TESALONIKA 1 3:6 - Alkitab Singog In Mongondow Masa In Tanaa

⁶ Táe tanaa, naonda in ki Timotius namangoi nodia in sia kon habar inta mokosanang totok kon gina. Inoumannea kon moiko in totu-totuudon mopirisaya kon i Kristus bo umuran doman mositabian. Inoumannea doman kon umuran kotoropan monimu kon kami naa in intaubí mopia bo moibog doman totok in moiko moyodungkuḷ nami, ná bí doman tua in gina nami kon i monimu.

TESALONIKA 1 3:6 Mawu Ofanana

AMSAL 25:25

Motarima kon habar inta mopia nongkon ḻipú inta moyayú in naonda bo monginum kon tubig moonow kon dodai in morogang.

YESAYA 52:7

Totuu mosanang in mokoontong kon koangoian in totabá, Sia in mayá mongin buḷud bo modia kon habar mopia habar kobiagan mopia, habar kasaḷamatan kon Sion, kainia, “Allahmu in Datu!”

OUMAN IN RASUL MITA 16:1

Ki Paulus in nogingguputdon kon bobayáannea. Sia minayá in Derbe, bo Listra. Kon tua oyúon tobatú dumodudui i Yesus inta ki Timotius in tangoinea. Ki inánea intau in Yahudi táe nopirisayadon kon i Yesus; ki amánea intau in Yunani.

OUMAN IN RASUL MITA 18:1

Onda intua ki Paulus in nonaḷámaidon kon Atena bo minayá in Korintus.

OUMAN IN RASUL MITA 18:5

Naonda in noiangoidon nongkon Makedonia in ki Silas bo ki Timotius, diádon mogoga-gogai in ki Paulus in mopoyaput in Habar Mopia inta nongkon i Allah kon bayongan intau in Yahudi. Sia nopoyaput in habar kon ki Yesusbí tuata in Datu Mopoposaḷamat inta pinodandi i Allah.

KORINTUS 1 11:2

Pujionkubí totok in moiko sin umuran mokotorop kon i nakó. Bo onu inta sinundúku kon i monimu, umuran doman duduian monimu.

KORINTUS 1 13:13

Dá toḷu tanaa in musti tantú aidan monimu: mopirisaya, umuran moharap bo tantú mositabian. Bo nongkon toḷu nopasaḷ tanaa totabianbí kon tumpaḷa intau in totok moponting.

GALATIA 5:6

Sin aka kita bo ain notobatú takin i Kristus Yesus, yo soaḷ sunaton ande diá sunaton, diábí mobaḻí soaḷ kon i naton. Sin totok moponting in pirisayabí kon i Kristus bo tua in moniata kon tabi naton kon tumpaḷa intau.

PILIPI 1:8

Kinotaauanbí i Allah kon nongkon i Kristusbí tontaní in tanob bo tabiku kon i monimu.

KOLOSE 4:18

Salam nongkon inakó, ki Paulus. Akuoibí tontaní in nomais kon salam tanaa. Dika koḻiongan kon akuoi in kon bonupa in ponjara! Igumon mako umuran barakatan i Tuhan in moiko. Horomat nami, Ki Paulus

TESALONIKA 1 2:17

Bayongan ginaḷum jamaat i Allah, wakutu in kita noyotanga diá noonggot – noyayú kon mata táe nodiugbí kon gina – totokbí in kinotanoban nami in moiko bo tantú ramujion nami sinbá buipa moyodungkuḷ monimu in kami!

TESALONIKA 1 2:9

Tantú kinotoropanpabí monimu uḻe utat mita naonda in pinogogaid bo pinororamuji nami. Doḷom bo singgai kami in mogaid sinbá diá tobatúmai in kon sigad monimu in mororiga wakutu in kami nopoyaput in Habar Mopia inta nongkon i Allah kon i monimu.

TESALONIKA 1 3:7

Manangka intua utatku mita, umpaka in kami nobiag nosusa bo mororiga, táe nosanangbí totok in gina nami in nokodongog kon habar kon moiko in umuran mopirisaya kon i Kristus,

TESALONIKA 2 1:3

Nobaḻí bidon kowajiban nami mopoyaput in sukur kon i Allah lantaran moiko. Oo patusbí intua aidan nami sin pirisaya monimu kon i Kristus in tantú kodugang-kodugang bo tabi monimu kon tumpaḷa intau in moḷoben domandon.

TIMOTIUS 1 1:5

Akuoi in mononggina nanaa sinbá intau kopakéandon in gina modarit motuḻid bo totu-totuudon mopirisaya kon i Tuhan, sahingga in oyúondon in totabian kon tumpaḷa intau.

TIMOTIUS 2 1:3

Akuoi mopoyaput in sukur kon i Allah inta binantunganku takin gina motuḻid bo modarit ná inta inaidan in mogoguyangku tungkuḷ intua. Umuranku sambayangan in moiko pomuḷoi in kotoropanku doḷom ande singgai.

PILEMON 1:5

Sin dinongogkudon kon iko in intaubí inta totu-totuu mopirisaya kon i Tuhan Yesus bo motabi doman kon umat i Allah.

IBRANI 13:3

Bo tantúdon kon gina mako in mosia inta kon bonu in ponjara naonda bo moiko kon bonu doman in ponjara noyotakin monia. Bo intau mita inta pinomia ibo-ibog umuran kon gina-gina doman mako in mosia naonda bo pinomia doman natua in moiko.

IBRANI 13:7

Dikabí koḻiongan monimu in itoi mita monimu inta mopoyaput in koyow i Allah kon i monimu. Tarukirabí naonda in kobobiag monia bo naonda in kopopatoi monia, bo duduiai in kopopirisaya monia.

YOHANES 1 3:23

Naa in pinarenta-Nea kon i naton: Kita in musti mopirisaya kon i Adí-Nea, tuata in ki Yesus Kristus, bo kita in musti umuran mositabian, ná inta ain pinarenta i Kristus kon i naton.