TAWARIKH 2 6:42 - Alkitab Singog In Mongondow Masa In Tanaa

⁴² Tuhan Allah, dikapa indoíon-Mu in datu inta ain piniḻí-Mu tanaa. Toropdon in tabi-Mu kon i Daud mogogundoi-Mu.”

TAWARIKH 2 6:42 Mawu Ofanana

DATU MITA IMITÁNEA 1:34

Kon tua ki Zadok bo ki Natan in musti moduí kon inia mobaḻí datu in Israel. Mopaḷut mako kon tua moiko in musti mogirup kon torompet bo mobaḷu, ‘Mobiag in ki Datu Salomo!’

DATU MITA IMITÁNEA 2:16

Tanaa in tobatú in poigumonku, igumonku mako in tarimaan i iná.”

MAZMUR 132:1

Dondong mayá in Baḷoi Tuhan. O Tuhan, toropdon in ki Daud, bo bayongan in roriganea.

MAZMUR 132:10

Podoyon kon i Daud mogogundoi-Mu, dika kaasí indoíon in datu inta piniḻí-Mu.

MAZMUR 2:2

Datu mita in dunia simindog moyododai bo inta mongogawasa mita moyopakat moḷawang kon i Tuhan bo datu inta piniḻí-Nea.

MAZMUR 84:10

Barakataipa kaasí in datu nami, o Allah, ḷukadaidon in intau inta ain piniḻí-Mu.

MAZMUR 89:24

Bayongan in musungnea daiton-Kubí yompaton, ḻimodon-Ku ki inekabí in mondoí kon inia.

MAZMUR 89:28

Baḻíon-Kubí in sia ki adí-Ku ḷoḷaki guya-guyang, inta moiḻiu in ḷantud nongkon bayongan in datu.

YESAYA 55:3

Indongogaidon, ei bangusa-Ku, angoidon kon i-Nakó, moiko in ogoian-Ku in kobiagan inta mononoi. Pinodoyon kon tabi bo kososatia inta pinodandi-Ku kon i Daud, Akuoi in notogot kon dandi mononoi takin i monimu.

YESAYA 61:1

Kawasa i Tuhan Inta Totok in Moḷantud oyúon kon inakó; Sia in nomiḻí bo nopotabá kon inakó sin modia kon habar mopia kon intau nobogá bo moḻipoi kon intau inta nokuyang in ginanea, sin mopotaau kon intau inta sinokodakop kon mosia in ḷagidon poḷuaton, bo kon intau mita kon bonu in ponjara kon mosia in ḷagidon poḷuaion.

OUMAN IN RASUL MITA 13:34

Aindon biniag i Allah in Sia nongkon sigad in intau minatoi. Táe tanaa mako in diá bidon mokorasa kon popatoi natua in Sia. Sin ki Allah in nogumandon nanaa, ‘Akuoi in mobogoi in dandi motusi kon ini-Mu bo pototuu-Kubí dandi inta aindon doman pinodandi-Ku kon i Daud.’