TAWARIKH 2 36:13 - Alkitab Singog In Mongondow Masa In Tanaa

¹³ Ki Datu Nebukadnezar in nomakisadon kon i Zedekia mongibot pinodoyon kon i Allah kon sia in mosatiabí kon i Nebukadnezar. Táe kon singgai noiduduimai ki Zedekia nomarontak kon i Nebukadnezar. Ki Zedekia in nopotontogat in gina kon i Tuhan, Allah in Israel. Doí in sia monaḷámai kon dosanea mita bo doídon mobui mangoi kon i Tuhan.

TAWARIKH 2 36:13 Mawu Ofanana

SAMUEL 2 21:2

(Intau mita in Gibeon deemanbí intau in Israel; mosia in noituot paanan mointok in intau in Amori. Intau mita in Israel ain nongibot kon moḷukad kon i monia, táe ki Saul in noḷongasibí noyopú kon i monia sin sia in norai kon kopontingan in intau in Israel bo Yohuda.) Bo ki Daud in nogoiní kon intau mita in Gibeon tatua

DATU MITA 2 17:4

Táe kon wakutu tobatú, ki Hosea in nopotabá in totabá kon i So datu in Mesir sin mopoigum in totuḷungnea. Bo ki Hosea in nogogaidon in noguboḻi kon iba taongan kon i Asyur. Naonda in kinotaauan i Salmaneser in aid i Hosea tatua, dinomoknea in ki Hosea bo binonunea kon ponjara.

DATU MITA 2 24:20

Ki Tuhan in sinumorú totok kon intau mita in Yerusalem bo intau in Yohuda dá diádon inindoian-Neamai in mosia.

TAWARIKH 2 24:19

Ki Tuhan nopotabá in nabi mita sin monoboḷow kon i monia sinbá buidon mogundoi kon i Tuhan, táe rayat in doíbí mokidongog.

TAWARIKH 2 30:8

Dikabí motogat in gina ná mosia, táe duduiaibí in ki Tuhan. Angoidon in Yerusalem, kon Baḷoi Tuhan inta ain sinantú i Tuhan Allahmu kon i-Nia modapot in mononoi. Koḻigaidon moibada kon i-Nia sinbá moinggamádon in torú-Nea kon i monimu.

TAWARIKH 2 36:14

Koḻikud intua, Baḷoi Tuhan inta ain sinantú i Tuhan tontaní kon i-Nia, pinonajisdon in itoi mita in Yohuda, in imang mita bo in rayat, sin mosia in dinumudui nosumba kon berhala bo dinumudui kon kobobiag inta binaradosa nongkon bangusa mita inta kon diugmai monia.

EZRA 4:12

Poigumon mako komangaḻean i Tuang, kon intau in Yahudi inta ain nonaḷámai kon butá mita ibanea kon bonu in dodatuan i Tuang, tanaa in nogutundon notantú kon Yerusalem bo koyogot in noposindog bui in kotá inta moraat bo moibog momarontak tua. Mosia in nomangkoidon noposindog bui in dindingnea mita bo diádon moonggot bo moḷapat in oaidan tatua.

NEHEMIA 9:29

Sinoboḷow-Mu in mosia sinbá totundú-Mu in duduian, táe diá sinarima monia in hukum-Mu takin dinumodia. Bokaka, aka hukum-Mu aidan, yo notantúbí kon koḷukadan in kobiagan. Mosia motogat in uḷu bo motogat doman in gina, doí mokidongog, bo doí dumudui.

MAZMUR 15:4

inta mopoompámai kon intau inta kinodoí i Allah, táe mohoromat kon intau inta mosatia kon i Tuhan; inta mogintompod kon dandi, umpakabí morugi

IḶUAIAN 7:13

Umpaka natua, ki datu umuranpa doman motontogat in gina bo doí mopandungmai kon tosingogon i Musa bo i Harun, ná inta ain muna pinoguman i Tuhan.

IḶUAIAN 8:15

Naonda inontongdon i datu kon tumpaḷak mita tatua minatoidon, sia nokopotontogat bui kon ginanea. Bo ná inta ain pinoguman muna i Tuhan, ki datu in doíbí mopandungmai kon tosingogon i Musa bo i Harun.

IḶUAIAN 8:32

Táe tanaa datu buipa doman nokopotontogat kon gina bo diádon inogoinea in bangusa tatua mayá.

IḶUAIAN 9:17

Umpaka natua, iko umuranpabí doman mosiḷantud bo diápa doman ogoimu mayá in umat-Ku.

YESAYA 48:4

Kinotaauan-Ku kon iko in motogat in gina, motontogat in uḷu naonda bo pamandot.

YEREMIA 43:2

Bo ki Azarya ki adí i Hosaya bo ki Yohanan ki adí Kareah takin bayongan in intau inta mododia tua in noguman kon inakó, “Mouboḷ in iko. Ki Tuhan Allah naton in diábí nopotabá kon inimu moḷamboi kon inami in mayá mogutun kon Mesir.

DANIEL 5:20

Táe naonda in sia iḷumoḷatú, motogat in gina bo moḻingá iḷabú in sia nongkon pomomarentaan dodatuannea dá noinggamádon in kahoromatannea.

ZAKHARIA 7:12

Mosia in sinumontogat dá gina monia in nádon onda bo batu. Akuoi in sinumorú totok popisí in mosia doídon dumudui kon totundú mita inta inogoi-Kudon kon i monia pinongin nabi mita dungkuḷmai.

PINOGIAPAN 30:3

Aka ede in mongodeaga tobatú inta nogutun kon baḷoi i amánea nodandi kon i Tuhan, bo sinumogotdon kon dandi tobatú, bo ki amánea in diábí nondoí kon tungkuḷ in nokodongog kon tua, dá ede in mongodeaga tatua in mogintompod kon bayongan inta pinodandinea tatua.

ULANGAN 29:25

Bo nanaa in tubagnea, ‘Popisí in mosia nonoḻikud kon dodandian takin i Tuhan, Allah in mogoguyang monia; dodandian inta pinomia-Nea takin i monia kon dodai in Sia nodia kon i monia iḻumuai nongkon Mesir.

IBRANI 3:13

Manangka intua bá diá tobatúmai in kon sigad monimu in kotombodokan in aid inta moraat bo moḷawangdon kon i Allah, dá umurandon positongginaan in moiko pomuḷoi in singgai wakutu in tumpaḷapa nobiag kon masa inta sinangoian kon Buk Motusi “Singgai in Naa”.

IBRANI 3:8

yo donaai mokopotogat kon gina, ná mogoguyang mita monimu, wakutu in mosia nomarontak bo nonungkuḷ kon i Allah kon padang pasir.

YOSUA 9:15

Ki Yosua nomia kon dodandian yoyobayatan takin intau mita in Gibeon tatua, bo nodandidon kon i monia kon diábí moḻimod kon i monia. Itoi mita in umat Israel nongibot doman kon mogintompodbí kon dodandian tatua.