TESALONIKA 1 2:7 - Alkitab Singog In Mongondow Masa In Tanaa

⁷ Táe kami in tongábí umuran mokopopia kon oaid wakutu in kon yua-yuakpa monimu, naonda bo guyanga bobay monompia kon i adínea.

TESALONIKA 1 2:7 Mawu Ofanana

YESAYA 40:11

Naonda bo gombala Sia in noḷukad kon paanan-Nea; Sia tontaní in mosipun kon i monia. Ki adí mita in domba koyotan-Nea, takin moḷukó in tosingogon Sia in modia kon i indenea mita.

YESAYA 49:23

Datu mita in naondadon bo ki amámu, bo bokí mita in nobaḻí ki inámu. Mosia in tumungkudbí mohoromat kon inimu bo tumonsiup kon inimu. Dá kotaauanmudon kon Akuoi in ki Tuhan; intau inta inumandoḷ kon i-Nakó in diábí pokuyangon in gina.”

YESAYA 66:13

Akuoi in moḻipoi kon i monimu kon Yerusalem, naonda bo ki iná inta moḻipoi kon i adínea.

PINOGIAPAN 11:12

Eta akuoi degá in nonogusian andeka inta nopononggadí kon i monia tua? Nongonu sin pinotabá-Mubí in akuoi ná intau moḷoḷukad kon adí inta umuran mokoyot mako kon adí mointok, modapot in akuoi musti umuran moḷukad kon i monia kinoouputbí in binayáan mopobayá in butá inta pinodandi-Mu kon mogoguyang monia?

OUMAN IN RASUL MITA 13:18

Opat nopuḷú notaong pinosabaran-Nea kon oaid mita monia kon padang gurun.

KORINTUS 1 2:3

Kon dodai in kotaki-takinpa monimu, moḻemé bo mouyot totok in akuoi.

KORINTUS 1 9:22

Aka kon yuak in intau mita inta diápa noguyang in pirisaya, yo akuoi in ná bí doman onda bo mosia, sinbá moidudui kon inakó in mosia bo mobaḻí komintan dumodudui i Kristus. Simpodon mako kon singog, norupa-rupamaidon in akaḷ inaidanku kon yuak in bayongan intau sinbá oyúon in mopirisaya kon i Kristus bo posaḷamaton.

KORINTUS 2 10:1

Akuoi ki Paulus, inta kain intau in diá mobarani moyogintayow mako, tongá mobarani aka moyogiyayúan monimu. Tanaa mako pinodoyon kon koaḷus bo kopopia in gina i Kristus,

KORINTUS 2 13:4

Totuubí, kon wakutu in Sia pinopopakú kon kayu pinoyotaḻempang, noḻemé in Sia, táe tanaa in biniagdon bui i Allah in Sia takin kawasa-Nea. Kami in diábí doman moropot kon bonu in kobiagan nami inta notobatúdon i Kristus, táe aka kami moyogintayowdon monimu, yo kami in mobaḻí bidon moropot moyotakin i Kristus lantaran kawasa i Allah.

GALATIA 4:19

Uḻe adíku mita inta kinotabiku! Tanaa akuoi in bui notakit sin umuran morai kon i monimu. Takitku naa in naonda bo takit in monononggadí. Moajar totok in porasaanku, aka sipat mita i Kristus bo diápa noitonop kon bonu in gina monimu!

TESALONIKA 1 2:11

Kinotaauanbí monimu in kinototabi nami kon i monimu. Naonda bo guyanga bo adí.

YAKOBUS 3:17

Táe intau inta nokouḻí kon kabijaksanaan nongkon i Allah, yo sia in muna-munamai totok modarit, onda intua moibog in sia kon dodamean, mobahasa mako, bo motoindudui. Moḷoben in tabinea bo oaidnea mongopia. Diábí in sia momiḻí kon intau bo diábí tongá ki ubo-uboḷmai mopia.