TAWARIKH 2 35:3 - Alkitab Singog In Mongondow Masa In Tanaa

³ Intau mita in Lewi inta ain sinantú mogaid kon oaidan i Tuhan, bo inta nobaḻí guru mita in Israel in nokouḻí kon parenta tanaa nongkon i Yosia, “Ukatdon in Poti Dodandian i Tuhan inta motusi tatua kon bonu in Baḷoi Tuhan inta pinosindog i Datu Salomo ki adí ḷoḷaki i Daud. Dikadon pampi-pampingon monimu bui. Undoidon in ki Tuhan Allahmu bo bangusa in Israel umat-Nea.

TAWARIKH 2 35:3 Mawu Ofanana

TAWARIKH 1 23:26

Tuamai, Ḷoḷaigan i Tuhan bo bayongan in pakakat inta pinaké kon ibada in diá bidon paraḷu potaanon in intau in Lewi.”

TAWARIKH 2 17:7

Kon taong nogintoḷu kon pinomarentaannea nopotabá in sia in intaunea mita moḷoben sin motundú kon hukum mita i Tuhan kon kotá mita in Yohuda. Naa in tangoi monia: ki Benhail, ki Obaja, ki Zakharia, ki Netaneel bo ki Mikha.

TAWARIKH 2 30:22

Intau mita in Lewi tatua mongopandoi modia kon ibada kon i Tuhan, dá pinuji i Hizkia in mosia. Naonda in pitu nosinggai in koonggotnea mosia nongaan kon kaanon kon pinoramean tatua bo poḷat noposumba in kuruban sin mopoyaput in sukur kon i Tuhan, Allah in mogoguyang monia,

TAWARIKH 2 34:14

Kon dodai in doit sumbangan tatua pinoḷuai nongkon pototagúan, ki Hilkia in nokouḻí kon buk Hukum Tuhan, tuata in hukum mita inta inogoi i Allah kon i Musa.

TAWARIKH 2 5:7

Nopaḷut mako kon tua imang mita noponuotdon in Poti Dodandian tatua kon Baḷoi Tuhan bo inukat kon ḻimonagan in patong kerub kon bonu in Yuang Inta Totok in Motusi.

TAWARIKH 2 8:11

Pinampingdon i Salomo in ki buḷoinea inta ki adí bobay i datu in Mesir, nongkon kotá i Daud pinobayá in baḷoi inta pinosindog kon inia. Sin ki Salomo in norai, “Ki buḷoiku in diábí motaau in mogutun kon komaḻig i Daud, datu in Israel, sin bayongan in tampat inta nokoimontandon pinotagúan kon Poti Dodandian in tampatbí inta motusi.”

IḶUAIAN 32:29

Ki Musa in noguman kon suku in Lewi, “Singgai in naa moiko ain nopotondí in awak monimu mobaḻí imang inta nogaid kon oaidan i Tuhan takin noḻimod kon adí mita bo kon i utat mita monimu, dá ki Tuhan nobogoi in barakat-Nea kon inimu.”

MALEAKHI 2:7

Totuu kon nobaḻí oaidan in imang mita in motundú kon inta mobanar soaḷ Akuoi, ki Tuhan Inta Totok in moḷantud. Kon i monia tuata in poḻibóan in rayat mongo onu in koibog-Ku, sin mosia tua in totabá-Ku mita.

PINOGIAPAN 8:19

bo intau mita in Lewi tatua ogoi-Kudon kon i Harun bo kon i adínea mita, sinbá motaaudon mogaid mobaḻí toḻiu in intau Israel kon bonu in Ḷoḷaigan-Ku. Bo bá mosia in mopoigum doman kon pongampungan nongkon i-Nakó kon bayongan taḷá in intau Israel sinbá bangusa tatua diá popoumaan in bodito aka mosia mamangoi mokopodiug totok kon tampat inta motusi tatua.”

KORINTUS 2 4:5

Sin habar inta pinoyaput nami tua in deemanbí habar soaḷ oaidan nami tontaní. Táe habarbí soaḷ ki Yesus Kristus inta Tuhan; bo kami naa in tongábí simpaḷmu mita popisí in ibog i Tuhan.

ULANGAN 33:10

Mosia notundú kon umat-Mu dinumudui kon bayongan in parenta-Mu bo noposumba in kuruban kon tudu in mezbah-Mu.