TAWARIKH 2 31:21 - Alkitab Singog In Mongondow Masa In Tanaa

²¹ Sia in nokodapot kon oaidannea, sin bayongan inta inaidannea kon kopontingan in Baḷoi Tuhan andeka dumudui kon hukum mita i Tuhan, pinobayá takin ḻimbatú in gina bo takin doman tabi kon i Tuhan Allahnea.

TAWARIKH 2 31:21 Mawu Ofanana

DATU MITA IMITÁNEA 2:4

Aka iko motoḷutui kon i Tuhan, yo intompodan-Neabí in dandi-Nea kon buíkubí in momarenta kon Israel, asaḷ bo mosia in takin ḻimbatú in gina bo bayongan dimukud in umuran mosatia in dumudui kon parenta-Nea mita.

DATU MITA 2 18:7

Tuamai in ki Tuhan umuran motuḷung kon inia dá bayongan inta ḷongasionnea in nodaitbí kodapotan. Sia in nomarontak kon i datu in Asyur, bo doíbí tumungkud kon inia.

TAWARIKH 1 22:13

Aka iko dumudui kon bayongan in hukum inta inogoi Tuhan kon i Musa kon bangusa in Israel, yo iko in mokodapotbí kon onu inta nobaḻí niat. Iko in mustibí moyakin bo mobarani. Dika moondok in moyogintayow in onukabí.

TAWARIKH 1 22:19

Dá pogundoidon in moiko kon i Tuhan Allahmu takin ḻimbatú in ropotmu. Pomangkoidon pogaid kon baḷoi kon i Tuhan, sinbá Poti Dodandian-Nea bo bayongan in pakakat ibanea inta tongá pakéon kon ibada in motaaudon tagúon kon tua.”

TAWARIKH 2 14:6

dá notaaudon in sia noposindog poḷoḷukadan mita kon kotá mita in Yohuda. Tongonumai notaong diábí in parang sin ki Tuhan in nobogoi in kaadaan noonow kon inia.

TAWARIKH 2 14:7

Guman i Asa kon rayat in Yohuda, “Koḻigai in kita moginropot kon kotá mita takin modinding poḻibuon bo ḷangkeangnea mita takin doman bonawang bonoboinea. Kinawasaandon naton in butá tanaa sin kita in dinumuduidon kon ibog i Tuhan Allah naton. Sia in noḷukad kon i naton bo nobogoi in kaamanan kon bayongan in butá naton.” Dá nomangkoidon in mosia noposindong bo noginḷapat kon oaidan mita tatua pia-pia mako.

TAWARIKH 2 20:26

Kon singgai noginggopat nosipun komintan in mosia kon Ḷopá in Dodayow bo nodayow kon i Tuhan kon bayongan inta ain inaidan-Nea. Manangka intua ḷopá tatua sinangoiandon “Dodayow”.

TAWARIKH 2 26:5

Ki Zakharia in mononongginanea. Kon bonu in ki Zakharia nobiagpa, ki Uzia in umuranbí nosatia in noibada kon i Tuhan dá binarakatan i Tuhan in sia.

MAZMUR 119:2

Pia in kamang in intau inta dinumudui kon parenta-Nea, bo takin ḻimbatú in gina moḷongasi monotaau kon i Tuhan.

AMSAL 3:10

dá ontagmu mita in mopuḻingbí in gandum, bo tubig in anggurmu mobarongdon totok modapot in diádon in pobonuan kon tua.

AMSAL 3:9

Horomat in ki Tuhan pongin moposumba kon i-Nia in inta mopia totok nongkon bayongan kapunyaanmu bo nongkon bungai in pinomuḷamu,

MOHOHUTUBA 9:10

Aidaibí in bayongan oaidanmu podoyon kon bayongan ropotmu. Sin moiangoibí in kodaitan raian andeka oaidan. Diábí in ilimu andeka pandoi kon dunia in intau minatoi. Bo kon tuata in bayáanmu.

YEREMIA 29:13

Moiko in motayakbí kon i-Nakó bo moyodungkuḷ-Kubí, sin moiko in motayak takin ḻimbatú in gina.

MATIUS 6:33

Táe, tayakpa muna in ki Allah bo aidaidon onu inta kinoibog-Nea. Dá komintan tua in ogoi-Neabí doman kon inimu.

ULANGAN 10:12

“Tanaa, Utat mita, poḻimbonu kon gina onu in kinoibog i Tuhan Allahmu aidan monimu: Horomatbí in ki Tuhan Allahmu bo aidaidon in bayongan parenta-Nea. Kotabibí in Sia bo pooibada kon i-Nia takin kotompodon in gina bo ropotmu.

ULANGAN 29:9

Dá moiko in musti mokoposatia in dumudui kon bayongan dodandian tanaa, sinbá moiko mokouḻí kon bayongan inta sinayakmu.

ULANGAN 6:5

Kotabibí in ki Tuhan Allahmu takin bayongan ginamu: Poniata intua kon bonu in kobiaganmu bo oaidmu.