TAWARIKH 2 33:13 - Alkitab Singog In Mongondow Masa In Tanaa

¹³ Ki Allah in nokidongog bo nogaid kon onu in pinoigum i Manasye bo nopobui kon inia minayá in Yerusalem sin momarenta bui. Popisí in onu inta nobaḻí tatua ki Manasye in noyakindon kon ki Tuhan in ki Allahbí.

TAWARIKH 2 33:13 Mawu Ofanana

KINOBAḺIAN 25:21

Popisí in ki Ribka diá nokouḻí kon adí, dá ki Ishak nosambayang kon i Tuhan sin motuḷung kon i buḷoinea. Bo inindongogandon i Tuhan in sambayang i Ishak, nodapot in ki Ribka sidiadon.

DATU MITA IMITÁNEA 18:39

Kon dodai in rayat mita nokoontong kon tua mita noitungkudon in mosia kon butá poḷat noguman, “Ki Tuhan tua in Allah! Totuu kon ki Tuhan tua in Allah!”

DATU MITA IMITÁNEA 8:50

Ampungaidon in bayongan dosa bo aid monia inta moraat kon ini-Mu, bo baḻídon in musung mita monia mopoaid in mopia kon i monia.

DATU MITA 2 13:4

Bo ki Yoahas in nosambayang kon i Tuhan, bo inindongogan i Tuhan in sambayang tatua, sin ki Tuhan in nokoontong kon moromúdon totok in pinonondorot i datu in Siria kon intau in Israel.

TAWARIKH 1 5:20

Tontara mita tatua in mopirisaya kon i Allah bo nopoigum in totuḷung kon i-Nia, dá dinuduian i Allah in oigum monia tatua bo pinountung-Nea in mosia nongkon intau mita in Higri tatua bo yobayat mita monia.

TAWARIKH 2 12:7

Naonda in inontong i Tuhan kon mosia in sinumonsiupdon, noguman bui in Sia kon i Semaya, kai-Nia, “Popisí in mosia ain nongaku kon dosa monia, dá diá bidon yopúon-Ku in mosia. Taḻiban-Kudon in mosia; Yerusalem in diábí morimumud. Umpaka natua, ki Sisak

TAWARIKH 2 33:18

Ouman ibanea kon i Manasye, bo sambayangnea kon i Allah, bo koyow mita i Allah inta pinoyaput kon inia in nabi mita pinodoyon kon tangoi Tuhan, Allah in Israel, komintandon pinais kon bonu in buk Ouman in datu mita in Israel.

TAWARIKH 2 33:19

Kon bonu in buk Ouman in Nabi mita pinais domandon in sambayang i Manasye bo tubag i Allah kon sambayang tatua, bo ouman in dosanea mita kon dodai in sia diápa nogogai in nogaid kon dosa, tampat mita pososumbaan kon berhala bo patong mita i Dewi Asyera inta pinomianea, bo berhala mita inta sinumbanea.

TAWARIKH 2 34:27

iko in nomanasaḷ bo sinumonsiup kon tayowon-Ku. Akuoi in nogumandon kon Yerusalem bo intau mita inta nogutun kon tua, táe naonda in iko nokodongog kon onu inta pinotaau-Ku tatua nongombaḷ in iko bo nomerak kon ḷambungmu nobaḻí tomponuot kon morobonoḷ in dodobmu. Dinongog-Kudon in sambayangmu,

EZRA 7:27

Bo ki Ezra in noguman, “Dayowdon in ki Tuhan, Allah inta sinumba in mogoguyang naton! Sia in nopogonúdon kon gina i datu dá ki datu in noibogdon noindoi totok kon Baḷoi Tuhan kon Yerusalem.

EZRA 8:23

Dá nopuasadon in kami bo nosambayang kon i Allah nopoigum sinbá ḷukadan bo inindogogan-Nea doman in sambayang nami.

AYUB 22:22

Tarimadon onu inta sinundú i Tuhan kon inimu; tagúdon intua komintan kon bonu in ginamu.

AYUB 22:23

Pobuidon mangoi kon i Tuhan takin ompá in gina koraatan kon baḷoimu in gogaiaidon.

AYUB 22:27

Aka iko in mosambayang, Sia in motubag kon inimu, bo iko in motaaudon mogintompod kon bayongan in dandimu.

AYUB 36:11

Aka mosia motoindudui kon i Allah bo mosumba kon i-Nia, yo mosia in mobiag moaman bo motompia modapot in matoi.

AYUB 36:9

dá dosa bo kaḷakuang monia in poniatadon i Allah.

MAZMUR 107:13

Kon bonu in susa mosia nokuani kon i Tuhan, bo pinoḷuat-Nea in mosia kon roriga.

MAZMUR 46:10

Sia in nopogogai in parang kon sinangkub in dunia, piot bo pandong irimumud-Nea, kaḻeaw noḻimbung in sinubá-Nea.

MAZMUR 46:11

Kai-Nia, “Pogogaidon moparang; pokotaaudon, Akuoi naa in Allah, Akuoi in momulia kon sigad in bangusa mita, momulia kon sinangkub in butá.”

MAZMUR 86:5

Iko in mopia, o Tuhan, bo moibog mongampung, intau inta mosambayang kon ini-Mu umuranbí kotabi-Mu takin tabi inta moiḻiu.

MAZMUR 9:16

Bangusa mita inta diá nonotaau kon ini-Mu notopak kon bubú inta kinaḻi monia tontaní; mosia in noibaaḷ kon pukot monia tontaní.

AMSAL 16:7

Aka iko mokosanang kon gina i Tuhan, musungmu mita in baḻíon-Neabí yobayat.

AMSAL 21:1

Naonda bo pononompia i Tuhan kon tubig in ongkag sinbá moiḻig podudui in ibog-Nea, natua doman in pokokapit-Nea kon raian in datu.

YEREMIA 24:7

Akuoi in mobogoibí kon i monia in ibog sinbá momangaḻe kon Akuoibí in Tuhan. Dá mosia in mobaḻídon umat-Ku, bo Akuoi in mobaḻí Allah monia, popisí in mosia mobuidon mangoi kon i-Nakó takin ḻimbatú in gina.

YEREMIA 36:7

Dika-dika bo popisí in nokodongogdon bo mosia in mosambayangdon kon i Tuhan, bo mogogaidon in mogaid kon inta mongoraat. Ki Tuhan in sinumorú totok kon i monia bo nonindoyó kon i monia.”

OMBAḶ 3:56

Totok in poigumonku kaasí dikapa momompon kon bongoḷan-Mu kon onu inta poigumonku sinbá Iko in motuḷung kon inakó. Dá sambayangku in inindongogan-Mudon, bo Iko in namangoi dinimiug; iko in noguman, ‘Dika moondok.’

DANIEL 4:25

Ki Tuangku in poguntunon nongkon yua-yuak in intau bo mobiagdon kon sigad in mahaḷuk mita kon rawang. Pitu notaong in koonggotnea ki Tuangku in mokaan kon bonok naonda bo sapi bo mosiug kon rawang inta diá in oḻi-oḻingoinea, modapot in mobuntad kotugatan in oḷú. Mopaḷut mako kon tua ki Tuangku in mongakudon kon ki Allah Inta Totok in moḷantud in kitogi kawasa kon dodatuan in intau, bo dodatuan tatua in ogoi-Nea kon i inekabí in piḻíon-Nea.

DANIEL 4:32

Iko in poguntunon nongkon sigad in intau mita, bo mobiag moyotakin in mahaḷuk mita kon rawang. Pitu notaong in koonggotnea iko in mokaan kon bonok naonda bo sapi. Mopaḷut mako kon tua iko in mongakudon kon Ki Allah Inta Totok in moḷantud in kitogi kawasa kon dodatuan in intau bo dodatuan tatua in inogoi-Nea kon i inekabí inta piniḻí-Nea.”

DANIEL 4:36

Naonda in nosadardon bui in akuoi, dá koḷoḷoben, kamuliaan bo kopopia in dodatuanku inogoidon bui kon inakó. Akuoi in sinontomu in pogawaiku mita bo in intau moḷobenku mita, bo akuoi in pinoki kadaiandon bui in dodatuanku, nodapotbí in kamuliaanku in nodugangdon kon inta muna.

MATIUS 6:33

Táe, tayakpa muna in ki Allah bo aidaidon onu inta kinoibog-Nea. Dá komintan tua in ogoi-Neabí doman kon inimu.

YOHANES 17:3

Nanaa in kobiagan mononoi tua; ibogon tua bayongan intau in monotaau kon i Amá inta tongábí Sia tua in ki Allah inta mobanar, bo monotaau doman kon i Yesus Kristus inta pinotabá i Amá.

YOHANES 4:10

Ki Yesus in notubag, “Aka kuma bo kinotaauanmu in totabi i Allah bo kinotaauanmu in ki ine in noigum kon inumon kon inimu, yo nopasti bidon kon iko tontaní in moigumbí kon tubig inumon kon i-Nia tua. Bo ogoian-Neabí iko in tubig kobiagan tatua.”

ULANGAN 29:6

Moiko in diábí koroti kaanon, tubig in anggur ande oinumon mokoḷoḷangu, táe ki Tuhan nobogoi in bayongan inta paraḷuon monimu sinbá kotaauan monimu kon Siabí in ki Tuhan Allahmu.

IBRANI 8:11

Diá bidon paraḷu in mosia motundú kon tumpaḷa umat kon sigad monia tua, andeka mopotaau kon i utatnea, ‘Popirisayadon kon i Tuhan.’ Sin mosia komintan, adí itoi, monotaaubí kon i-Nakó.