui kon i Allah! Diábí indongogan monimu in singog i Allah! Moiko nion in naonda bo mogoguyang mita monimu; umuran diá mokidongog kon Roho i Allah.

KORINTUS 1 14:30

Táe aka koyogot in mosingog bo oyúon in noiḷabotmai kon intau inta mopoyaput in habar i Allah kon tampat pinoyodungkuḷan tatua, yo intau inta koyogot mosingog tatua, musti mogogai.

EPESUS 4:30

Dika mopoajar kon gina in Roho i Allah. Sin moiko aindon sinontandaan-Nea sinbá mobaḻí kapunyaan i Allah. Bo Roho doman tatua inta mobaḻí jaminan, kon singgai pobebasan tatua in moiangoibí kon i monimu.

EPESUS 6:16

Bo pomuḷoi mako pakébí in pirisayamu kon i Tuhan saḷaku ḷoḷutam ponangkis; pirisaya monimu tua in mokopampingbí kon piot tuḷu inta nongkon moraat.

TESALONIKA 1 5:20

Bo donaaibí anggapon monimu kon diá in mangaḻe in habar mita inta inogoi in Roho i Allah kon i monimu.

TIMOTIUS 1 4:14

Dika angoian maḷat iko in mopomaké in totabi inta ain pinonotabi i Tuhan kon inimu wakutu in iko binarakatan in itoi mita in jamaat. Umuran torop in koyow i Allah inta pinoguman in nabi mita soaḷ iko.

TIMOTIUS 2 1:6

Manangka intua tantúku bui ponorop kon inimu sinbá umuranmu pakéon kopiraan in totabi inta inogoi i Allah kon inimu wakutu in binarakatanku in iko.

SAMUEL 1 16:4

Ki Samuel nomia kon ná inta pinoguman i Tuhan. Naonda in sia nodapot kon Betlehem, itoi mita in kotá kon tua nonontomu kon inia takin noitaḻikokog bo noḻibó, “Degá kinoangoian i Amá naa in mokopoangoi kon saḷamat?”