TESALONIKA 1 2:4 - Alkitab Singog In Mongondow Masa In Tanaa

⁴ Deemanbí natua! Kami in diábí mosingog sin moposanang kon gina in intau, táe moposanangbí in gina i Allah inta umuran noguji kon gina nami. Sin inanggap-Nea kon kami naa in motaaubí mopotaa-taau mako in Habar Mopia tatua.

TESALONIKA 1 2:4 Mawu Ofanana

DATU MITA IMITÁNEA 8:39

yo igumon mako in Iko nongkon tampat-Mu kon soroga moibogpa mokidongog bo mongampung poḷat motuḷung kon i monia. Tongábí Iko in nonotaau kon bonu in gina in intau. Tuamai in popoaidon kon intau podudui doman kon oaid monia tontaní,

DATU MITA 2 16:16

Ki Uria in nogaid kon onu in pinarenta i datu.

TAWARIKH 1 29:17

Kinotaauankubí kon Iko in monungkuḷ kon gina in intau kon batúannea bo kinoibog-Mu in intau inta motuḻid in ginanea. Takin gina nobayag bo pia in gina posumbaku in naa komintan kon ini-Mu. Akuoi in nokoontongdon tontaní kon naonda in umat-Mu inta noyosipun kon naa nodia kon sosumba monia kon ini-Mu takin pia in gina.

MAZMUR 139:23

Tarididon in akuoi o Allah, doḷopdon in ginaku, tungkuḷaidon bo pokotaaudon in raianku.

MAZMUR 17:3

Aka ujion-Mu in ginaku bo mamangoi monaridi kon inakó kon dodai in doḷom, yo mouḻí-Mubí kon motuḻid in ginaku; onu in siningogku noitombutungbí kon onu in iraiku.

MAZMUR 44:21

Aka kuma bo kami in diádon nosumba kon i Allah, táe nosambayangdon kon i ilah ibanea mako,

MAZMUR 7:9

Iko in mohakim kon umat intau; pobayádon in inta moadil, o Tuhan, sin diábí kotaḷá in akuoi.

AMSAL 17:3

Buḷawan bo saḷaka in ujionbí kon tuḷú, táe gina in intau in ujionbí i Tuhan.

YEREMIA 17:10

Akuoi, ki Tuhan monaridi kon gina, bonu in dodob in intau ujion-Ku kon batúan in intau tuḻían-Ku podudui in dodianea, bo aidan-Ku podudui in oaidnea.”

YEREMIA 32:19

Tomayá-Mu mita in motoyang, bo aid-Mu mita in mokoherang; Iko in nokoontong kon bayongan inta inaidan in intau, bo motuḻí kon i monia podudui in aid monia.

PINOGIAPAN 27:16

“O, Tuhan Allah, inta nobogoi in kobiagan kon bayongan inta nobiag, poigumonku, tundúpa in intau tobatú inta motaau mobaḻí itoi kon bangusa tanaa;

LUKAS 12:42

Ki Tuhan in notubag, “Ki ine in bobantung inta mosatia bo mopandoi, sahingga pomiaan i tuangnea itoi kon sigad in bobantungnea mita ibanea, sinbá sia mobogoi in kaanon kon i monia aka wakutuneadon?

LUKAS 16:11

Dá aka bagupa soaḷ kapunyaan dunia naa bo diádon motaau pirisayaan in moiko, apapa doman kapunyaan inta kon soroga?

YOHANES 21:17

Intoḷuneadon ki Yesus in noḻibó kon inia, “Simon adí i Yohanes, motabi degá in iko kon i-Nakó?” Moajardon totok in gina i Petrus sin ki Yesus nodapot in kotoḷu in noḻibó kon inia. Dá ki Petrus in notubag bui, “Tuhan, kinotaauanbí i Tuhan in bayongan yagi-yagi. Kinotaauanbí i Tuhan kon akuoi in motabibí kon i Tuhan!” Bo ki Yesus in noguman kon inia, “Ḷukadaidon in domba-Ku mita.

SURAT I PAULUS KON JAMAAT RUM 8:27

Dá ki Allah, inta nonotaau kon bonu in gina intau, nonotaaubí kon makusud in Roho tatua; sin Roho tatua mopoigum kon i Allah sin kopontingan in umat-Nea, bo tua in pinoduduibí kon ibog i Allah.

KORINTUS 1 7:25

Sabanarnea akuoi in diábí notarima kon parenta i Tuhan kon soaḷ intau mita inta diápa nokipobuḷoi. Táe saḷaku intau inta mopirisaya inta ain inogoian-Nea in totabi inta motaau pirisayaanmai, dá mononggina in akuoi.

KORINTUS 1 9:17

Aka kuma bo tongábí ibogku tontaní in mogaid kon oaidan tatua, yo tantú mogoḷatbí mako in akuoi kon boḻi in oaidanku tatua. Táe naa bo parentabí i Allah, dá mustibí aidanku.

KORINTUS 2 2:17

Sin kami in diábí ná intau ibanea inta tongá moibog motayak kon kauntungan nongkon habar i Allah tatua. Motuḻidbí totok in tujuan nami, sin ki Allahbí in nokiaid intua komintan kon i nami. Bo inontongbí i Allah tontaní kon kami in nopoyaput in habar tatua nogaidbí saḷaku mogogaid mita i Kristus.

KORINTUS 2 4:2

Kami in doíbí tongá umuni-uni sin mokooyábí in natua. Bo kami in doíbí mogaid takin gina inta diá motuḻid bo poḷat doman mopotaḷá in singog i Allah. Kami in nogaid kon oaidan i Allah takinbí gina motuḻid ná inta kinoibog-Nea. Tuamai in harapon mako tua, kopiaan in monilai kon i nami.

KORINTUS 2 5:11

Kotaauanbí in nami mangaḻe in moondok kon i Tuhan. Manangka intua kami moramuji sinbá pirisayaan in bayongan intau. Totokbí in kinotaauan i Allah in kami naa. Tuamai in haraponku in kotaauan doman monimu in kami.

KORINTUS 2 5:16

Manangka intua, kami in diábí monilai kon intau podudui in raian intau. Aka koḻipod bo nokoimontandon in kami nonilai kon i Kristus podudui in raian intau, yo masa inta naa in diá bidon natua.

GALATIA 1:10

Yo naonda degá in naa: Motayak degá in akuoi kon inta mokosanang kon gina in intau andeka inta mokosanang kon gina i Allah? Andeka ontongon monimu degá akuoi in mokopopia kon intau, sinbá kosanang in intau? Aka natua in oaidku, yo akuoi naa in deemanbí bobantung i Kristus.

GALATIA 2:7

Nodapotbí, ináku bidon in intau mita inta nobaḻí itoi, kon ki Allahbí in nobogoi in oaidan kon inakó sinbá akuoi in mayá mopoyaput in Habar Mopia kon intau mita inta deeman Yahudi, naonda bo ki Allah inta nopotabá kon i Petrus minayá nopohabar in Habar Mopia kon yua-yuak in intau Yahudi.

EPESUS 3:8

Kon sigad in bayongan umat i Allah, yo akuoibí naa in totok in mokooyá. Táe ki Allah ain noponotabi in oaidan tanaa kon inakó; oaidan mopoyaput in Habar Mopia soaḷ kaoyúonan i Kristus inta diá modai-dait;

EPESUS 6:6

Tua inaidan monimu, deemanbí tongá kon wakutu in koonto-ontongnea mako, sinbá dayowonnea in moiko. Táe aidaibí monimu intua saḷaku mogogundoi i Kristus inta dinumudui kon koibog i Allah takin gina motuḻid.

KOLOSE 3:22

Utat mita inta nobaḻí ata! Kon bayongan in rupa-rupa duduiaibí onu in pokiaid i tuangmu kon dunia naa. Deemanbí dumudui aka koontonganpa mako monia sinbá dayowon in moiko. Táe duduiaibí in mosia takin gina motuḻid lantaran horomatmu kon i Tuhan.

TIMOTIUS 1 6:20

Uḻe Timotius, adíku, onu inta pinoki aidku bo inta pinogumanku kon inimu, yo ḷukadai totok intua kopira! Donaai tongá mongonguman kon soaḷ inta diá in mangaḻenea bo inta moraat, dika tongá mobobayowan kon soaḷ mita inta sinangoian “Pongotahuan”.

TIMOTIUS 2 1:14

Takin totuḷung in Roho i Allah inta umuran kotaki-takin naton, umurai ḷukadai kopira in onu inta ain inogoi i Tuhan kon inimu, sin koboḻibí totok intua.

TIMOTIUS 2 2:2

Onu inta ain dinongogmu sinundúku kon tayowon intau moantó, yo pokiaid intua kon intau mita inta motaau pirisayaan bo inta mongopandoi motundú kon intau ibanea.

TITUS 1:3

Sin kon wakutu inta ain sinantú-Nea, pinoniata-Neadon in dandi-Nea tatua kon bonu in koyow-Nea. Koyow-Nea tatua inta pinoki aid-Nea kon inakó, bo tuata in pinotaa-taauku mako podudui in parenta i Allah inta mopoposaḷamat naton.

IBRANI 4:13

Diábí tobatúmai in mahaḷuk in diá ontongon i Allah. Bayongan yagi-yagi komintanbí ontongon-Nea mako motarang kon tayowon-Nea. Bo mustibí tanggung jawab bo naton kon tayowon-Nea.

PETRUS 1 4:11

Intau inta mopoyaput in habar, sia mustibí mopoyaput in habar nongkon i Allah, intau inta mobantung kon intau ibanea, mustibí pakéonnea in ropot inta nongkon i Allah, sinbá kon bayongan in yagi-yagi ki Allah in dayowon pongin i Yesus Kristus. Sia tua in kitogi kamuliaan bo kawasa inta mononoi. Amin.

WAHYU 2:23

Dumoduduinea mita in ḻimodon-Kubí doman sinbá kotaauandon in bayongan jamaat kon Akuoibí naa in Sia inta nonotaau kon raian bo gina intau. Bo moiko in tuḻían-Kubí podudui in aid monimu tontaní.