TESALONIKA 1 2:15 - Alkitab Singog In Mongondow Masa In Tanaa

¹⁵ Intaubí mita tatua inta noḻimod kon i Tuhan Yesus bo nabi mita bo inta nomogutú doman kon i nami. Mosia in mosaturu kon bayongan intau, bo beresibí diá mosanang in gina i Allah kon i monia.

TESALONIKA 1 2:15 Mawu Ofanana

ESTER 3:8

Bo ki Haman in noguman kon i datu, “Tuang, oyúon in bangusa tobatú inta mokoherang inta noibaya-bayá mako kon batúan in propinsi in dodatuan tanaa. Adat kabiasaannea in noyoposibí totok in bangusa mita ibanea. Mosia in doíbí dinumudui kon hukum mita in dodatuan. Dá, maníka ki Tuang in dikadon mopomayá mako in mosia mogaid kon onuka in kinoibog monia.

MAZMUR 109:20

Tuhan, popoḷabúdon in hukuman kon i inta mopoponapud kon inakó, kon intau inta moguman kon uboḷ soaḷ akuoi.

YEREMIA 2:30

Diábí in mangaḻenea in pohukuman-Ku kon i monimu sin moiko in doíbí motarima kon toboḷow. Ná singa inta koyogot in tumorú, natuata in moiko moḻimod kon nabimu mita.

AMOS 7:12

Bo ki Amazia in noguman kon i Amos, “Ei Nabi, pobuidon kon Yohuda! Pohutubadon kon tua. Pobiódon mako sinbá mosia in mopokaan kon inimu!

MATIUS 23:37

“Yerusalem, Yerusalem! Nabi mita iḻimodmu. Totabá mita i Allah inandurmu in batu nodapot in minatoi. Nokakitdon in Akuoi moibog totok mosipun kon i adímu mita naonda bo ki iná in manuk mosipun kon i adínea mita kon koḻikipnea, tongá doí in moiko!

MATIUS 27:25

Bayongan in intau inta kon tua in notubag, “Pomayádon mako bain kami bo ki adí nami in motarima kon hukuman kon kopatoian-Nea!”

MATIUS 5:12

Koḷunganga bo kopiadon in gina monimu, sin moḷoben in mouḻímu kon soroga, sin nabi tungkuḷ intua in pinogutú doman monia natua.”

LUKAS 24:20

Táe Sia tua in pinosarakan in imang mita itoi bo in itoi mita nami sin hukumon dapot matoi. Bo pinopopakú monia in Sia kon kayu pinoyotaḻempang!

OUMAN IN RASUL MITA 12:3

Naonda in kinotaauannea kon oaidnea tatua mokosanang kon gina in bayongan intau Yahudi, dá umurannea bo inaidan in onu inta diá mopia tatua; sia in nokidomok domandon kon i Petrus sin bonuon kon ponjara. Wakutu intua Singgai Poramean in Roti Diá Koragi.

OUMAN IN RASUL MITA 2:23

Bo pinodudui in tomayá i Allah kon i-Nia, Sia pinosarakan kon imonimu. Sia in pinopopakú monimu kon kayu pinoyotaḻempang bo pinomayá mako in iḻimod in intau mita inta mongoromú.

OUMAN IN RASUL MITA 3:15

Moiko in noḻimodon kon i-Nia inta pangkoi in kobiagan in bayongan intau, táe bui bo biniag i Allah in Sia nongkon sigad in intau minatoi. Bo kami naa in nokoontong tontaní kon tua komintan.

OUMAN IN RASUL MITA 4:10

dá tanaa in pogumankudon kon i monimu bo kon bayongan intau in Israel, kon intau tanaa in nokosindogdon bo nosehatdon in indoian mako monimu popisí in ropot bo kawasa i Yesus Kristus intau in Nazaret inta ain pinopopakú monimu kon kayu pinoyotaḻempang, táe bui biniag i Allah in Sia nongkon sigad in intau minatoi.

OUMAN IN RASUL MITA 5:30

Ki Yesus inta aindon iḻimod bo pinopopakú monimu kon kayu pinoyotaḻempang tua in buibí biniag i Allah in mogoguyang naton.

OUMAN IN RASUL MITA 7:52

Eta oyúon nabi in diá pinogutú in mogoguyangmu mita? Sinbá kotaauan monimu, nodait monia iḻimod in totabá mita i Allah koḻipod, inta namangoi sin mopotaau in koangoian in Simpaḷ i Allah inta totok in mobanar, inta aindon doman irupa-rupamai monimu poḷat iḻimod.

KORINTUS 1 10:5

Táe umpaka natua yo nobayongbí doman in kon sigad monia tua in kinodoí i Allah. Tuamai in nobarong kon sigad monia in minatoi kon padang gurun.

KORINTUS 2 11:26

Kon bonu in bobayáanku mobayong totok kodungkuḷanku in soaḷ mita inta mokoondok: oyúon inta mokouma kon ḷunud, moyodungkuḷ in intau moraat, moyogintayow in romú intau in Yahudi bo intau deeman Yahudi, moyotayow in bahaya mita inta mobaḻí kon kotá bo kon ḷuai in kotá, inta bahaya mita kon dagat bo moyotayow in intau mita inta mongaku notobatú kon pirisaya kon i Yesus, bokaka bo diábí.