TESALONIKA 1 1:7 - Alkitab Singog In Mongondow Masa In Tanaa

⁷ Tuamai moiko in nobaḻí duduianmai in bayongan intau inta mopirisaya kon Makedonia bo kon Akhaya.

TESALONIKA 1 1:7 Mawu Ofanana

OUMAN IN RASUL MITA 1:13

Kon Yerusalem in mosia minayá in baḷoi inta pinogutunan monia. Mosia namonik in yuang inta pinongaanan monia wakutu in Singgai Moḷoben Paska. Naa in tangoi monia tua: Ki Petrus, ki Yohanes, ki Yakobus, ki Andreas, ki Pilipus, ki Tomas, ki Bartolomeus, ki Matius, ki Yakobus inta ki adí i Alpeus, ki Simon intau in Zelot bo ki Yudas adí i Yakobus;

OUMAN IN RASUL MITA 16:12

Nongkon tua kami minayá in Pilipi, tobatú kotá kon distrik inta dungkuḷ kon Makedonia. Pilipi naa in jajahan pomarenta in Rum. Kon tua kami in nogutun tongonumai nosinggai.

OUMAN IN RASUL MITA 18:1

Onda intua ki Paulus in nonaḷámaidon kon Atena bo minayá in Korintus.

OUMAN IN RASUL MITA 18:12

Naonda in ki Galio nobaḻí gubernur kon Akhaya, intau mita in Yahudi, notobatú kon gina bo nomayow kon i Paulus poḷat dinia monia pinobayá in pongadilan.

OUMAN IN RASUL MITA 19:21

Naonda in nopaḷut in bayongan inta nobaḻí tatua, ki Paulus in nogamádon kon kaputusan mayá in Makedonia bo Akhaya bo yumaput kon Yerusalem. Sia in noguman, “Mopaḷut kon tua, akuoi in musti mayá doman in Rum.”

SURAT I PAULUS KON JAMAAT RUM 15:26

Sin jamaat mita kon Makedonia bo kon Akhaya ain notobatú kon gina bo nobogoi in totuḷung kon utat mita inta nobiag nobogá kon sigad in umat i Allah kon Yerusalem.

KORINTUS 2 1:1

Utatku mita jamaat i Allah inta kon Korintus bo bayongan intau inta ain piniḻí i Allah kon Akhaya. Akuoi, ki Paulus, rasul i Kristus Yesus, inta ain binaḻí i Allah rasul-Nea takin ki utat naton ki Timotius,

KORINTUS 2 9:2

Sin kotaauanku bidon kon moiko in moibogbí motuḷung, bo moiko in umurankubí dinui-duí kon yua-yuak in intau in Makedonia. Pinogumankudon kon i monia kon nongkon taongpabí inta nopaḷut naa in tai utat mita kon Akhaya ain nobasadia mobogoi in sumbangan. Bo lantaran totok domandon in gina monimu, dá intau ibanea in totok domandon noibog.

TESALONIKA 1 1:8

Sin nongkon imonimu, habar soaḷ ki Tuhan noisiardon dapot in Makedonia bo Akhaya. Deeman doman tongá kon tua; sin nodapotbí doman in habar kon naonda in kopopirisaya monimu kon i Allah noisiar domandon magí mako kon ḻipu-ḻipúannea, sahingga diá bidon in musti pogumanku kon i monimu.

TESALONIKA 1 4:10

Bo tua komintan aindon pinoontong monimu kon bayongan utat inta kon Makedonia. Táe, tantúbí tongginaan nami in moiko sinbá modugang motompia in kobobiag monimu.

TIMOTIUS 1 4:12

Mokopoingat sinbá diá in tobatúmai intau in mopandang enteng kon inimu popisí in iko noguodpa. Táe poramujidon sinbá iko in umuran mobaḻí contoh bo doduduianmai kon soaḷ inta mopia i intau mita inta mopirisaya, pinangkoi kon pososingog, oaid bo kon soaḷ kototabimu kon tumpaḷa intau bo kopopirisayamu kon i Kristus Yesus takin kobobiagmu inta motompia.

TITUS 2:7

Bo kon bayongan in yagi-yagi, oaidmu in musti mobaḻí dodayanan inta mopia kon i monia. Aka motundú in iko yo mustibí mokopojujur bo totu-totuu motundú.

PETRUS 1 5:3

Bo dikabí in moiko naonda bo pongawasa kon i monia inta pinoki ḷukad kon i monimu, táe moiko in mustibí mobaḻí contoh kon i monia.