TAWARIKH 2 36:1 - Alkitab Singog In Mongondow Masa In Tanaa

¹ Rayat in Yohuda nomiḻí bo noduí kon i Yoahas nobaḻí datu kon Yerusalem nonoḻiu kon i Yosia, ki amánea.

TAWARIKH 2 36:1 Mawu Ofanana

DATU MITA 2 24:1

Kon bonu in pinomarentaan in Datu Yoyakim, ki Nebukadnezar datu in Babel nonubu bo nopotungkud in Yohuda. Toḷu notaong in koonggotnea ki Yoyakin in sinumungkud kon i Nebukadnezar, táe noiduduimai kon tua nomarontak in sia.

TAWARIKH 1 3:15

Ki Yosia in kogadí kon adí ḷoḷaki taya opat: ki Yohana, ki Yoyakim, ki Zedekia bo ki Yoahas.

TAWARIKH 2 26:1

Naonda in ki Amazia minatoi, bayongan in rayat Yohuda nomiḻí kon i Uzia ki adínea ḷoḷaki in nobaḻí datu. Kon dodai intua sia in umur mopuḷú bo onom notaong. Ki inánea in ki Yekholya, bobay in Yerusalem. Ki Uzia in nomarenta kon Yerusalem 52 notaong in koonggotnea. Siabí in nogagow bo noposindog bui in kotá in Elot.

TAWARIKH 2 33:25

Táe rayat in Yohuda noḻimod kon intau mita inta noḻimod kon i Datu Amon tatua, bo noduí kon i Yosia ki adínea nobaḻí datu.

TAWARIKH 2 35:27

impoḷoknea mako, bayongan in ouman in kinobiagannea nongkon pinomangkoian nodapot in imbuitnea in pinaisdon kon bonu in buk Ouman in Datu mita in Israel bo Yohuda.

TAWARIKH 2 36:2

Ki Yoahas umur 23 notaong kon dodai in sia nobaḻí datu in Yohuda, bo sia in nomarenta kon Yerusalem toḷu nobuḷan in koonggotnea.

YEREMIA 22:11

Soaḷ ki Yoahas, ki adí ḷoḷaki i Yosia, inta nobaḻí datu in Yohuda momaḷui kon i amánea, ki Tuhan in noguman nanaa, “Sia in minayádon nongkon naa, bo diá bidon mobui mangoi.

YEHEZKIEL 19:3

Ki adínea tobatú in dinidiknea bo sinundúnea motayak kon kokaanon. Dá nobaḻídon in sia singa inta noḷoben mododomok bo mokokaan kon intau.

ULANGAN 28:36

Moiko takin datu monimu in diaan i Tuhan mayá in butá in intau ango-angoi inta diá kinotaauan monimu bo inta diá doman kinotaauan in mogoguyangmu. Kon tua in moiko mogundoidon kon ilah mita inta pinomia nongkon kayu bo batu.