TESALONIKA 1 5:12 - Alkitab Singog In Mongondow Masa In Tanaa

¹² Utat mita, poigum nami totok kon i monimu, horomatonbí in mosia inta nogaid kon yua-yuak monimu; intau inta ain piniḻí i Tuhan nobaḻí itoi bo monononggina kon i monimu.

TESALONIKA 1 5:12 Mawu Ofanana

LUKAS 10:7

Kotantú kon tobatú baḷoi aka mogutun. Tarima onu in ogoi monia kon inimu. Sin intau inta mogaid in patusbí in sia motarima kon bungai in inaidannea. Donaai momampi-mamping mako kon pogutunan.

YOHANES 4:38

Akuoi in mopotabá kon i monimu mayá mokoyut kon gobá inta deeman moiko in nomuḷa; intaudon ibanea in nogaid kon tua, bo moiko in motarima kon kauntungan nongkon oaidan monia tua.”

OUMAN IN RASUL MITA 20:28

Manangka intua yo mokopopiadon in moiko bo umuran moḷukad kon awak monimu bo poḷat doman ḷukadai in bayongan umat i Allah inta ain pinosarakan i Allah kon i monimu sinbá ḷukadan. Sin moiko nion ain sinantú in Roho i Allah mobaḻí moḷoḷukad bo mononompia kon umat i Allah inta ain sinobut-Nea in dugú i Adí-Nea tontaní.

OUMAN IN RASUL MITA 20:35

Tua komintan in inaidanku sinbá moiko in moibog dumayan kon i nakó, sin aka kita in mogaid mokoporajing tua in mangaḻenea kita ain notuḷung kon intau mita inta nongoyangkó. Mustibí toropon mako in naa: ‘Mopi-piabí kon mobogoi dika in motarima.’ ”

SURAT I PAULUS KON JAMAAT RUM 16:12

Salam doman kon i Tripena bo kon i Triposa inta ain noramuji totok in nogaid sin kopontingan i Tuhan, bo salam doman kon i Persis inta kinotabiku. Sia doman tua inta ain noramuji totok in nogaid sin kopontingan i Tuhan.

SURAT I PAULUS KON JAMAAT RUM 16:6

Poyaputpa doman in salamku kon i Maria. Sia ain irumoriga totok in nogaid sin kopontingan monimu.

KORINTUS 1 12:28

Natua doman in kon jamaat. Tampat in bayongan intau ain bidon sinantú i Allah. Muna in rasul mita; nogindua in nabi mita, nogintoḷu in guru mita bo intau mita inta nogaid kon mokoherang, onda intua intau mita inta inogoian in totabi mongundam bo motuḷung kon intau ande inta mobaḻí duduianmai, ande mosia inta inogoian totabi mosingog kon mokoherang.

KORINTUS 1 15:10

Tongá sinotabipabí i Allah, dá oyúonpa komangoi in tanaa. Bo totabi i Allah kon inakó in diábí inta diá in mangaḻenea. Sin akuoibí in moraji-morajing kon sigad in rasul mita ibanea. Táe sabanarnea in deemanbí tongá uḷatku tontaní; táe nongkon i Allahbí inta ain nonotabi kon inakó bo siabí doman inta ain nogaid noyotakinku.

KORINTUS 1 16:16

Manangka intua duduiaibí in intau natua takin intau mita ibanea inta nogaid bo nobantung noyotakin monia tua.

KORINTUS 1 16:18

Mosia tua in noposanangdon in ginaku, bo noposanang doman in gina monimu. Intau mita natua in musti hargaan.

KORINTUS 1 3:9

Kami naa in tongábí tumpaḷa mogaid kon onu in pinoki aid i Allah; bo moiko nion naonda bo gobá i Allah. Moiko naonda doman bo baḷoi i Allah.

KORINTUS 2 11:23

Degá mogogaid mita i Kristus in mosia? Kodongogan naonda bo diá moratak in akuoi táe totuubí kon akuoibí naa in mogogaid i Allah inta mopia-pia nongkon i monia tua. Akuoi in umuran morajing in mogaid, mokakit in akuoi bonuon monia kon ponjara, bo mokakit doman akuoi in rorigaan monia gogió bo matoi.

KORINTUS 2 5:9

Tuamai kami in totok moramuji moposanang kon gina i Allah, kon wakutu in mobiagpa kon dunia naa ande kon baḷoi inta ain sinantú i Tuhan.

KORINTUS 2 6:1

Saḷaku yobayat topogaidan i Allah, kami in mononggina kon i monimu; donaai tongá pomayá mako in totabi i Allah inta ain inogoi-Nea kon i monimu.

GALATIA 4:11

Moḻia-ḻiawbí totok in ginaku kon i monimu, dika bo onu inta ain iramujiku kon i monimu mobaḻí diá in baragunanea.

PILIPI 2:19

Mopirisayabí totok in akuoi kon takin totuḷung i Tuhan Yesus motaaudon bui potabáku mangoi kon i monimu in ki Timotius, sinbá moonowdon in ginaku mokodongog kon habar soaḷ moiko.

KOLOSE 1:29

Sinbá koyaputanku intua, dá tuamai akuoi in moramuji totok in mogaid. Akuoi in moramuji takin bayongan ropot inta inogoi i Kristus kon inakó bo inta nongawasa doman kon inakó.

TESALONIKA 1 2:9

Tantú kinotoropanpabí monimu uḻe utat mita naonda in pinogogaid bo pinororamuji nami. Doḷom bo singgai kami in mogaid sinbá diá tobatúmai in kon sigad monimu in mororiga wakutu in kami nopoyaput in Habar Mopia inta nongkon i Allah kon i monimu.

TESALONIKA 1 4:1

Pangabisannea uḻe utat mita, naa in poigumon nami takin tonggina kon i monimu inta pinodoyon kon kawasa i Tuhan Yesus, sinundúdon bo ain inontong monimu kon inami naonda in kobobiag podudui kon inta mokosanang kon gina i Allah. Moiko in nobiag bidon natua, táe tanaa pinodoyon kon kawasa i Yesus, kami in mopoigum totok kon i monimu bo mokiramuji sinbá totu-totuudon in moiko mogaid kon tua komintan!

TESALONIKA 1 5:14

Utatku mita naa doman dugang in tonggina nami kon i monimu; toboḷow pia-pia mako in mosia inta doí mogaid bo tantú irigonai in gina in intau mita inta mongoondok, bo dika koḻiongan in motuḷung kon intau mita bogá bo mokoposabar in tumayow kon intau inta noyagi-yagimai in oaid.

TIMOTIUS 1 5:1

Dika daḻin-daḻíonmu in tumorú kon i monia inta umur monia noiḻiudon kon i naton, táe diugaibí in sia bo mongonguman naonda bo mongonguman takin in guyangamu tontaní. Ná doman tua in mosia inta nongoguodpa, tongginaaibí in mosia ná ki utatmu tontaní.

TIMOTIUS 1 5:20

Intau inta nogaid kon inta diá mopia mustibí togur kon tayowon jamaat mita, sinbá dongogondon in intau ibanea bo moondokdon in mosia in mogaid kon inta diá mopia tatua.

TIMOTIUS 2 2:6

Tobatú monononggobá inta umuran moramuji totok, tantú siabí in muna-munamai mokaan kon bungai in pinomuḷanea tatua.

TITUS 1:3

Sin kon wakutu inta ain sinantú-Nea, pinoniata-Neadon in dandi-Nea tatua kon bonu in koyow-Nea. Koyow-Nea tatua inta pinoki aid-Nea kon inakó, bo tuata in pinotaa-taauku mako podudui in parenta i Allah inta mopoposaḷamat naton.

TITUS 1:5

Uḻe Titus, sinuodkubí sinaḷáan in iko kon Kreta sinbá mopoyotutui kon onu inta paraḷupa poyotutuion. Ná doman tua, bá iko in momiḻídon kon intau mita inta motaau baḻíon itoi kon bonu in jamaat inta kon kotá-kotáannea. Umurai tarukira in singogku mita tanaa:

TITUS 2:15

Tundúdon kon i monia intua komintan, tongginaai bo poḷat togur kopiaan i mosia inta mokidongog kon inimu. Dika in iko moibog tomongoadíon in tobatúmai intau.

IBRANI 13:17

Duduiaibí onu in pinarenta in itoi mita monimu bo kodu-kodudui doman kon i monia. Sin mosia in umuran monarukira mako kon kobiaganmu bo mustibí in mosia motanggung jawab kon i Allah. Aka moiko bo motoindudui kon i monia, dá mosanangbí in gina monia in mogaid, táe aka diá yo monakit in gina monia in mogaid, bo tua in diábí mobogoi in kauntungan kon i monimu.

IBRANI 13:7

Dikabí koḻiongan monimu in itoi mita monimu inta mopoyaput in koyow i Allah kon i monimu. Tarukirabí naonda in kobobiag monia bo naonda in kopopatoi monia, bo duduiai in kopopirisaya monia.

WAHYU 1:20

Naabí in rahasia in tundi pitu inta inontongmu kon ḻima-Ku koḷanan, bo pitu in sioḷ pototuduan kon togá inta pinomia nongkon buḷawan tua: Tundi pitu tatua in malaekat mita in jamaat pitu doman tatua, bo pitu in sioḷ pototuduan kon togá tua in jamaat pitu tatua doman.”

WAHYU 2:12

“Paisdon kon malaekat in jamaat Pergamus, nanaa: Naadon in koyow nongkon i-Nia inta nokadai kon pitow moḷanit inta doyowa in matanea.

WAHYU 2:18

“Paisdon kon malaekat in jamaat inta kon Tiatira, paisdon nanaa: Nanaa in koyow nongkon Adí i Allah inta mata-Nea moyongkit naonda bo tuḷu; bo sioḷ-Nea in naonda bo tambaga sinubá.

WAHYU 2:3

Moiko in nosabar bo moiko in nokorasa kon yoyiga popisí in nopirisaya kon i-Nakó, táe moiko in diábí kinobuḻian in harapan.

WAHYU 2:8

“Paisdon kon malaekat inta kon Smirna, nanaa: Nanaa in koyow nongkon i-Nia inta muna-munamai bo inta pangabisan – inta ain minatoi bo inta nobiag bui.

WAHYU 3:1

“Paisdon kon malaekat in jamaat Sardis, nanaa: Nanaa in koyow nongkon i-Nia inta kitogi roho pitu nongkon i Allah bo inta kitogi tundi pitu tua. Kinotaauan-Kubí onu in pinomia monimu: Moiko nion sinangoian nobiag, táe sabanarnea in minatoi bidon!

WAHYU 3:14

“Paisdon kon malaekat in jamaat Laodikia nanaa: Naadon in koyow nongkon i-Nia inta sinumangoi Amin, sakusi inta mosatia bo mobanar, pangkoi in bayongan yagi-yagi inta pinomia i Allah.

WAHYU 3:7

“Paisdon kon malaekat in jamaat kon Piladelpia nanaa: Naadon in koyow nongkon i-Nia inta Mokudus, Inta Mobanar bo ki Inta nokadai kon kokunsi i Daud; Aka Sia in mobuká yo diábí tobatúmai in mokoḻingkop; bo aka ḻingkopan-Nea, yo diábí doman tobatúmai in mokobuká.