TAWARIKH 2 33:8 - Alkitab Singog In Mongondow Masa In Tanaa

⁸ Aka umat in Israel motoindudui kon bayongan in parenta-Ku bo dumududui kon hukum mita inta inogoi i Musa mogogundoi-Ku kon i monia, dá Akuoi in diábí mopomayá mako kon i monia poguntunon nongkon butá inta ain inogoi-Ku kon mogoguyang monia.”

TAWARIKH 2 33:8 Mawu Ofanana

SAMUEL 2 7:10

Apa doman, kon umat-Ku Israel aindon pinosadiaan-Ku kon tampat bo pinoki utunan-Kudon motantú in mosia kon tua, sinbá mosia in mokorasadon kon kobiagan inta mopia, diádon tuyayowon bui. Nongkon kinoangoian monia kon butá tanaa koḻipod, bo dinuí-Kudon in itoi mita kon i monia, mosia tantú tubuon in intau mita inta mongoromú, táe tua in diá bidon mobaḻí bui. Akuoi in modandi kon iko in moiḷuat bidon nongkon bayongan musung, bo Akuoi in mobogoidon in buí kon inimu.

TAWARIKH 1 17:9

Umat-Ku Israel in pinosadiaan-Kudon kon tampat inta mobaḻí butá monia sinbá mosia in mobiagdon mopia bo diádon tuyayowon bui. Pinangkoi kon kinoangoian monia kon butá tanaa, koḻipod, bo kon dodai in mosia diápa in datu, mosia in sinubu in intau mita inta moibog in aid motogat. Táe tua in diá bidon mobaḻí bui. Akuoi in modandi kon monaḷowbí kon bayongan in musungmu, bo Akuoi in mobogoibí in buí kon inimu.

TAWARIKH 2 33:9

Ki Manasye nokopopisí kon rayat in Yohuda nogaid kon dosa mita inta moraa-raat nongkon dosa inta inaidan in bangusa mita inta pinoguntun i Tuhan nongkon Kanaan kon tungkuḷ in umat i Tuhan sinumuot kon butá tatua.

YEREMIA 7:7

Aka moiko momaḷui kon kobobiagmu bo dodiamu poḷat mogogai in mogaid kon bayongan intua, yo moiko in ogoi-Kubí mogutun motantú kon butá tanaa inta ain inogoi-Ku nobaḻí butá in mogoguyangmu.

IMAMAT 10:11

Bayongan hukum inta inogoi-Ku kon inimu pinongin i Musa, musti motaau tundúon monimu kon bangusa Israel.”

IMAMAT 8:36

Bo ki Harun takin ki adínea mita nomiadon kon bayongan inta pinoki aid i Tuhan inta pinotaaunea kon i Musa.

LUKAS 1:6

Kobobiag inayadua motonibuḷoi tua mokosanang kon gina i Allah, sin taya dua in umuranbí dinumudui kon parenta bo atorang i Tuhan, diábí in sinaḻiban monia.

ULANGAN 27:26

‘Kinutuk in intau inta diá nogintompod kon hukum bo totundú i Allah kon bonu in dodianea.’ ‘Amin!’ ”

ULANGAN 4:40

Duduiaidon in bayongan hukum inta inogoiku kon inimu singgai naa, dá moiko bo buímu in mobiag motompia bo umuran oyúon kon butá inta inogoi i Tuhan Allahmu nobaḻí kapunyaanmu mononoi.”

ULANGAN 5:1

Ki Musa in nosipun kon bayongan bangusa Israel, bo noguman kon i monia, “Utat mita, indongogai in hukum mita inta pinotaauku kon inimu singgai in naa. Balajardon in hukum mita tatua, bo duduiai koposatia.

ULANGAN 5:31

Táe iko, Musa, pobuidon mangoi bo pogutundon takin-Ku kon naa; iko in pobogoian-Ku kon bayongan hukum bo parenta-Ku. Tundúdon kon i monia, sinbá duduian monia intua kon butá inta ogoi-Ku kon i monia.’

ULANGAN 8:1

“Bayongan in hukum inta inogoiku kon inimu singgai naa musti aidan monimu pokosatia, sinbá moiko umuran mobiag, modugang mobarong bo mogutun kon butá inta pinodandi Tuhan kon mogoguyangmu.