TAWARIKH 2 36:16 - Alkitab Singog In Mongondow Masa In Tanaa

¹⁶ Táe mosia in nopoyambá in totabá mita i Allah tatua, bo kinosingan monia in nabi-Nea mita poḷat doman diá mopandungmai kon tosingogon-Nea mita. Imbuitnea ki Tuhan in sinumorúdon totok kon i monia dá diádon in daḷan ibanea kon i monia kon kotaḻiban in hukuman nongkon i-Nia.

TAWARIKH 2 36:16 Mawu Ofanana

DATU MITA 2 2:23

Nopaḷut mako kon tua nobuatdon in ki Elisa nongkon Yerikho minayá in Betel. Kon yuak in daḷan topaanan in mongoadí iḻumuai nongkon kotá bo nopoyagi-yagimai kon inia. “Ei ḷogat, ḷogat, bayádon nongkon naa!” guman monia noropot.

TAWARIKH 1 19:4

Ki Datu Hanun in nodomok kon totabá mita i Daud tatua, bo kinarugan in tampeng monia, bo nomongkó kon ḷambung monia kinodapot in kayang, bo pinotabá in mosia minayá.

TAWARIKH 2 24:19

Ki Tuhan nopotabá in nabi mita sin monoboḷow kon i monia sinbá buidon mogundoi kon i Tuhan, táe rayat in doíbí mokidongog.

TAWARIKH 2 30:10

Naonda in totabá mita tatua minayá in kotá-kotáannea kon butá in suku Epraim bo Manasye nodapot kon utuan kinoouput in butá in suku Zebulon, mosia in kinosingan bo siningkuḻe.

EZRA 5:12

Táe popisí in mogoguyang nami ain nokopomuká kon torú i Allah mongongawasa kon soroga, dá Sia nobogoi kon i monia kon bonu in kawasa i Nebukadnezar, datu in Babel nongkon buí in Kasdim. Sia in norimumud kon Baḷoi tatua bo nogakut kon bangusa nami pinobayá in Babel.

NEHEMIA 9:26

Táe umat-Mu in nomarontak bo diá motoindudui kon ini-Mu, nonaḷámai kon hukum bo atorang-Mu, noḻimod kon nabi mita inta nopotoingat kon i monia, bo inta nopotabá kon i monia mamangoi bui kon ini-Mu, ki Allahnea. Oo Tuhan, pomuḷoi doman mako Iko in singkuḻeon monia,

NEHEMIA 9:30

Pomuḷoi in taong mosabar in Iko mobogoi in tompoingat kon i monia; pinongin in nabi, Roho-Mu in moguman kon i monia. Táe umat-Mu tatua in momompon kon bongoḷan, bo pinosarakan-Mu kon bangusa mita inta kon dunia naa.

MAZMUR 35:16

Mosia in umuranbí mopoḷoḻeke kon intau ḻempeng, bo mobobui kon inakó takin yaat in gina.

MAZMUR 74:1

Dondong topotundú i Asap. O Allah, degá modapot in mononoi taḷaan-Mu in kami? Nongonu sin Iko in umuranbí tumorú kon umat-Mu tontaní?

AMSAL 29:1

Ki ine in umuran moḷawang aka tongginaan, komintanmai yo morimumudbí bo diádon motaau tompiaan bui.

AMSAL 6:15

Tua komintan in mokopopisí kon bodito moiantug kon inia inta moidaḻin-daḻí, bo morimumud in sia.

YESAYA 28:22

Dinongog-Kudon in singog inta sinantú i Allah Inta Totok in moḷantud bo Inta Totok in mokawasa sin moyopú kon sinangkub in butá. Dika momayow kon tosingogon mita tompoingat inta pinoguman-Ku tanaa. Sin mokodugang kon rorigamu in moposaḷamat in awak!

YESAYA 5:4

Onupa in musti pomiaan-Ku, inta diápa inaidan-Ku kon gobá in anggur-Ku tatua? Nongonu sin noiratbí in bungainea, bo deemanbí bungainea inta mopia ná inta inoḷat-Ku mako?

YESAYA 57:4

Ki ine in kosingan monimu? Ki ine in singkuḻeon monimu? Diá kinotaauan monimu kon moiko in buí in intau mouboḷ bo momomarontak?

YESAYA 65:12

Moiko komintan in matoibí mita mobaḻí kuruban in aid moraat. Sin, kon dodai in Akuoi nogoiní, moiko in doíbí sinumubag, bo kon dodai in Akuoi nosingog, moiko in doíbí nokidongog. Moiko in moibo-ibogbí moḷawang kon i-Nakó bo mogaid kon inta moraat.

YEREMIA 13:10

Bangusa inta moraat tanaa totok in pamandot bo diá motoḷutui kon i-Nakó. Mosia in moibada bo mosumba kon ilah mita ibanea. Tuamai mosia in mobaḻí naonda bo bintoḷ nopoḷok inta diá in mangaḻenea tua.

YEREMIA 20:7

Tuhan, Iko in nodondouḷug kon inakó bo akuoi in kinodondouḷugandon. Iko in moropo-ropot in akuoi bo nopokuyungdon kon inakó. Akuoi in irupa-rupamai in bayongan intau, siningkuḻe nongkon doḷo-doḷom dapot in ḷoḷabungnea.

YEREMIA 20:8

Pomuḷoi in akuoi mosingog, musti in akuoi momaḷú rumopot totok, “Ḷoḻinga! Bodito!” Tuhan, akuoi in irebeg bo siningkuḻe pomuḷoi mako, popisí in nopotaau in koyow-Mu.

YEREMIA 30:12

Ki Tuhan in noguman kon umat-Nea: “Takitmu in nobogatdon totok paḻímu in diá bidon in undamnea.

YEREMIA 32:3

i Datu Zedekia popisí in pinoponapudan kon nopotaaudon kon ki Tuhan in noguman nanaa, “Datu in Babel in pomayá-Kudon mako in mopotungkud bo mongawasa kon butá tanaa,

YEREMIA 32:33

Mosia in nonaḷámaidon kon i-Nakó bo umpakabí Akuoi tantú motundú kon i monia, mosia in doíbí mokidongog bo doí doman mosadar.

YEREMIA 38:6

Bo ginamá monia in akuoi bo sinuntun monag monia in akuoi kon bonu in parigí i Malkia ki adí ḷoḷaki i datu, inta noiukat kon palas in komaḻig. Diábí in tubig kon bonu in parigí tatua, tongá yoná, bo akuoi in noibonu kon yoná tatua.

YEREMIA 42:18

Ná doman in Akuoi, ki Tuhan Allah in Israel nopobutak in torú bo rogi-Ku kon intau inta nogutun kon Yerusalem, yo natua doman in Akuoi mopobutak in rogi-Ku kon i monimu inta mayá in Mesir. Intau in mokoningkimbí in mokoontong kon i monimu; singkuḻeonbí in moiko, bo tangoimu in pakéonbí saḷaku kutukan. Moiko in diá bidon mokoontong bui kon butámu tontaní.”

DANIEL 9:6

Kami in diábí nokidongog kon nabi mita, mogogundoi-Mu mita tatua, inta ain nosingog pinodoyon kon tangoi-Mu kon i datu mita nami, kon itoi mita, kon mogoguyang mita bo kon bayongan in bangusa nami.

IMAMAT 26:15

Aka moiko ḻimimpat kon dodandian inta pinomia-Ku takin imonimu bo doí dumudui kon parenta bo atorang-Ku mita,

MATIUS 23:34

Sin tuamai indongogai kopira: Akuoi in nopotabá mangoi kon i monimu in nabi mita, intau mita inta mongobijaksana, bo intau mita inta motundú kon inta kinoibog i Tuhan. Ibanea in ḻimodon monimu, ibanea in popopakú monimu kon kayu pinoyotaḻempang bo ibanea in pogutúon monimu nongkon kotá tobatú modapot in kotá ibanea.

MATIUS 5:12

Koḷunganga bo kopiadon in gina monimu, sin moḷoben in mouḻímu kon soroga, sin nabi tungkuḷ intua in pinogutú doman monia natua.”

LUKAS 16:14

Onu in siningog i Yesus tatua dinongog in intau mita in Parisi táe tongá kinosingan monia, sin mosia tua in dinoit.

LUKAS 18:32

Sia in posarakandon kon intau mita inta diá nonotaau kon i Allah, poyambáon monia in sia, singkuḻeon bo duyáan monia.

LUKAS 23:11

Ki Herodes bo tontaranea mita nopoyambá bo noningkuḻe kon i Yesus. Pinopopakéan monia in ḷambung Datu in Sia, onda intua pinoki dia bui monia minayá kon i Pilatus.

LUKAS 23:36

Tontara mita in namangoi doman bo moporupa-rupamai kon i-Nia. Inogoian monia in anggur noboil in Sia, poḷat noguman,

LUKAS 6:23

Kosanang bo kopiadon in gina monimu aka tua komintan bo korasaan monimu, sin moḷoben in silaimu kon soroga; bo bá kotaauan monimu kon natua doman in pinopoaid in mogoguyang monia kon nabi mita tungkuḷ intua.

OUMAN IN RASUL MITA 13:41

‘Tarukira totok kopira, ei moiko intau mita inta mosingkuḻe! Moherangbí in moiko, bodongka matoi! Sin kon masa in tanaa Akuoi in mogaid kon oaidan inta diábí pirisayaan monimu, umpakabí oyúon intau in mopomangaḻe kon inimu.’ ”

OUMAN IN RASUL MITA 17:32

Naonda intau mita tatua nokodongog kon inta pinoguman i Paulus soaḷ mobiag bui naonda in matoi, oyúon in kon sigad monia in kinumosing. Oyúon doman in noguman, “Kami in moibogpa bui mokidongog kon inimu mosingog kon soaḷ natua.”

OUMAN IN RASUL MITA 2:13

Táe, oyúon doman intau mita kon tua in tongá noningkuḻe, kai monia, “Ah, intau mita tatua in tongábí noḷoḷangu in anggur!”

OUMAN IN RASUL MITA 7:52

Eta oyúon nabi in diá pinogutú in mogoguyangmu mita? Sinbá kotaauan monimu, nodait monia iḻimod in totabá mita i Allah koḻipod, inta namangoi sin mopotaau in koangoian in Simpaḷ i Allah inta totok in mobanar, inta aindon doman irupa-rupamai monimu poḷat iḻimod.

TESALONIKA 1 4:8

Tuamai ki ine in doí motarima kon singogku, yo deemanbí intau in bayowannea, táe ki Allahbí inta ain nobogoi in Roho-Nea mokudus kon i monimu in bayowannea.

IBRANI 11:36

Oyúon in irupa-rupamai, sinambok, sinogot in rante bo pinobonu kon ponjara.

HAKIM MITA 2:17

Táe diábí indoianmai monia in itoi mita tatua. Mosia in umuranbí nosumba kon ilah mita ibanea, bo diá doman mosatia kon i Tuhan. Mosia in diábí dinumudui kon oaid mopia in mogoguyang monia inta mongotoḷutui kon parenta mita i Tuhan.