TESALONIKA 1 3:9 - Alkitab Singog In Mongondow Masa In Tanaa

⁹ Diádon in poporupaan in sukur nami kon i Allah sin bayongan inta mokosanang kon gina kon tayowon-Nea, lantaran moiko.

TESALONIKA 1 3:9 Mawu Ofanana

SAMUEL 2 6:21

Ki Daud in notubag, “Akuoi naa in notayok sin mohoromatbí kon i Tuhan, inta ain nondoí kon i amámu bo kon motoḷuadínea, bo nomiḻí kon inakó nobaḻí itoi in Israel, umat-Nea. Tuamai umuranbí in akuoi motayok sin mohoromat kon i Tuhan.

TAWARIKH 2 31:8

Nokoontongmai kon oogoi inta námai tua in kobayong, ki Datu Hizkia bo pogawainea mita nodayow kon i Tuhan bo nomuji kon rayat in Israel, umat-Nea.

NEHEMIA 9:5

Ibada kon singgai tua in pinangkoi in intau mita in Lewi inta noiduduimai naa: ki Yesua, ki Kadmiel, ki Bani, ki Hasabneya, ki Serebya, ki Hodia, ki Sebanya bo ki Petahya. Mosia in noguman, “Sindog bo dayowdon in ki Tuhan Allah naton! Podayowdon kon i-Nia modapot in mononoi! Dinayo-dayowdon in tangoi-Nea inta nopuḻing in kamuliaan, tangoi inta motoyang, noiḻiu kon bayongan dodayow!”

MAZMUR 116:12

Onu in ogoiku kon i Tuhan sin potuḻí kon kopopia-Nea kon inakó?

MAZMUR 68:3

Pinoguntun i Allah in mosia mayá, naonda bo poyok inta inirup bo noinggamádon. Naonda bo lilin inta ḷumoḷayat kon bonu in tuḷú, natuata in intau moraat moinggamá nongkon tayowon i Allah.

KORINTUS 2 2:14

Táe sukur mako kon i Allah! Sin tantú-Neabí dinia in kami dinumudui kon daḷan inta mokosaḷamat, sin notobatúdon i Kristus in kami. Pinaké-Nea in kami sinbá habar soaḷ ki Kristus moibaya-bayádon mako ná bó inta mobondu inta kobóan kon bayongan in tampat.

KORINTUS 2 9:15

Posukurdon kon i Allah sin diá in poḻiu kon barakat inogoi-Nea.

ULANGAN 12:18

Moiko bo adímu mita, moyotakin in bobantungmu mita bo intau mita in Lewi inta nogutun kon kotámu, musti mokaan kon sosumba tatua kon tayowon i Tuhan Allahmu, kon tampat inta piniḻí i Tuhan Allahmu. Bo kon tampat tatua moiko musti moḷunganga in gina sin bayongan onu inta iramujimu.

ULANGAN 12:2

Naonda in moiko tumuot kon butá tatua musti rimumudon monimu in tampat mita pososumbaan kon tudu in buḷud mita moḷantud, kon buḷud mita moompá bo kon kayu mita inta mongobambar, tampat pososumbaan in bangusa mita tatua kon ilah mita monia.

ULANGAN 16:11

Kon tayowon i Tuhan Allahmu, kon tampat inta piniḻí-Nea, moiko musti moposanang in gina moyotakin i adímu mita, bobantungmu mita bo intau in Lewi, intau ango-angoi, adí uno-unon bo intau mita inta dongkadon boba-bobay inta nogutun kon kotámu mita.

TESALONIKA 1 2:19

Totuubí kon tongábí moiko nion in nobaḻí harapan bo inta nobaḻí batoḷ in dodob nami aka ki Yesus inta ki Tuhan naton mamangoi bui!