TAWARIKH 2 6:37 - Alkitab Singog In Mongondow Masa In Tanaa

³⁷ igumon mako indongogan-Mupa kaasí in sambayang monia. Aka kon butá tatua bo monaḷámai in mosia kon dosa mita monia, bo mosambayang kon ini-Mu poḷat mongaku kon mosia in aindon binaradosa bo nogaidon kon inta moraat, indongogaipa kaasí in sambayang monia, o Tuhan.

TAWARIKH 2 6:37 Mawu Ofanana

TAWARIKH 2 6:36

Aka umat-Mu binaradosadon kon ini-Mu – totuubí kon diábí in tobatúmai in intau kon dunia naa in diá binaradosa – bo popisí in torú-Mu binió-Mudon mako in mosia sinaḷow in musung bo dinia nobaḻí intau inta dinakop pinobayá in butá inta moyayú andeka nodiug,

TAWARIKH 2 6:38

Aka kon butá tatua bo mosia takin ibogbí monia tontaní bo totu-totuudon monaḷámai kon dosa mita monia, bo mosambayang kon ini-Mu tumayow kon butá tanaa inta inogoi-Mu kon mogoguyang nami, tumayow kon kotá inta ain piniḻí-Mu bo baḷoi pooibadaan inta ain pinosindogku kon ini-Mu tanaa,

TAWARIKH 2 7:14

bo umat-Ku inta nomaké in tangoi-Ku tua sinumonsiup, bo mosambayang poḷat namangoi kon i-Nakó bo nonaḷámai kon aid monia inta moraat, dá nongkon soroga indongogan-Ku in sambayang monia. Ampungankubí in dosa mita monia bo baḻíon-Kudon in butá monia mobiag motompia bui.

NEHEMIA 1:6

Indoiaipa in akuoi o Tuhan, bo indongogaipa in sambayang inta pinoyaputku kon ini-Mu singgai doḷom sin kopontingan in umat Israel, mogogundoi-Mu tua. Akuonku kon kami, umat in Israel, ain binaradosa; akuoi bo mogoguyangku mita ain binaradosa doman.

MAZMUR 106:6

Kami in binaradosadon naonda bo mogoguyang nami; kami in nogaidon kon inta moraat bo nonoḻikudon.

DANIEL 9:15

Oo Tuhan, Allah nami, Iko in nopoontongdon in kawasa-Mu pinongin nodia kon umat-Mu iḻumuai nongkon Mesir, bo kawasa-Mu tatua in umuranpabí toro-toroponmai. Kami in binaradosadon bo nogaid kon noitaḷá.