TESALONIKA 1 2:8 - Alkitab Singog In Mongondow Masa In Tanaa

⁸ Natua in kaadaan nami. Popisí in tabi nami totok in moḷoben kon i monimu, dá nobayagbí in gina nami in mobogoi kon i monimu. Naaibí in tongá Habar Mopia nongkon i Allah, nodapotbí in kobiagan nami yo ogoi nami potaru

TESALONIKA 1 2:8 Mawu Ofanana

LUKAS 7:2

Kon tua oyúon in tobatú porwira in Rum inta kobobantung. Bobantungnea tatua, totok in kinotabinea táe dodai intua notakit moyoyiga dongkadon oḷaton.

SURAT I PAULUS KON JAMAAT RUM 1:1

Utatku mita kon Rum inta kinotabi i Allah bo inta ain piniḻí-Nea sin baḻíondon umat-Nea. Akuoi in piniḻídon i Allah bo ain binaḻí-Nea intau inta mopotaau in Habar Mopia nongkon i-Nia.

SURAT I PAULUS KON JAMAAT RUM 10:1

Utat mita, ibogonku totok bá bangusaku in posaḷamaton. Dá tuamai akuoi in totokdon in totu-totuu mosambayang kon i Allah sin kopontingan monia.

SURAT I PAULUS KON JAMAAT RUM 15:29

Kotaauankubí kon aka akuoi in mamangoi kon i monimu, pasti modiabí kon barakat mobayong inta nongkon i Kristus.

KORINTUS 2 12:15

Tuamai mopiabí in ginaku bo morelabí in moposarakan in bayongan yagi-yagi, sin kopontingan monimu, nodapotkabí in awakku naa. Dá aka akuoi bo totok in motabi kon i monimu, umpaka yo diápa doman kotabi monimu in akuoi?

KORINTUS 2 6:1

Saḷaku yobayat topogaidan i Allah, kami in mononggina kon i monimu; donaai tongá pomayá mako in totabi i Allah inta ain inogoi-Nea kon i monimu.

GALATIA 4:19

Uḻe adíku mita inta kinotabiku! Tanaa akuoi in bui notakit sin umuran morai kon i monimu. Takitku naa in naonda bo takit in monononggadí. Moajar totok in porasaanku, aka sipat mita i Kristus bo diápa noitonop kon bonu in gina monimu!

PILIPI 1:8

Kinotaauanbí i Allah kon nongkon i Kristusbí tontaní in tanob bo tabiku kon i monimu.

PILIPI 2:17

Matoikabí in akuoi sin mobaḻí kuruban in sambayangmu kon i Allah inta pinirisayamu, yo diábí moyaat in ginaku kon i monimu.

PILIPI 2:20

Tongábí ki Timotius in intau inta tongoraianku inta totu-totuu monarukira kon kopontingan monimu.

PILIPI 4:1

Tuamai, Utatku mita inta kinotabiku, kobiagbí in moiko takin totu-totuu mopirisaya kon i Tuhan. Totok in akuoi mokotanob kon i monimu! Moiko nion inta totok mokoḷunganga kon ginaku.

KOLOSE 1:28

Ki Kristusbí tatua inta pinotaau nami kon intau mita. Kami nomaké in kabijaksanaan bo pongotahuan in mononggina bo motundú kon i monia, sinbá pomuḷoi in intau motaau diaan kon i Allah saḷaku intau inta noguyangdon in pirisaya, sin mosia ain notobatú i Kristus.

KOLOSE 1:7

Habar tatua in dinongogdon monimu nongkon i Epapras, yobayat topogaidan inta kinotabi nami. Sia tua in mogogaid kon oaidan i Kristus inta mosatia in mogaid kon kopontingan naton.

KOLOSE 4:12

Salam doman nongkon i Epapras. Sia naa intau doman nongkon sigad monimu. Mosia naa in mogogaid doman kon oaidan i Kristus inta umuran mosatia in mosambayang sin kopontingan monimu. Sia totok in mopoigum kon i Allah sinbá mobaḻídon moropot in koyakinan monimu, bo totu-totuudon moguyang in moiko sinbá totu-totuu domandon dumudui kon ibog i Allah.

PILEMON 1:1

Uḻe Pilemon, utatku inta nobaḻídon yobayat topogaidan nami! Akuoi ki Paulus, intau inta pinonjara popisí in nopirisaya kon i Kristus Yesus, noyotakin i utat naton ki Timotius, nomais kon surat tanaa kon inimu

IBRANI 13:17

Duduiaibí onu in pinarenta in itoi mita monimu bo kodu-kodudui doman kon i monia. Sin mosia in umuran monarukira mako kon kobiaganmu bo mustibí in mosia motanggung jawab kon i Allah. Aka moiko bo motoindudui kon i monia, dá mosanangbí in gina monia in mogaid, táe aka diá yo monakit in gina monia in mogaid, bo tua in diábí mobogoi in kauntungan kon i monimu.

YOHANES 1 3:16

Naa in daḷan bá kotaauan naton in motabi kon tumpaḷa intau: ki Kristus in noposarakandon in kobiagan-Nea sin kopontingan naton. Sin tuamai, kita doman in musti moposarakan in kobiagan naton kon kopontingan i utat mita naton!