TAWARIKH 2 36:22 - Alkitab Singog In Mongondow Masa In Tanaa

²² Kon taong imitánea kon pinomarentaan i Kores, datu in Persia, Ki Tuhan in nogaidon kon onu inta pinoguman-Nea pinongin i Nabi Yeremia. Ki Tuhan in nopogonú kon gina i Kores sinbá mopoḷuai in parenta tobatú inta bacaan kon bayongan in dodatuan nea. Nanaa in singognea:

TAWARIKH 2 36:22 Mawu Ofanana

DATU MITA IMITÁNEA 11:14

Dá binaḻídon i Tuhan in ki Hadad, intau tobatú inta buí i datu in Edom, nosaturu kon i Datu Salomo.

DATU MITA IMITÁNEA 11:23

Binaḻí doman i Allah in ki Rezon, adí i Elyada, nosaturu kon i Salomo. Ki Rezon in ata inta noḷagui nongkon i Tuangnea inta ki Datu Hadadezer nongkon Zoba.

TAWARIKH 1 5:26

Tuamai in pinopogonúdon i Allah kon i Pul datu in Asyur, dá minayádon in sia nonubu kon butá tatua. Ki Pul in tangoi-tangoion doman ki Tiglat-Pileser. Bo suku Ruben, Gad bo suku Manasye inta kon dotá in pomukaan kon Yordan in dinianea nobaḻí intau mita inta sinokodakop kon parang bo iḷumbú kon Halah, Habor, Hara bo kon tampat tobatú inta kon diug in Ongkag in Gozan. Kon tua in pinogutunan monia bo notantú nodapot in singgai naa.

TAWARIKH 2 21:16

Kon dodai intua oyúon in intau in Pilistin bo intau in Arab inta nogutun kon diug in pogogutunan in intau in Sudan kon diug in pintad. Ki Tuhan in nopogonú kon gina in intau mita tatua sin monubu kon i Yehoram.

TAWARIKH 2 24:9

Kon sinangkub in Yerusalem bo Yohuda pinobaḷúdon kon bayongan in intau musti modia kon pajak kon i Tuhan, ná inta sinantú i Musa.

TAWARIKH 2 36:21

Dá nobaḻídon onu inta ain pinoguman i Tuhan pinongin i Yeremia kon butá tatua in mobaḻídon diá in mangaḻenea kon bonu in 70 notaong in koonggotnea nobaḻí toḻiu in taong mita in Sabat inta diá pinandungmai.

TAWARIKH 2 36:23

“Naadon in parenta i Kores, datu in Persia! Ki Tuhan Allah inta nongawasa kon soroga nopobaḻídon kon inakó datu kon sinangkub in dunia, bo nopotabádon kon inakó sin moposindog in baḷoi kon i-Nia kon Yerusalem kon butá in Yohuda. Dá, moiko komintan inta nobaḻí umat i Allah in mustibí mobui kon tua! Igumon mako ki Tuhan Allahmu moḷukad kon i monimu.”

EZRA 1:5

Noiduduimai kon tua tongguḷu mita in inanakan nongkon suku i Yohuda bo i Benyamin, imang mita bo intau mita in Lewi, bo kon batúan in intau inta pinopogonúan i Allah, nonouḷut sin mobui kon Yerusalem bo moposindog bui in Baḷoi Tuhan.

YESAYA 44:28

Akuoibí inta noguman kon i Kores, ‘Ikobí inta momarenta sin kopontingan-Ku, bo mogaid kon bayongan inta kinoibog-Ku. Parentadon sinbá Yerusalem posindogon bui, bo Baḷoi Tuhan aidandon in kinodoyonannea.’ ”

YESAYA 45:13

Akuoibí inta noḻiai kon gina i Kores kon mogaid kon makusud-Ku bo moposindog in koadilan. Akuoi in monondodaibí kon bayongan in daḷan inta kotaḻibannea. Sia in buibí moposindog in kotá-Ku Yerusalem bo mopoḷuat in umat-Ku inta dinakop, takin diábí in sogó bo tondannea.” Ki Tuhan Inta Totok in mokawasa ain noguman.

YEREMIA 25:12

Mopaḷut mako kon tua Akuoi in mohukum kon bangusa in Babel bo datunea popisí in dosa monia. Butá in Babel in rumbunon-Ku bo bióon-Ku mako in morimumud modapot in mononoi.

YEREMIA 25:14

Aid mita in intau in Babel in tuḻían-Kubí; mosia in tonggataanbí in datu mita moḷoben bo in bangusa mobayong.’ ”

YEREMIA 29:10

Ki Tuhan in noguman, ‘Aka motompodon in wakutu pitu nopuḷú notaong kon Babel, yo bui-Ku in moiko indoian, bo mogintompod kon dandi-Ku modia kon i monimu mobui kon tampat tanaa.

DANIEL 10:1

Kon taong intoḷunea kon pinomarentaan i Datu Koresh kon Persia, koyow tobatú pinoniata kon i Daniel inta dinonoi doman ki Beltsazar. Koyow tatua in totuubí, táe mororiga totok komangaḻean. Kon dodai in moḷongasi momangaḻe kon tua ki Daniel in notarima kon insilang soaḷ mangaḻe in koyow tatua kon bonu in tobatú oontongon.

DANIEL 6:28

Sia in moposaḷamat bo mopoḷuat, mogaid kon mujizat bo inta mokoherang pinomayá kon ḷangit andeka kon butá. Ki Daniel in pinosaḷamat-Neadon, nongkon konuku in singa mita.”

HAGAI 1:14

Natuata in aid i Tuhan nobogoi in ibog kon i Gubernur Zerubabel, kon i Imang Moḷoben ki Yosua takin bayongan in intau inta ain nobui nongkon pinoḷumbúan, sinbá mosia komintan in mogaid moposindog bui in Baḷoi i Tuhan Inta Totok in mokawasa, ki Allah monia.

IBRANI 10:23

Koḻigai in kita mokopotantú kon pirisaya bo umuran kumadai kon onu inta inakudon naton bo inta i harap mako naton, sin Sia inta nodandi in tantúbí mobogoi in onu inta ain pinodandi-Nea tatua.

SAMUEL 1 26:19

Tuang datu, indongogaidon in sumba in bobantung naa. Aka kuma ki Tuhan in nopotabá kon i Tuang datu sinbá moḷawang kon bobantung naa, yo sosumba kuruban tobatú in mokoonowbí kon torú-Nea kon bobantung naa. Táe aka inta nopotabá tua kon i Tuang datu bo intaubí, yo igumon mako mosia tua in kutukondon i Tuhan! Popisí in aid monia tatua, bobantung naa ain pinoguntun nongkon butá kapunyaan i Tuhan bo pakisadon mustibí mayá in butá ibanea bo pokisumbaan in dewa mita inta diá kinotaauanku.