TAWARIKH 2 6:38 - Alkitab Singog In Mongondow Masa In Tanaa

³⁸ Aka kon butá tatua bo mosia takin ibogbí monia tontaní bo totu-totuudon monaḷámai kon dosa mita monia, bo mosambayang kon ini-Mu tumayow kon butá tanaa inta inogoi-Mu kon mogoguyang nami, tumayow kon kotá inta ain piniḻí-Mu bo baḷoi pooibadaan inta ain pinosindogku kon ini-Mu tanaa,

TAWARIKH 2 6:38 Mawu Ofanana

TAWARIKH 2 6:34

Aka Iko mopotabá kon umat-Mu mayá moparang monayow kon musung, bo kon ondaka in mosia, táe tumayow kon kotá inta piniḻí-Mu tanaa bo mosambayang tumayow kon baḷoi tanaa inta ain pinosindogku kon ini-Mu,

TAWARIKH 2 6:37

igumon mako indongogan-Mupa kaasí in sambayang monia. Aka kon butá tatua bo monaḷámai in mosia kon dosa mita monia, bo mosambayang kon ini-Mu poḷat mongaku kon mosia in aindon binaradosa bo nogaidon kon inta moraat, indongogaipa kaasí in sambayang monia, o Tuhan.

TAWARIKH 2 6:39

dá nongkon pinogutunan-Mu kon soroga igumon mako indongogan-Mupa kaasí in sambayang monia bo monotabi kon i monia. Ampungaidon kaasí in bayongan in dosa in umat-Mu.

DANIEL 6:10

Dá ki Datu Darius in notekengdon kon surat parenta tatua.

YUNUS 2:4

Akuoi in nosingog kon bonu in ginaku: Ki Tuhan in nopoguntundon kon inakó naa nongkon tayowon-Nea. Diádon in akuoi mokoontong bui kon baḷoi pogogutunan-Nea inta motusi.