TAWARIKH 2 34:8 - Alkitab Singog In Mongondow Masa In Tanaa

⁸ Kon taong impuḷú bo waḷu kon pinomarentaan i Yosia, naonda in sia noḷumbú kon pinosumbaan kon berhala nongkon Baḷoi Tuhan bo kon bayongan in butá, sia in nopotabá in intau toḷu sin monompia kon Baḷoi Tuhan Allah. Intau toḷu tua in ki Sapan ki adí i Azalya, ki Maaseya gubernur in Yerusalem, bo ki Yoah ki adí i Yoahas, pogawai moḷantud tobatú.

TAWARIKH 2 34:8 Mawu Ofanana

SAMUEL 2 20:24

Tongguḷu in intau mita inta pakisaan mogaid: ki Adoram. Bendahara in negara: Ki Yosapat adí i Ahilud.

SAMUEL 2 8:16

Naa in pomarenta mita moḷantud inta dinuí i Daud: Tongguḷu totokan in tontara: Ki Yoab adí i Zeruya; Momomais in komaḻig: ki Yosapat adí i Ahilud; Imang mita: ki Zadok adí i Ahitub, bo ki Ahimelek adí i Abyatar; Momomais in negara: ki Seraya

TAWARIKH 1 18:15

Naa in pojabat mita moḷantud inta dinuí i Daud: Tongguḷu totokan in tontara: ki Yoab ki guya-guyang i Abisai. Momomais in komaḻig: ki Yosapat ki adí i Ahilud. Imang mita: ki Zadok ki adí i Ahitub bo ki Ahimelek ki adí i Abyatar. Momomais in negara: ki Sausa. Tongguḷu in moḷoḷukad i datu: ki Banaya ki adí i Yoyada. Ki adí mita ḷoḷaki i Daud in nokadai kon jabatan inta moponting kon bonu in pinomarentaan.

TAWARIKH 2 18:25

“Domok in sia!” parenta i Datu Ahab, “bo diá in sia kon i Amon, walikota, bo kon i Pangeran Yoas.

TAWARIKH 2 24:12

Onda intua ki datu bo ki Yoyada nobogoi in doit tatua kon intau mita inta nobaḻí tongguḷu kon ponompiaan kon Baḷoi Tuhan tatua. Bo intau mita tatua nonondan kon intau mita inta mogogaid kon pondasi, mogogimok kon kayu bo inta momia kon logam sin mogaid kon oaidan tatua.

TAWARIKH 2 24:5

Imang mita bo intau in Lewi pinarentaannea mayá mokipodungkuḷ kon intau mita inta nogutun kon kotá mita in Yohuda bo nosipun kon doit nongkon bayongan in rayat sin ponompia kon Baḷoi Tuhan muḷoi in taong. Pinotabánea in mosia sinbá ḷagi monompia kon tua, táe intau mita in Lewi ḷumaḷoibí.

YEREMIA 21:1

Ki Zedekia datu in Yohuda nopotabá kon i Imang Pasyhur ki adí i Malkia, bo kon i Imang Zepanya ki adí i Maaseya. Sia in nopotabá kon i monia nopotaau kon inakó in oigum tanaa,

YEREMIA 25:3

“Kon bonu in doyowa nopuḷú bo toḷu notaong, pinangkoi kon taong impuḷú bo toḷúnea kon pinomarentaan i Yosia adí ḷoḷaki i Amon kon Yohuda, nodapot in singgai naa ki Tuhan in noguman kon inakó bo diábí kon dodai in onda in diá pinogumanku kon inimu onu inta ain pinoguman-Nea. Táe moiko in diá nopandungmai.

YEREMIA 26:24

Táe tanaa noidoyon kon totuḷung i Ahikam ki adí i Sapan, akuoi ki Yeremia diábí inogoi kon rayat sin ḻimodon.

YEREMIA 29:21

Ki Tuhan Inta Totok in mokawasa, Allah in Israel, ain nosingog soaḷ ki Ahab ki adí ḷoḷaki i Kolaya, bo soaḷ ki Zedekia ki adí ḷoḷaki i Maaseya inta nomaké in tangoi i Tuhan sin mopotaau kon inimu in soaḷ mita inta diá totuu. Ki Tuhan in noguman kon Sia in moposarakanbí kon i monia kon kawasa i Nebukadnezar datu in Babel inta moḻimod kon i monia kon tayowonmu.

YEREMIA 29:3

Akuoi in nokidia in surat tatua kon i Elasa ki adí i Sapan, bo kon i Gemarya ki adí i Hilkia inta pinotabá i Zedekia datu in Yohuda kon i Nebukadnezar datu in Babel. Nanaa in bonu in surat tatua,

YEREMIA 36:10

Bo ki Barukh in nobaca nongkon ḻitodan in buk tatua in bayongan inta ain pinogumanku, bo bayongan in intau nokidongog. Tua in binaca kon bonu in Baḷoi Tuhan kon kantor i Gemarya, ki adí i Sapan momomais in negara. Kantor tatua in kon palas kon ḻimonik, kon diug in daḷan tumuot kon Bonawang Mobagu kon Baḷoi Tuhan.

YEREMIA 39:14

nogamá kon inakó nongkon palas in komaḻig. Bo akuoi in inogoi kon i Gedalya ki adí i Ahikam ki ompu i Sapan, inta musti mogatod kon inakó mobui takin saḷamat. Dá nogutundon in akuoi kon sigad in rayat.

YEREMIA 40:11

Kon dodai intua bayongan intau in Israel inta kon butá in Moab, Amon, Edom, bo kon butá mita ibanea, nokodongog kon ki datu in Babel ain nobogoi kon tongosilai in intau in Israel nogutun kon Yohuda, bo sia in noduí domandon kon i Gedalya nobaḻí gubernur.

YEHEZKIEL 8:11

Pitu nopuḷú in itoi in bangusa in Israel in kon tua, noitakin doman in ki Yaazanya ki adí i Sapan. Kon batúannea nokadai kon pototubáan kon dupa inta mosipun kon poyok.