TAWARIKH 2 34:32 - Alkitab Singog In Mongondow Masa In Tanaa

³² Bayongan in intau in Benyamin bo bayongan in intau ibanea inta kon Yerusalem pinoki dandiannea kon dumuduibí kon dodandian tatua. Dá intau mita in Yerusalem dinumudui kon atorang mita kon dodandian tatua, tuata in dodandian kon sigad monia bo i Allah in mogoguyang monia.

TAWARIKH 2 34:32 Mawu Ofanana

KINOBAḺIAN 18:19

Sia ain piniḻí-Ku sinbá motundú kon i adínea mita bo kon buínea sinbá motoindudui kon i-Nakó bo mogaid kon onu inta mopia bo moadil. Aka soaḷ tatua aidan monia, yo bayongan in dandi-Ku kon i Abraham in intompodan-Ku.”

TAWARIKH 2 14:4

Intau mita in Yohuda kon kobiagan monia dinumuduibí kon onu inta kinoibog i Tuhan, Allah in moguyang monia, bo dinumudui kon totundú mita bo parenta-Nea mita.

TAWARIKH 2 15:12

Mosia in nodandi kon i Tuhan kon takin ḻimbatú in gina bo dimukud monia in mobiag podudui in ibog i Tuhan, Allah in mogoguyang monia.

TAWARIKH 2 30:12

Kon Yohuda ki Allah in nogaid doman bo noponobatú kon gina in rayat sinbá totu-totuu motoindudui kon ibog i Allah pongin dumudui kon parenta i datu bo in pogawainea mita.

TAWARIKH 2 33:16

Onda intua sinompianea in mezbah tampat pooibadaan kon i Tuhan bo noposumba kon tua in kuruban dodamean bo kuruban sukur. Bayongan intau in Yohuda pinoki ibadaannea kon i Tuhan Allah in Israel.

TAWARIKH 2 34:33

Berhala mita inta mokorongó inta kon tampat mita inta noituot kon butá in intau Israel, komintanbí irimumud i Datu Yosia. Bo pinakisanea in rayatnea moibada kon i Tuhan, Allah in mogoguyang monia. Dá kon bonu in ki Yosia nobiag, rayat in umuran mosatia kon i Tuhan.

EZRA 10:3

Koḻigai in kita mongibot kon i Allah, kon kita in mopoguntunbí kon bayongan in bobay tatua takin adí mita monia. Kami in dumuduibí kon bayongan in tongginamu bo tonggina in intau mita ibanea inta nohoromat kon parenta i Allah. Kami in dumuduibí kon hukum i Allah.

MOHOHUTUBA 8:2

Duduiai aka parentaan i datu, bo dika ḻimika-ḻikat in modandi kon i Allah.

YEREMIA 3:10

Naonda in nogaid kon tua mita, Yohuda inta diá mosatia tua nobui kon i-Nakó táe tongá ki ubo-uboḷmai, sin ginanea in diábí notuḻid. Akuoi, ki Tuhan, ain nosingog.”