TESALONIKA 1 4:17 - Alkitab Singog In Mongondow Masa In Tanaa

¹⁷ Mopaḷut mako kon tua kita inta nobiagpa naa, bingkatondon moyotakin monia mamonik in ḷangit moyodungkuḷ i Tuhan. Bain kon tuata bo mogutundon in kita takin i Tuhan.

TESALONIKA 1 4:17 Mawu Ofanana

DATU MITA IMITÁNEA 18:12

Aka akuoi mayá nongkon naa, Roho i Tuhan in dika bo modia kon i Amá mayá in tampat inta diá kinotaauanku! Bo aka potaauku kon i Ahab kon ki Amá in kon naa, bo moiduduimai kon tua diá moyodungkuḷnea in ki Amá, yo notantú bidon kon ḻimodonneabí in akuoi. Pokotaaudon, Amá, akuoi naa in totu-totuubí mosumba kon i Tuhan nongkon nointokanpamai!

DATU MITA 2 2:11

Kobaya-bayá, umuran in taya dua mongonguman. Bo daḻídon in kereta inta kodoko-dokot inta inugut in kabaḷo namangoi nopoyoguat kon inayadua bo diniadon namonik in uḷu in tompot minayá in soroga in ki Elia.

DATU MITA 2 2:16

bo noguman, “Kami in ḻima nopuḷú in naa, komintan mongoropot. Tuamai, koḻigai in kita mayá motayak kon i Elia ki tuangmu tua. Degá bo Roho i Tuhan in nodiadon kon inia pinobayá in buḷud andeka kon ḷopá, bo sinaḷáan kon tua.” “Dikadon!” tubag i Elisa.

MAZMUR 16:11

Sinundú-Mu kon inakó in daḷan kobiagan; kon ini-Mu akuoi mokouḻí kon pia in gina inta diá in poḻiuan bo pia in gina modapot in mononoi.

MAZMUR 17:15

Táe akuoi in imindoibí kon ini-Mu, sin akuoi in diá kotaḷá. Kon tungkuḷ in akuoi nobangon, kinoangoian-Mu nokoḷunganga kon ginaku.

MAZMUR 49:15

Naonda bo domba, mosia in sinantúbí kon matoi; popatoi in mobaḻí gombala monia. Doḷo-doḷom mosia sinaḷowdon in intau mojujur; awak monia in ḷagidon mobongkog kon dunia in intau minatoi, noyayú kon pogogutunan inta mopia totok.

MAZMUR 73:24

Kinapit-Mu in akuoi in tonggina, bo sinarima-Mu in akuoi takin horomat kon singgai moiduduimai.

YESAYA 35:10

Intau mita inta pinoḷuat i Tuhan in mobuibí; mosia in tumuot kon kotá in Yerusalem takin giow, pogot monia in moḷumbá popisí in ḷunganga in gina inta mononoi. Mosia in moḷunganga in gina bo morame; robonoḷ in gina bo amui moinggamádon komintan.

DANIEL 7:13

Kon bonu in ontongonku doḷom tua, inontongku in oyúon in naonda bo intau. Sia in namangoi takin iḻibu in goḷom bo dinia minayá kon i-Nia inta mononoi.

MATIUS 26:64

Ki Yesus nogabat, “Natuata in gumanmu. Táe pirisayadon: pinangkoidon kon tanaa mako, moiko in mokoontong kon i Adí Intau in ḻimitú kon dotá in koḷanan i Inta Totok in Mokawasa bo mamangoi mongin ḻimonik in goḷom mita kon ḷangit!”

MARKUS 14:62

Tubag i Yesus, “Akuoi in Sia tua, bo moiko komintan in mokoontongbí kon i Adí Intau ḻimitú kon dotá in koḷanan i Allah Inta Totok in mokawasa bo mamangoi mongin goḷom kon ḷangit!”

YOHANES 12:26

Intau inta moibog mogaid kon oaidan-Ku musti dumudui kon i-Nakó kon ondakabí in bayáan-Ku; sinbá kon onda in bayáan-Ku yo kon tua doman in sia. Intau inta mogaid kon oaidan-Ku horomatonbí i Amá-Ku.”

YOHANES 14:3

Naonda in Akuoi mayádon moposadia in tampat kon i monimu, Akuoi in buibí mamangoi monontomu kon i monimu, sinbá kon onda in Akuoi, kon tua doman i moiko.

YOHANES 17:24

Amá, ibogon-Ku, sinbá mosia inta ain inogoi i Amá kon i-Nakó in moyotakin-Ku doman kon tampat inta bayáan-Ku, sinbá koontongandon monia in kamuliaan-Ku, inta ain inogoi i Amá kon i-Nakó. Sin Akuoi in kinotabi i Amá kon wakutu in dunia naa diápa pinomia.

OUMAN IN RASUL MITA 1:9

Naonda in nosingog mako kon tua in Sia, Sia in biningkatdon namonik in soroga koonto-ontongpa mako monia tua. Bo kinooḻingoiandon in goḷom in Sia dá diádon inontong monia.

OUMAN IN RASUL MITA 8:39

Naonda in mosia nobatundon nongkon tubig tatua, daḻídon dinia in Roho i Tuhan in ki Pilipus, sahingga in diádon inontong in pogawai tatua in sia. Dá sia in nogingguputdon kon bobayáannea tatua takin pia in gina.

KORINTUS 1 15:52

Soaḷ mita tatua in daḻi-daḻíbí mobaḻí, tongábí tokokiap monag kon wakutu in torompet irupondon kon pangabisan totok. Sin kon dodai in kodongogandon singog in torompet tatua, yo intau mita minatoi in tokobiagondon bui bo popopakéandon in awak inta mononoi, bo kita komintan in toko baḷuian.

KORINTUS 2 5:8

manangka intua kami in umuran mosabar. Bo moibo-ibogdon monaḷámai kon awak ilo-ilow naa, sinbá mogutundon moyotakin i Tuhan.

PILIPI 1:23

Doyowa norupa naa in morigugut kon bonu in ginaku. Moibogdon in akuoi monaḷámai kon dunia naa bo mayá mogutun takin i Kristus, sin tuabí inta totok in mopia;

TESALONIKA 1 3:13

Aka natua yo irigonan i Tuhan in gina monimu, sahingga in modaritdon totok in kobobiag monimu bo diá bidon in inta diá mopia in aidan monimu kon tayowon i Allah, ki Amá naton, kon wakutu in ki Tuhan naton ki Yesus mamangoi bui moyotakin in bayongan intau inta ain nobaḻí umat-Nea.

TESALONIKA 1 4:15

Kon soaḷ tatua, nanaa in pinoguman i Tuhan inta musti poyaput nami kon i monimu: Kon wakutu in ki Tuhan Yesus mamangoidon bui kita inta nobiagpa in diábí umuna kon i monia inta minatoidon muna.

TESALONIKA 1 4:18

Tuamai in pakédon in singog tanaa kon mosirigonan kon gina in tumpaḷa utat.

TESALONIKA 1 5:10

Sia in minatoi sin lantaranbí kita, sinbá kon wakutu in Sia mamangoidon bui – inta minatoi ande inta nobiagpa – yo moyotakin-Nea mobiag.

PETRUS 2 3:13

Táe kita in umuranbí mogoḷat mako kon dandi i Allah. Dandi i Allah tua in soaḷbí ḷangit bo butá inta mobagu inta motompia bo moadil.

WAHYU 1:7

Indoiai, Sia in mamangoi inoḻiungan in goḷom! Bayongan intau mokoontongbí kon i-Nia, noitakin doman in mosia inta nonakuḷ kon i-Nia. Bayongan in intau kon dunia naa komintanbí mogamui lantaran Sia. Nopasti bidon intua! Amin!

WAHYU 11:12

Onda intua nabi doyowa tatua in nokodongogdon kon singog moropot inta nogoiní nongkon soroga, “Koḻigai onikdon in naa!” Bo koonto-ontongdon doman in saturu monia, mosia namonikdon in soroga kooḻi-oḻiung in goḷom.

WAHYU 12:5

Bo bobay tatua in nopononggadídon in tobatú adí ḷoḷaki inta momarenta kon bayongan intau kon dunia naa takin tungkud uatoi, táe adí tatua baḷú bo inagow nongkon i inánea bo dinia kon i Allah kon tayowon pomomarentaan-Nea.