TESALONIKA 1 2:17 - Alkitab Singog In Mongondow Masa In Tanaa

¹⁷ Bayongan ginaḷum jamaat i Allah, wakutu in kita noyotanga diá noonggot – noyayú kon mata táe nodiugbí kon gina – totokbí in kinotanoban nami in moiko bo tantú ramujion nami sinbá buipa moyodungkuḷ monimu in kami!

TESALONIKA 1 2:17 Mawu Ofanana

KINOBAḺIAN 31:30

Kinotaauankubí kon iko nobuat tatua popisí in iko moibogdon totok mobui. Nongonu sin iko nonakowbí kon patong moḷoḷukad kon i motoḷuadíku?”

KINOBAḺIAN 45:28

“Ki adíku ki Yusup nobiagpa!” gumannea. “Tongábí tuata in kinoibogku! Akuoi in mustibí mayá bo moindoi kon inia kon dodai in akuoi diápa matoi.”

KINOBAḺIAN 48:11

Bo ki Yakub in nogumandon kon i Yusup, “Totok bidon diá kon gina-ginaku mako kon buipa akuoi moyodungkuḷmu, táe tanaa ki Allah nobogoipa doman in wakutu kon inakó noyodungkuḷ i adímu mita.”

SAMUEL 2 13:39

táe naonda in diádon nokuyang in gina i Daud, totokdon in nokotanob in sia kon i Absalom.

DATU MITA 2 5:26

Táe ki Elisa in noguman, “Kon tuabí in ginaku kon dodai in ki Naaman noponag nongkon keretanea sin mokipodungkuḷ kon inimu. Naa in deemanbí wakutunea motarima kon doit sin potaḷui kon gobá in zaitun, gobá in anggur, domba bo sapi takin bobantung mita!

MAZMUR 63:1

Mazmur i Daud, kon tungkuḷ in sia kon padang gurun Yohuda.

LUKAS 12:58

Aka iko bo bayáan pongaduon in intau kon pongadilan, yo ramujibí sinbá pelekara tatua in baḷú mopaḷut kon wakutu in diápa mayá in pongadilan. Sinbá diá potayownea kon hakim in iko bo posarakan kon puḻisi sin ponjaraan.

LUKAS 22:15

Bo Sia in noguman kon i monia, “Akuoi in moibogdon totok mokaan kon kaanon Paska tanaa moyotakin monimu wakutu in diápa mokorasa kon roriga in Akuoi!

OUMAN IN RASUL MITA 17:10

Doḷom tua ki Paulus bo ki Silas pinotabádon in bayongan intau inta mopirisaya kon kotá tatua, sinbá mayádon in Berea. Noiyaputmai kon tua mosia in minayá in baḷoi pososambayangan intau Yahudi.

SURAT I PAULUS KON JAMAAT RUM 1:13

Utatku mita! Ibogonku in bá kotaauan doman monimu kon mokakitdon in akuoi moibog mamangoi mokipodungkuḷ kon i monimu, tongá tantú oyúon in ḷabot. Sin ibogonku in bá oyúon doman bungai in oaidanku kon sigad monimu ná inta ain nobaḻí kon yua-yuak in intau mita inta deeman Yahudi kon tampat mita ibanea.

SURAT I PAULUS KON JAMAAT RUM 15:23

Táe tanaa oaidanku kon daerah mita tatua ain nopaḷut. Kon taonganneadon ibogku mamangoi mokipodungkuḷ kon i monimu.

KORINTUS 1 5:3

Oobí kon awakku in noyayúdon kon i monimu, táe ginaku in umuranpabí kon i monimu. Tuamai in rasaanku ná bí onda bo kon yua-yuak monimu in akuoi, “Podoyonku kon bonu in tangoi i Tuhan Yesus Kristus! Intau inta nogaidon kon inta totok in moromú tua in mustibí hukumon!” Aka moyosipun in moiko, dá anggapdon oyúon kon yua-yuak monimu in akuoi, bo kon bonu in kawasa i Yesus Tuhan naton,

KOLOSE 2:5

Sin umpakabí kita nogiyayúan, táe anggapdon in akuoi nionbí kon yua-yuak monimu. Bo mopiabí totok in ginaku in mokoontong kon i monimu motobatú kon gina bo umuran moropot in pirisaya monimu kon i Kristus.

TESALONIKA 1 3:6

Táe tanaa, naonda in ki Timotius namangoi nodia in sia kon habar inta mokosanang totok kon gina. Inoumannea kon moiko in totu-totuudon mopirisaya kon i Kristus bo umuran doman mositabian. Inoumannea doman kon umuran kotoropan monimu kon kami naa in intaubí mopia bo moibog doman totok in moiko moyodungkuḷ nami, ná bí doman tua in gina nami kon i monimu.