TESALONIKA 1 1:5 - Alkitab Singog In Mongondow Masa In Tanaa

⁵ Sin kami in nopoyaput in Habar Mopia kon i monimu deemanbí pinodoyon kon pandoi nami, táe pinodoyonbí kon kawasa in Roho i Allah inta umuran kotaki-takin nami. Bo totokbí iyakin nami kon totuubí in Habar Mopia tatua. Kinotaauan bidon monimu in kobobiag nami wakutu in kotaki-takinpa monimu. Kami in umuran noramuji in nogaid sin kopontingan monimu.

TESALONIKA 1 1:5 Mawu Ofanana

YESAYA 55:11

natua doman in tosingogon inta siningog-Ku diábí mobui kon i-Nakó takin diá in mangaḻenea, táe mokoaid kon onu inta kinoibog-Ku, bo mokodapot kon bayongan inta imakusud-Ku.

MARKUS 16:20

Dá murí-Nea mita minayá nopotaa-taau mako in habar nongkon i Allah. Bo mosia in sinakinan i Tuhan kon bonu in binaya-bayáan mako monia. Tua pinoniata i Tuhan kon oaid mita inta mokoherang kon totuubí in pinotaau monia tua.] [

LUKAS 1:1

Tuang Teopilus inta mopia. Nobayongdon intau ain noramuji nomais kino tompia kon soaḷ mita inta ain nobaḻí kon sigad naton.

OUMAN IN RASUL MITA 11:21

Kawasa i Tuhan umuran kotaki-takin monia, sahingga in nobayongdon in intau in nopirisaya bo moposarakan in kobiagannea kon i Tuhan.

OUMAN IN RASUL MITA 16:14

Tobatú kon sigad monia tua in intau inta mopopotaḷui in kaeng nopars. Ki Lidia in tangoinea. Sia in intau nongkon Tiatira inta totok motoindudui kon i Allah. Tuamai iḻiai i Tuhan in ginanea sinbá tarimaannea onu in pinotaau i Paulus kon inia.

OUMAN IN RASUL MITA 2:33

Sia biningkat bo inogoian in tampat pomomarentaan inta moḷantud, bo inogoian i Allah in kawasa, bo notarima kon Roho i Allah inta ain pinodandi tua, bo Roho doman tatua in inogoi-Nea kon inami naa, tuata inta inontong bo dinongog monimu kon naa,

SURAT I PAULUS KON JAMAAT RUM 1:16

Mopirisayabí totok in akuoi kon Habar Mopia tatua, sin Habar Mopia tatua in ropotbí i Allah moposaḷamat kon bayongan in intau inta mopirisaya; muna-munamai intau in Yahudi, bo bangusa doman ibanea.

SURAT I PAULUS KON JAMAAT RUM 15:13

Poigumon mako kon i Allah, inta tampat pohoharapan monimu, sinbá Sia in mobogoi kon i monimu in gina mosanang bo kobiagan motompia sin moiko in mopirisaya kon i-Nia. Poigumon doman mako sinbá moiko in umuran kawasaan in Roho i Allah, sahingga in modugangdon moḷoben in harapan monimu kon i Allah.

SURAT I PAULUS KON JAMAAT RUM 2:16

Natuata in mobaḻí kon singgai inta ain sinantú tua. Kon Singgai tatua, podudui in Habar Mopia inta pinoyaputku naa, ki Allah pongin i Yesus Kristus mohakim kon bayongan inta noibuni kon bonu in gina bo raian in bayongan intau.

KORINTUS 1 1:24

Tongá aka kon intau mita inta ain sinoko oiní i Allah, pinomayá intau in Yahudi andeka deeman – habar tatua in totokbí in pinirisaya kon aidbí i Allah kon moponiata in kawasa bo kapandoian-Nea.

KORINTUS 1 10:33

Kobiagdon ná akuoi. Kon soaḷ yagi-yagi, ramujionku totok sinbá mokosanang kon bayongan intau. Bo tua in deemanbí tongá kopontinganku tontaní, táe kopontinganbí in bayongan intau sinbá mosaḷamat in mosia.

KORINTUS 1 3:16

Degá diá kinotaauan monimu kon awak monimu nion in Baḷoibí i Allah inta pinogutunan in Roho-Nea?

KORINTUS 1 3:6

Aka ibarat pinomuḷa, akuoi in nomuḷa bo ki Apolos in nomuta-mutak, táe ki Allahbí in nobogoi in kobiagan.

KORINTUS 1 4:20

Sin aka ki Allah in momarenta kon intau tatua, dá buktinea in deemanbí tosingogon in intau tatua, táe kobobiagneabí.

KORINTUS 1 9:14

Ná doman tua ain bidon sinantú i Tuhan kon intau inta mopoyaput in Habar Mopia nongkon i Tuhan, in musti mokouḻí kon barakat nongkon oaidannea tatua.

KORINTUS 2 3:6

Bo Siabí doman tua in nobogoi in komampuan kon inami nobaḻí mogogaid mita kon oaidan i Allah kon tobatú dodandian nobagu; dodandian inta noyotogot in Roho i Allah, táe deemanbí kon hukum inta pinais. Sin hukum inta pinais tua in modiabí kon popatoi, táe aka Roho i Allah yo mobogoibí in kobiagan.

GALATIA 2:2

Akuoi in minayá in Yerusalem sin ki Allahbí in nopotabá. Bo kon tobatú pinoyodungkuḷan takin itoi mita kon tua, akuoi noginsilang kon Habar Mopia inta pinoyaputku kon intau mita inta deeman Yahudi. Sin doíbí in akuoi aka usahaku koḻipod bo masa in tanaa, tongá mobaḻí diá baraguna.

GALATIA 5:5

Táe aka kon i nami, kami in tongábí moharap mako kon totabi i Allah sin pinodoyon kon pirisaya kon i Kristus, ki Allahbí in mobogoi in kasampatan mobiag moyodame bui takin-Nea.

EPESUS 2:10

Ki Allahbí in nomia kon i naton, bo pinongin i Kristus pinomia-Nea in kita, sinbá kita in mogaid kon soaḷ mita inta mopia inta ain sinadia-Nea kon i naton.

EPESUS 3:20

Takin kawasa i Allah inta tantú moigonú kon bonu in gina naton, motaau in ki Allah mogaid kon mobayo-bayong nongkon onu inta motaau igumon andeka inta koraian naton.

PILIPI 2:13

Sin ki Allahbí in mopogonú kon ginamu sinbá moibog bo mokosanggup moposanang in gina i Allah in moiko.

PILIPI 4:9

Aidaidon onu inta ain binalajar bo sinarima monimu kon inakó; bo onu inta ain dinongog andeka inta ain inontong monimu kon inakó aidai intua. Dá ki Allah inta pangkoi in kopiaan umuranbí kotaki-takin monimu.

KOLOSE 2:2

Naa komintan inaidanku sinbá moropotdon in gina monia bo mositabian poḷat mobiag motobatú, sahingga in mosia totu-totuudon momangarti bo moyakin poḷat monotaau kon onu inta binuni i Allah, tuata in ki Kristus tontaní.

TESALONIKA 1 2:13

Oyúon in totok mokopia-pia kon gina nami, sahingga in kami tantú mosukur kon i Allah. Tuata wakutu in kami nopoyaput in Habar Mopia nongkon i Allah kon i monimu. Habar Mopia tatua in diábí tongá inanggap monimu habar nongkon intau, táe totu-totuubí Habar Mopia nongkon i Allah. Sin Roho-Neabí in pinopopaké-Nea kon inimu nogaid kon tua mita, intau inta mopirisaya kon i Yesus.

TESALONIKA 2 2:14

Tuata in mangaḻe pinogoinían i Allah kon i monimu inta pinodoyon kon pirisaya kon habar mopia inta pinoyaput nami kon i monimu. Ki Allah in nogoiní kon i monimu sin ibogon-Nea mokorasa in moiko kon kokokawasa i Tuhan naton ki Yesus Kristus.

TIMOTIUS 2 2:10

Tuamai akuoi in notababí in notanggung kon tua komintan lantaran kopontingan in intau mita inta ain piniḻí i Allah, sinbá mosia in mokouḻí doman kon kasaḷamatan inta inaidan i Kristus Yesus bo takin kamuliaan inta mononoi.

TIMOTIUS 2 2:8

Torop in naa: Habar Mopia inta pinoyaputku tua in habarbí soaḷ ki Yesus Kristus inta ain nobiag kon sigad in intau minatoi, inta pinolahir saḷaku buí i Daud.

IBRANI 10:22

Tuamai, koḻigai dimiugdon in kita kon i Allah takin gina motuḻid bo totu-totuudon mopirisaya sin gina naton in dinaritandon nongkon raian mita inta mongoraat, bo awak naton in dinaritan domandon in tubig inta modarit totok.

IBRANI 6:11

Ibogon nami bá moiko komintan in umuran morigon in gina bo totu-totuu mopirisaya kon wakutu in mobiagpa, sahingga in moiko motarima kon onu inta i harap mako monimu tua.

PETRUS 1 1:12

Ki Allah ain noguman kon nabi mita tatua, kon onu in pinomia monia tatua, deemanbí inaidan monia sin kopontingan monia tontaní, táe kopontinganbí monimu, tua in soaḷ mita inta tanaa mako ain dinongog monimu notarang nongkon intau mita inta nopoyaput in Habar Mopia soaḷ ki Yesus Kristus. Mosia in nopoyaput intua komintan kon i monimu takin kawasa in Roho i Allah inta pinotabá-Nea mangoi nongkon soroga. Bo umpakabí malaekat mita yo moibogbí doman totok monotaau kon habar inta pinoyaput monia tua.

PETRUS 1 1:3

Koḻigaidon in kita mosukur kon i Allah, ki Amá i Tuhan naton ki Yesus Kristus! Sia in totok motabi kon i naton, manangka intua kita in inogoian-Nea in kobiagan mobagu inta pinodoyon kon kinobiagan bui i Yesus Kristus nongkon kinopatoian. Naabí in mobogoi in harapan moroton kon i naton.

PETRUS 1 5:3

Bo dikabí in moiko naonda bo pongawasa kon i monia inta pinoki ḷukad kon i monimu, táe moiko in mustibí mobaḻí contoh kon i monia.

PETRUS 2 1:10

Tuamai utatku mita, poramuji totok, sinbá moiko inta ain inoiní bo piniḻí i Allah in morotondon totok in pirisayamu. Aka aidan monimu intua komintan, yo diá bidon mobaḷui in pirisayamu.

PETRUS 2 1:19

Tuatabí in nokodugang kon pirisaya nami kon koyow i Allah inta ain pinoyaput in nabi mita. Maníka moiko in monarukira totok kon koyow tatua, sin koyow tatua in naonda bo togá inta nonindar kon wakutu in doḷom modapot in mobayagdon, bo sindar in tundi inta kon dotá in pomukaan monimbayag kon bonu in ginamu.