TAWARIKH 2 33:7 - Alkitab Singog In Mongondow Masa In Tanaa

⁷ Patong in berhala inukatnea kon bonu in Baḷoi Tuhan, bokaka tampat tatua in pinoguman bidon i Allah kon i Daud bo kon i Salomo ki adínea ḷoḷaki, “Baḷoi-Ku kon Yerusalem naa, inta ain piniḻí-Ku nongkon sigad in mopuḷú bodoyowá in butá in suku Israel, in tampat inta ain sinantú-Ku nobaḻí tampat pooibadaan kon i-nakó modapot in mononoi.

TAWARIKH 2 33:7 Mawu Ofanana

DATU MITA IMITÁNEA 11:13

Táe diábí modait-Ku gamáan in bayongan dodatuan tatua nongkon inia. Popisí in mogogundoi-Ku ki Daud bo Yerusalem inta ain binaḻí-Ku kotá-Ku tatua, tonggagatan-Kupabí in suku tobatú inta ogoi kon i adímu ḷoḷaki.”

DATU MITA IMITÁNEA 11:32

Tongo suku in umuranbí moyotakin i Salomo, sin popisí in mogogundoi-Ku ki Daud, bo Yerusalem, inta ain piniḻí-Ku nongkon bayongan in butá Israel nobaḻí kotá-Ku.

DATU MITA IMITÁNEA 12:28

Naonda in noporai-raimai kon tua, nomia in sia kon patong sapi buḷawan bo noguman kon rayat, “Bangusa in Israel! Noonggotdon in moiko in minayá in Yerusalem sin moibada. Tanaa in naadon in ilahmu mita inta ain nodia kon i monimu iḻumuai nongkon Mesir!”

DATU MITA IMITÁNEA 8:29

Poigumon mako singgai doḷom Iko moḷukad kon baḷoi tanaa inta ain piniḻí-Mu nobaḻí tampat pososumbaan kon ini-Mu. Igumon mako nongkon tampat pogogutunan-Mu kon soroga Iko mokidongog bo mongampung kon inakó takin umat-Mu aka kami mamangoi tumayow kon baḷoi tanaa bo mosambayang kon ini-Mu.

DATU MITA IMITÁNEA 8:44

Aka Iko momarenta kon umat-Mu mayá moparang monayow kon musung, bo kon ondaka in mosia, mosia in tumayow kon kotá inta piniḻí-Mu tanaa bo mosambayang tumayow kon baḷoi tanaa inta ain pinosindogku kon ini-Mu,

DATU MITA IMITÁNEA 8:48

Aka kon butá tatua gina monia in nobayagbí bo totu-totuu monaḷámai kon dosa mita monia, bo mosambayang kon ini-Mu poḷat tumayow kon butá tanaa inta inogoi-Mu kon mogoguyang nami, tumayow ná kotá inta piniḻí-Mu bo baḷoi pososumbaan inta ain pinosindogku kon ini-Mu naa,

DATU MITA IMITÁNEA 9:3

Ki Tuhan in noguman kon inia, “Sambayangmu inindongogan-Kudon, dá tanaa in baḷoi inta pinosindogmu tanion poniata-Kudon kon mobaḻí tampat mokudus inta umuran mononoi pakéon posumbaan kon i-Nakó. Umuran-Kubí indoian mako bo ḷukadan in tampat tanaa.

DATU MITA 2 23:6

Patong mita i Dewi Asyera pinoḷuainea nongkon bonu Baḷoi Tuhan, bo dinia kon ḷuai in kotá kon Ḷopá in Kidron. Kon tua patong tatua sinubá, bo buingnea in dinodok kino rumomok, bo ḷobudnea in pinorarit kon tudu in poḷoḷobongan kon intau mita.

TAWARIKH 2 33:15

Iḷumbúnea in patong mita in dewa in bangusa mita ibanea bo berhala mita inta ain inukatnea kon Baḷoi Tuhan. Kinokainea in mezbah mita in berhala inta kon buḷud kon Baḷoi Tuhan, bo kon tampat mita ibanea kon Yerusalem. Tua komintan in dinianea kon ḷuai in kotá bo iḷumbú.

TAWARIKH 2 33:4

Ki Tuhan ain noguman kon modapot in mononoi Yerusalem in mobaḻíbí tampat pooibadaan kon i-Nia, táe kon tua kon Baḷoi Tuhan tatua, ki Manasye in noposindogdon in mezbah mita kon dewa mita.

TAWARIKH 2 7:16

Bayongan intua aidan-Ku sin tampat tanaa in piniḻí-Kudon bo sinondí-Kudon mobaḻí tampat poibadaan kon i-Nakó mononoi. Indoian-Kubí intua bo ḷukadan-Ku kinoouputbí in dunia naa.

MAZMUR 78:68

Sukubí in Yohuda in piniḻí-Nea, bo Tombuḷud in Sion inta kinotabi-Nea.

IḶUAIAN 20:4

Dika in moiko momia kon i monimu in patong inta batangannea ná onuka inta kon ḷangit, kon butá ande kon bonu in tubig inta kon ḻimonag in butá.

YEREMIA 7:30

Intau in Yohuda ain nogaid kon inta moraat. Berhala mita monia inta kinorongó-Ku tua ain inukat monia kon bonu in Baḷoi-Ku, nodapot in nokonajisdon kon tua.

HAKIM MITA 17:3

Ki Mikha nopobui in doit tatua kon i inánea, bo ki inánea in noguman, “Bá iko, adíku, moiḷuat nongkon odi-odi inta ain siningogku tatua, yo posumbaku in saḷaka tanaa kon i Tuhan sin pakéon pogaid kon patong kayu inta inaipan in saḷaka. Dá doit tatua in pobuionkudon kon inimu.”