TAWARIKH 2 33:18 - Alkitab Singog In Mongondow Masa In Tanaa

¹⁸ Ouman ibanea kon i Manasye, bo sambayangnea kon i Allah, bo koyow mita i Allah inta pinoyaput kon inia in nabi mita pinodoyon kon tangoi Tuhan, Allah in Israel, komintandon pinais kon bonu in buk Ouman in datu mita in Israel.

TAWARIKH 2 33:18 Mawu Ofanana

DATU MITA IMITÁNEA 11:41

Ouman ibanea soaḷ ki Salomo, bo bayongan inta ain inaidannea, bo soaḷ pongotahuannea aindon pinais kon bonu in buk Ouman Kinobiagan i Salomo.

DATU MITA IMITÁNEA 14:19

Ouman ibanea soaḷ ki Datu Yerobeam, pinomarentaannea bo tongganutnea noparang, ain pinais kon bonu in buk Ouman kon onu inta nobaḻí kon Datu mita in Israel.

DATU MITA IMITÁNEA 15:31

Ouman ibanea inta nongonguman kon i Nadab in pinaisdon kon bonu in buk Ouman in Datu mita.

DATU MITA 2 17:13

Ki Tuhan in nopotabá in totabá mita bo nabi-Nea mita namangoi kon umat in Israel bo Yohuda sin mopotaau in tompoingat tanaa: “Pogogaidon in mogaid kon inta moraat bo duduiaidon in bayongan in parenta bo hukum inta inogoi-Ku kon mogoguyangmu bo kon inimu pinongin nabi mita, mogogundoi-Ku mita tatua.”

TAWARIKH 2 20:34

Ouman ibanea kon i Yosapat, nongkon pinomangkoian nodapot in buit in pinomarentaannea in pinais kon bonu in Ouman i Yehu adí i Hanani, inta pinais kon bonu in buk Ouman in datu mita in Israel.

TAWARIKH 2 21:2

Ki Yehoram ki adí i Yosapat datu in Yohuda, in kogutat kon ḷoḷaki onom: ki Azarya, ki Yehiel, ki Zakharia, ki Azariahu, ki Mikhail bo ki Sepaca.

TAWARIKH 2 32:32

Ouman ibanea kon i Datu Hizkia, bo tabinea kon i Tuhan in pinais kon bonu in buk Wahyu nongkon i Allah kon i Nabi Yesaya ki adí i Amos, bo kon bonu in buk Ouman in Datu mita in Yohuda bo Israel.

TAWARIKH 2 33:10

Ki Tuhan nonoboḷow kon i Manasye bo rayatnea, táe mosia in doíbí mokidongog.

TAWARIKH 2 33:19

Kon bonu in buk Ouman in Nabi mita pinais domandon in sambayang i Manasye bo tubag i Allah kon sambayang tatua, bo ouman in dosanea mita kon dodai in sia diápa nogogai in nogaid kon dosa, tampat mita pososumbaan kon berhala bo patong mita i Dewi Asyera inta pinomianea, bo berhala mita inta sinumbanea.

YESAYA 29:10

Binaḻí i Tuhan in moiko sinomposiug bo noḷoḷot totok. Binilogan-Nea in mata in nabi mita bo nongoḷob kon pogot in intau mita mononanow.

YESAYA 30:10

Mosia in moguman kon nabi mita, “Kintum in bibig! Dika mopoguman kon inami onu in totuu, táe onubí in koibog nami indongogan. Pomayádon mako in kami umuran morai podudui in koibog nami.

AMOS 7:12

Bo ki Amazia in noguman kon i Amos, “Ei Nabi, pobuidon kon Yohuda! Pohutubadon kon tua. Pobiódon mako sinbá mosia in mopokaan kon inimu!

MIKHA 3:7

Intau mita inta monoḻindap kon singgai moiduduimai in mooyábí popisí in toḻindapnea tatua in diá moitugat. Mosia komintan in mooyá bidon sin ki Allah in diábí motubag kon i monia.

SAMUEL 1 9:9

“Mopia uḻe!” tubag i Saul, “Igai mayá in kita.” Bo minayádon in mosia kon kotá, kon tampat in mogogundoi i Allah tua. Naonda in mosia notakod kon buḷud inta mopobayá ná kotá tatua, noyodungkuḷdon in mosia in tongonumai in mongodeaga inta mayá monangkob kon tubig kon parigí. Bo mosia noḻibó kon mongodeaga mita tatua, “Degá mododoyangow oyúon kon kotá?” (Kon tungkuḷ intua nabi tobatú sinangoi mododoyangow, dá aka oyúon in intau moḻibó kon i Allah, dá sia in moguman nanaa, “Igai in kita mayá kon mododoyangow.”)