TESALONIKA 1 4:13 - Alkitab Singog In Mongondow Masa In Tanaa

¹³ Utatku mita, ibogon nami bá totu-totuudon kotaauan monimu in soaḷ intau mita inta ain minatoi; sinbá diá moajar in gina monimu ná mosia inta diá in harapan.

TESALONIKA 1 4:13 Mawu Ofanana

KINOBAḺIAN 37:35

Bayongan i adínea, ḷoḷaki bo bobay namangoi nohibur bo nodondouḷug kon inia, táe sia in doí dondouḷugan, Gumannea, “Modapot in matoi umurankubí ombaḷan in sia.” Natuata in nobaḻí, ki Yakub umuran nongombaḷ sin ki Yusup ki adínea tatua.

SAMUEL 2 18:33

Nokodongogmai kon tua noajardon totok in gina i datu, bo noponik in sia kon yuang inta kon ḻimonik in ngara moḷoben bo nongombaḷ nogamui, “O adíku! Adíku Absalom! Absalom, adíku! Mopia-piabí kon akuoi in minatoi monoḻiu kon inimu, adíku! Absalom, adíku!”

DATU MITA IMITÁNEA 1:21

Aka diá in kotantúan in tosingogon i Tuang datu, dá notantú bidon kon naonda in ki tuang datu matoi, akuoi bo ki adíku ḷoḷaki in pomiaan naonda bo moḷoḷawang.”

DATU MITA IMITÁNEA 2:10

Onda intua ki Daud minatoi bo iḷobong kon kotá i Daud.

AYUB 1:21

bo noguman, “Siḷandat in akuoi in pinononggadí, yo siḷandat doman in akuoi in mobui kon i-Nia. Ki Tuhan in nobogoi bo ki Tuhan doman in bui nogamá. Dinayo-dayowdon in tangoi-Nea!”

AMSAL 14:32

Intau moraat moyopú popisí in aidnea moraat, intau mopia ḷukadan in aidnea inta motuḻid.

YEHEZKIEL 37:11

Ki Allah in noguman kon inakó, “Ei intau ilo-ilow, tuḷan mita tanaa in nobaḻí tomponuot kon bangusa in Israel. Mosia in mogamui kon mosia in noingkag, diá kokamang bo diá in kobiagan mopia kon singgai moiduduimai.

DANIEL 12:2

Mobayong in kon sigad monia inta ain minatoi in mobiag bui; tongosilai in motarima kon kobiagan mononoi, bo tongosilai doman in motarima kon kohohina bo inta mokokoningkim inta mononoi doman.

IMAMAT 19:28

Dika momai-maismai kon kuḻitmu sin momia kon tanda mita ande monompaḻí kon awakmu sin mobaḻí tanda mobaḷu kon intau minatoi. Akuoi in ki Tuhan.

IMAMAT 21:2

koḻikudbí in aka inta minatoi tatua ki inánea, ki amánea, ki adínea, ki utatnea ḷoḷaki,

MATIUS 27:52

Bo poḷoḷobonganan mita nongobukat bo nobayong in intau mita inta mopia bo mopirisaya kon i Allah inta aindon minatoi in nobiag bui.

YOHANES 11:24

Dá kai Marta doman, “Kinotaauankubí kon ki Lazarus in mobiagbí bui aka intau minatoi biagondon kon Singgai Pohakiman.”

OUMAN IN RASUL MITA 13:36

Naonda in nogaid mako kon onu inta kinoibog i Allah in ki Daud kon wakutu in nobiagpa, sia in minatoi domandon bo iḷobong kon diug i mogoguyangnea. Dá noyoyangbí domandon komintan in awaknea.

OUMAN IN RASUL MITA 7:60

Bo sinumungkud in sia poḷat nomaḷú noropot, “Tuhan, donaaidon dosa tanaa popobaba-Mu kon i monia!” Onda in noguman mako natua sia in minatoidon.

OUMAN IN RASUL MITA 8:2

Bayongan in intau inta mongoondok kon i Allah noḷobong kon i Stepanus bo totok monia inuangan in sia.

SURAT I PAULUS KON JAMAAT RUM 1:13

Utatku mita! Ibogonku in bá kotaauan doman monimu kon mokakitdon in akuoi moibog mamangoi mokipodungkuḷ kon i monimu, tongá tantú oyúon in ḷabot. Sin ibogonku in bá oyúon doman bungai in oaidanku kon sigad monimu ná inta ain nobaḻí kon yua-yuak in intau mita inta deeman Yahudi kon tampat mita ibanea.

KORINTUS 1 10:1

Utatku mita, ibogonku moiko in diá mokoḻiong kon onu inta ain nobaḻí kon mogoguyang naton kon tungkuḷ in mosia dinumudui kon i Musa. Mosia komintan inoḻiungan in goḷom, bo nosaḷamat in iḷumoḷan kon Dagat Teberau.

KORINTUS 1 12:1

Pogumanku tanaa in soaḷbí totabi inta inogoi in Roho i Allah. Ibogonku bá totokbí in kotaauan monimu in soaḷ tanaa.

KORINTUS 1 15:6

Noiduduimai kon tua, Sia in minayá doman nokipogontong kon intau mita inta nopirisaya kon i-Nia, degá ḻimamai nogatut in kobayong monia. Bo nobayongpabí in kon sigad monia tua in nobiagpa nodapot in masai naa. Tongá oyúon domandon in minatoi kon sigad monia tua.

KORINTUS 2 1:8

Utat mita! Ibogon nami in bá kotaauan doman monimu naonda in yoyiga inta kinorasaan nami wakutu in kon Asia. Mobogat totok in yoyiga noiantug kon inami kon tua, sahingga in diá bidon pinononggina mako nami kon mobiagpa in kami;

EPESUS 2:12

Kon wakutu intua moiko in diápa notobatú i Kristus, yo moiko nion intaubí mita mokokiangoi inta diá noitakin kon umat inta piniḻí i Allah. Bo moiko in diábí doman noibonu kon dodandian inta inaidan i Allah takin umat-Nea. Moiko in nobiag kon dunia naa takin diá koharapan bo diá doman in Allah.

EPESUS 2:3

Koḻipod, kita komintan in ná doman mosia tua; kita nobiag dinumudui doman kon tabiat in awak naton bo nogaid kon onu inta mokosanang kon awak bo raian naton. Wakutu intua kita naa in intaubí doman inta kinotugatan in torú i Allah, ná doman mosia tua.

TESALONIKA 1 4:14

Kita in mopirisaya kon ki Yesus ain minatoi, táe nobiagbí bui. Tuamai kita in mopirisaya doman, kon biagonbí bui i Allah in bayongan intau inta mopirisaya kon i Yesus Kristus inta ain minatoi bo mosia in mobiag moyotakin-Nea.

TESALONIKA 1 4:15

Kon soaḷ tatua, nanaa in pinoguman i Tuhan inta musti poyaput nami kon i monimu: Kon wakutu in ki Tuhan Yesus mamangoidon bui kita inta nobiagpa in diábí umuna kon i monia inta minatoidon muna.

TESALONIKA 1 5:10

Sia in minatoi sin lantaranbí kita, sinbá kon wakutu in Sia mamangoidon bui – inta minatoi ande inta nobiagpa – yo moyotakin-Nea mobiag.

TESALONIKA 1 5:6

Tuamai kita in donaai tongá umuran mosiug mako ná intau mita ibanea, táe umuran koratakon in raian bo tantú kiḷuka-ḷukadmai.

PETRUS 2 3:4

Mosia in mosingog nanaa: “Dongogonmai ki Tuhan in nodandi mamangoi! Yo ondabí in nion! Nodaitdon minatoi in mogoguyang naton táe bayongan in yagi-yagi umuranpabí ná kaadaan tungkuḷ intua, wakutu in dunia naa bagupa inaidan!”

PETRUS 2 3:8

Táe utatku mita, dika koḻiongan monimu in soaḷ tobatú tanaa, “Aka kon tayowon i Tuhan, tosinggai notongkaibí in toribu notaong, bo toribu notaong ná doman onda bo tongá tosinggai, diábí in yoposinea kon tua.”