TAWARIKH 2 6:33 - Alkitab Singog In Mongondow Masa In Tanaa

³³ igumon mako nongkon tampat pinogutunan-Mu kon soroga moibogpa kaasí in Iko mokidongog bo mobogoi kon onu inta pinoigumnea. Pongin natua dá bayongan in bangusa kon dunia in monotaaudon kon ini-Mu bo motoindudui domandon kon ini-Mu ná umat-Mu Israel. Kotaauandon monia kon baḷoibí inta pinosindogku tanaa in tampat pooibadaan kon ini-Mu.

TAWARIKH 2 6:33 Mawu Ofanana

DATU MITA 2 19:19

O Tuhan, Allah nami, poḷuatdon in kami nongkon intau mita in Asyur tatua, sinbá bayongan in intau kon dunia in monotaaudon kon tongábí Iko tontaní in Allah.”

TAWARIKH 2 6:34

Aka Iko mopotabá kon umat-Mu mayá moparang monayow kon musung, bo kon ondaka in mosia, táe tumayow kon kotá inta piniḻí-Mu tanaa bo mosambayang tumayow kon baḷoi tanaa inta ain pinosindogku kon ini-Mu,

TAWARIKH 2 7:14

bo umat-Ku inta nomaké in tangoi-Ku tua sinumonsiup, bo mosambayang poḷat namangoi kon i-Nakó bo nonaḷámai kon aid monia inta moraat, dá nongkon soroga indongogan-Ku in sambayang monia. Ampungankubí in dosa mita monia bo baḻíon-Kudon in butá monia mobiag motompia bui.

MAZMUR 22:27

Inta nobiag nobogá in mongaanbí modapot in mobotug; intau inta mamangoi kon i Tuhan in modayowbí kon i-Nia. Igumon mako moiko in umuran mobiag motompia modapot in mononoi!

MAZMUR 46:10

Sia in nopogogai in parang kon sinangkub in dunia, piot bo pandong irimumud-Nea, kaḻeaw noḻimbung in sinubá-Nea.

MAZMUR 67:2

Igumon mako ki Allah in motabi bo momarakat kon i naton, igumon mako bobuion-Nea in kita takin pia in gina.

MAZMUR 86:9

Bayongan in bangusa inta pinomia-Mu in mamangoibí, o Tuhan, sin mosumba kon ini-Mu bo mopoḷantud kon ini-Mu.

YESAYA 11:10

Moiangoibí in wakutunea datu tobatú buí i Daud in tantú tontongan in bangusa mita. Mosia in mamangoibí kon inia, bo pogogutunannea in tango-tangoionbí.

YESAYA 49:6

Ki Tuhan in noguman kon inakó, “Oaidan inta moḷobe-ḷoben in mogoḷat mako kon inimu, ei mogogundoi-Ku; iko in diábí tongá mopobui in ki agat in buí i Yakub bo mopoguḻit kon koḷoḷoben in suku mita in Israel, táe baḻíon-Ku doman bayag in bangusa mita, sinbá sinangkub in dunia posaḷamaton.”

YEREMIA 10:7

Ki ine in doí mopirisaya kon ini-Mu, datu in bayongan bangusa? Totuu, Iko in patusbí totok in horomaton. Nongkon bayongan inta mopandoi kon sigad in bangusa mita bo nongkon bayongan in datu mita monia, diábí in tobatúmai in motaau popotongkaian kon ini-Mu o Tuhan.

PINOGIAPAN 6:27

Bo ki Tuhan noguman, “Aka mosia monangoi kon tangoi-Ku sin momarakat kon bangusa Israel, yo barakatan-Ku in mosia.”

WAHYU 11:15

Bo malaekat impitunea in nogirup kon torompetnea, dá kinodongogandon in singog mita inta mongoḷangon totok nongkon soroga noguman, “Kawasa momarenta kon dunia naa, masai naa kinadaiandon i Tuhan naton, bo i Datu mopoposaḷamat inta pinodandi-Nea. Sia bidon in momarenta modapot in mononoi!”

SAMUEL 1 17:46

Singgai domandon naa posarakandon i Tuhan kon inakó in iko; taḷowonkubí in iko bo uḷumu in pongkóonkudon. Awakmu bo awak in tontara mita in intau Pilistin in pokaankudon kon ḷagapan bo mahaḷuk mita. Dá bayongan in intau kon dunia naa in monotaaudon kon kami bangusa Israel in oyúonbí in Allah inta sinumba nami,