TESALONIKA 1 2:16 - Alkitab Singog In Mongondow Masa In Tanaa

¹⁶ Modapot in mosia moramuji totok in moḷamboi kon inami mopoyaput in Habar Mopia kon intau mita inta deeman Yahudi, Habar Mopia inta mokosaḷamat kon i monia. Intau mita in Yahudi tatua, umuran mogaid kon inta diá mopia kinobobúbí monia. Pangabisannea hukumon i Allah in mosia!

TESALONIKA 1 2:16 Mawu Ofanana

KINOBAḺIAN 15:16

Naonda in opat nopobuían, ki adí bo ki ompumu in mobuidon mangoi kon naa, sin Akuoi in diábí moguntun kon intau in Amori aka mosia diápa totok in moraat dapot in paraḷu hukumon.”

YESAYA 45:22

Ei, bayongan intau kon dunia, angoidon kon i-Nakó sinbá moiko in posaḷamaton, sin tongábí Akuoi in Allah, diábí in ibanea!

DANIEL 8:23

Kon tungkuḷ in kopaḷutandon in dodatuan mita tatua, aka aid moraat moiḻiudon, dá moiangoidon in datu tobatú inta motogat in uḷu bo mopandoi monguboḷ.

MALEAKHI 4:1

Guman i Tuhan Inta Totok in mokawasa, “Moiangoibí in wakutunea bayongan in intau inta moḷoḷatú bo inta moraat in tubáan naonda bo wawa. Kon singgai tatua mosia in tubáan modait, bo diá in tonggagatan in kon i monia.

MALEAKHI 4:5

Táe kon dodai in deemanpa singgai inta motoyang bo mokoondok inta sinantú-Ku tatua moiangoi, yo potabá-Ku mamangoi kon i monimu in ki Nabi Elia.

MATIUS 12:45

Sia in bui minayá bo nogoiní kon pitu in dimukud inta noiḻiu kon koraatnea bo sinumuot in mosia mogutun kon intau tatua. Dá pangabisannea kaadaan in intau tatua noiḻiudon raat nongkon inta muna. Natua doman in mobaḻí kon intau mita moraat masa inta naa.”

MATIUS 23:32

Dá duduiandon doman in oaid in mogoguyang monimu!

MATIUS 24:14

Bo Habar Mopia kon ki Allah in mamangoi momarenta saḷaku Datu in popotaaudon kon bayongan intau kon dunia naa, sinbá bayongan in intau mokodongogdon kon tua. Bain mobaḻí komintan intua bo moiangoidon in kiamat.”

MATIUS 24:6

Kondongogan monimu in tombá poparangan andeka habar mita moparang, táe dika moondok. Sin tua komintan in mobaḻíbí tongá deemanpabí singgainea.

MATIUS 3:12

Digu ain kokada-kadai-Nea mako. Tampat posipunan kon gandum toko daritan-Neadon, gandum sipunon-Nea bo uaban, inta mopia tagúonnea kon tampatnea, táe bayongan pangkoinea in tubáan-Nea kon tuḷu inta diá mopio-piong.”

MARKUS 16:16

Intau inta diá mopirisaya hukumon. Táe intau inta mopirisaya bo binaptis in posaḷamaton.

OUMAN IN RASUL MITA 13:45

Wakutu in inontong intau mita Yahudi in intau moantó tatua, mosia in totok nointoi. Totok monia singkuḻeon in ki Paulus bo toko bayowan monia onu in pinogumannea.

OUMAN IN RASUL MITA 13:50

Táe intau mita moḷoben kon kotá tatua bo bobay mita inta nongkon kalangan intau moḷantud inta motoguondok kon i Allah, totok pongaruon in intau mita in Yahudi. Mosia in nogaid kon soaḷ inta nokopomuka kon saturu monia kon i Paulus bo kon i Barnabas, bo inuntundon monia in taya dua nongkon daerah tatua.

OUMAN IN RASUL MITA 14:19

Tongá dodai intua namangoidon in intau mita Yahudi kon Listra. Mosia nongkon Antiokhia kon Pisidia bo nongkon Ikonium bo mopongaru kon intau moantó tatua sinbá dumudui kon i monia. Bo ki Paulus in inarab monia in batu poḷat dinia pinoḷuai kon kotá. Bo kai monia kamai ain bidon minatoi,

OUMAN IN RASUL MITA 14:2

Táe intau mita in Yahudi inta doí mopirisaya, totokdon in mopongaru kon intau mita inta deeman Yahudi, dá nomukádon yaat in gina i intau mita tatua kon bayongan intau inta mopirisaya kon i Yesus.

OUMAN IN RASUL MITA 14:5

Bo intau mita in Yahudi takin itoi mita monia noyotakin in intau mita deeman Yahudi in noyopakat moposikisa bo mogandur in batu kon rasul mita tatua

OUMAN IN RASUL MITA 17:13

Dá naonda in dinongog in bayongan intau Yahudi inta nogutun kon Tesalonika kon ki Paulus in nopoyaput domandon in Habar Mopia kon Berea, intau mita in Yahudi tatua namangoi domandon intua, nohasut bo nopoyaying in gina in bayongan intau kon tua.

OUMAN IN RASUL MITA 19:9

Táe oyúon doman in kon sigad monia tua in motogat in gina bo doí mopirisaya. Kon tayowon in intau moantó kon tua totokbí in mosia morebeg kon tomayá mita i Allah moposaḷamat kon intau podoyon kon pirisaya kon i Yesus. Tuamai in sinaḷáanmai i Paulus in mosia, bo minayá takin dumodudui mita i Yesus kon tampat pokokuliaan kon Tiranus. Kon tua pomuḷoi in singgai sia in mosisoaḷan takin intau mita kon tua.

OUMAN IN RASUL MITA 21:21

Mosia ain nokodongog kon ki utat aindon notundú kon bayongan intau in Yahudi inta nogutun kon ḻipú intau ibanea bo ki utat in moibog doman monginggamá kon hukum i Musa. Bo iko ain nongampag kon i monia sinbá mosia in diádon mokisunat kon i adí mita monia bo bá diádon mobiag podudui in adat naton.

OUMAN IN RASUL MITA 23:12

Doḷo-doḷom nobangon monik, intau mita in Yahudi nomangkoidon nosipun kon intau. Bo mosia in nongibot kon diápabí mopongaa-ngaan andeka moponginu-nginum aka ki Paulus in diápa koḻimodan monia.

OUMAN IN RASUL MITA 24:9

Intau mita in Yahudi inta kon tua in nopototuu doman kon onu in pinonapud tua kon inia. Mosia in noguman doman, totuubí in singog i Tertulus tua.

OUMAN IN RASUL MITA 25:2

Kon tua imang mita itoi takin itoi mita intau in Yahudi namangoi kon tayowonnea bo nopongadu kon taḷá i Paulus.

OUMAN IN RASUL MITA 25:7

Naonda in ki Paulus noiyaputdon in yuang pinosidangan, intau mita in Yahudi inta namangoi mita nongkon Yerusalem sinimindog iḻimibu kon inia, bo yagi-yagidon in pinonapud monia kon inia. Táe mosia in diá nokouḻí kon bukti in onu inta pinonapud monia tua kon inia.

OUMAN IN RASUL MITA 4:12

Diábí in kasaḷamatan kon ibanea mako koḻikudbí in kon i Yesus tontaní, sin kon dunia naa in diábí in intau ibanea in inogoian i Allah in kawasa moposaḷamat kon i naton.”

OUMAN IN RASUL MITA 9:23

Naonda in tongonumaidon nosinggai in koonggotnea intau mita in Yahudi noyopakat moḻimod kon i Saulus.

KORINTUS 1 10:33

Kobiagdon ná akuoi. Kon soaḷ yagi-yagi, ramujionku totok sinbá mokosanang kon bayongan intau. Bo tua in deemanbí tongá kopontinganku tontaní, táe kopontinganbí in bayongan intau sinbá mosaḷamat in mosia.

GALATIA 5:11

Bo aka soaḷ akuoi utat mita, nongonubí sin umuranbí saturuon monimu in akuoi aka moguman kon atorang in sunat tua in diábí moponting? Aka akuoi mopotaau in natua, dá onu inta pinotaauku soaḷ kayu pinoyotaḻempang i Kristus, diá bidon mokopomuká kon bobayowan.

EPESUS 3:13

Tuamai naa in igumonku: donaaibí moḻia-ḻiaw in gina in mokoontong kon rorigaku inta popisí in moiko, sin bayongan in rorigaku tua, untukbí kopiaan monimu.

EPESUS 3:8

Kon sigad in bayongan umat i Allah, yo akuoibí naa in totok in mokooyá. Táe ki Allah ain noponotabi in oaidan tanaa kon inakó; oaidan mopoyaput in Habar Mopia soaḷ kaoyúonan i Kristus inta diá modai-dait;

TESALONIKA 1 1:10

Inouman doman monia in kososatia monimu in mogoḷat mako kon koangoian bui i Adí i Allah inta ki Yesus Kristus nongkon soroga. Sia inta ain biniag bui i Allah nongkon sigad in intau mita minatoi. Sia tuata inta moposaḷamat kon i naton nongkon hukuman i Allah kon singgai moiduduimai.

TESALONIKA 2 2:10

Bayongan akaḷ inta moraat pakéonnea mopoyaying kon intau mita inta mongoputú. Mongoputú in mosia sin doí motarima bo doí doman kon habar mopia inta nongkon i Allah inta mokosaḷamat kon i monia.

TIMOTIUS 1 2:4

Ki Allah inta moibog bá bayongan in intau in posaḷamaton bo monotaau kon onu inta moitutui.

IBRANI 6:8

Táe aka tongá kobiagan in padang bo bayongan in díat, dá diá in baraguna in butá tatua sahingga kutukon i Allah bo pangabisannea pokakon modait.

WAHYU 22:11

Intau inta moraat, pomayádon mako in umuran mogaid kon moraat; intau inta monajis, pomayádon mako in mokoponajis kon awaknea tontaní; intau inta dinumudui kon ibog i Allah, bo intau inta kobiagannea in tongádon mogaid kon kopontingan i Allah, yo pomayádon mako in sia tongá mogaid kon natua kon i Allah.”