TAWARIKH 2 31:14 - Alkitab Singog In Mongondow Masa In Tanaa

¹⁴ Ki Kore ki adí i Yimna, intau in Lewi tobatú inta nobaḻí itoi in moḷoḷukad kon Bonawang Pomukaan kon Baḷoi Tuhan, inogoian in oaidan motarima kon oogoi mita inta pinosumba kon i Tuhan, bodongka mosilai.

TAWARIKH 2 31:14 Mawu Ofanana

KINOBAḺIAN 46:17

Ki Asyer; ki adínea mita: ki Yimna, ki Yiswa, ki Yiswi bo ki Beria, ki Serah in ki utat monia bobay. Ki adí mita i Beria in ki Heber bo ki Malkiel.

TAWARIKH 1 26:12

Moḷoḷukad mita kon Baḷoi Tuhan in sinilai podudui in inanakannea. Mosia in inogoian doman in oaidan mita kon bonu in Baḷoi Tuhan ná intau in Lewi ibanea.

TAWARIKH 1 26:14

Ki Selemya in nokouḻí kon bonawang kon dotá in pomukaan. Ki Zakharia ki adínea inta umuran mobogoi in tonggina inta mopia, nokouḻí kon bonawang kon dotá in utuan.

TAWARIKH 1 26:17

Pomuḷoi in singgai kon dotá in pomukaan onom in moḷoḷukad, kon dotá in utuan opat bo kon dotá in toḷatan opat. Gudang mita inta pototagúan kon bayongan in yagi-yagi in iḷukadan in intau opat: tododoyowa in intau kon gudang tobatú

TAWARIKH 2 31:13

Kon bonu in tongganut monia mopuḷú intau in Lewi ibanea in pinoki aidan, tuata: ki Yehiel, ki Azazya, ki Nahat, ki Asael, ki Yerimot, ki Yozabad, ki Eliel, ki Yismakhya, ki Mahat, bo ki Benanya. Tua komintan in sinantúdon podudui in totundú i Datu Hizkia bo i Imang Moḷoben ki Azarya.

TAWARIKH 2 31:15

Kon kotá mita ibanea inta pinogutunan in imang mita, ki Kore binantungan in intau mita in Lewi ibanea tuata: ki Eden, ki Minyamin, ki Yesua, ki Semaya, ki Amarya, bo ki Sekhanya. Kokaanon mita tatua in sinilai kinotongkai kon tumpaḷa suku in Lewi pinomayá inta noguyang andeka inta noguodpa podudui in oaidan monia.

EZRA 1:4

Aka oyúon in umat-Nea tobatú kon pinoḷumbúan tanaa in moparaḷu kon totuḷung sinbá mokopobuipa, dá topodiugnea mita in mustibí mobogoi in totuḷung tatua. Mosia in mustibí mobogoi in saḷaka bo buḷawan, tongkaaḷ kon daḷan takin doman biag pododatogan, bo sosumba doman inta pakéon kon Baḷoi Tuhan kon Yerusalem.”

EZRA 3:5

Koḻikud intua takin notompia mosia in moposumba in kuruban payongon bo kuruban kon Singgai Moḷoben Buḷan Mobagu, bo kon bayongan in Singgai moḷoben ibanea inta inaidan sin mosumba kon i Tuhan. Mosia in moposumba doman in sosumba ibog tontaní kon i Tuhan.

EZRA 7:16

Diadon doman in bayongan buḷawan bo saḷaka inta sinipun i Utat kon sinangkup in Babel bo bayongan in sumbangan in bangusa in Israel takin imangnea mita sin ogoi kon Baḷoi Tuhan Allah monia kon Yerusalem.

NEHEMIA 13:13

Akuoi in nopotabá kon intau mita tanaa sin moindoi kon gopot mita pototagúan kon tongkaaḷ tatua: ki Imang Selemya, ki Zadok intau inta totok in nonotaau kon Hukum bo ki Pedaya intau in Lewi. Ki Hanan ki adí i Zakur ki ompu i Matanya pinoki bantunganku kon i monia. Kinotaauanku kon intau mita tatua in motaaubí pirisayaan bo mosilai kon pakakat mita tatua kon yobayat topogaidan monia kotompiaan.

MAZMUR 119:108

Tarimapa kaasí in sambayang sukurku, o Tuhan, bo tundúdon in akuoi in hukum-Mu mita.

IMAMAT 2:10

Kiagatnea in kon i imangdon mita. Roti tatua motusi totok sin ginamá nongkon kaanon inta ain pinosumba kon i Tuhan.

IMAMAT 22:18

nopotaau kon i Harun, kon i adínea mita bo kon bayongan umat Israel in atorang mita tanaa. Aka intau Israel tobatú ande intau ango-angoi tobatú inta nogutundon notantú kon Israel bo moposumba in kuruban tubáan sin moguboḻi kon inta pinodandinea, ande kuruban inta ibogneabí tontaní, yo mahaḷuk tatua in mustibí koḷakian bo inta diá nobogit sinbá tarimaan.

IMAMAT 23:38

Poramean mita tatua nobaḻí dugang kon singgai mita in Sabat biasa, dá sosumba mita tatua in nobaḻí doman dugang kon onu inta inogoimu inta biasamai, kon kurubanmu sin motobut kon onu inta ain dinandimu, ande kuruban monginibog inta inogoi monimu kon i Tuhan.

IMAMAT 27:28

Diá tobatúmai in motaau mopotaḷui ande motobut kon onu inta ain sinondínea takin diá in sarat kon i Tuhan, pinomayá tua intau, mahaḷuk ande butá. Tua in nobaḻídon kapunyaan i Tuhan mononoi.

PINOGIAPAN 29:39

Tuata in atorang mita kon kuruban payongon, kuruban oḷudon, kuruban tubig in anggur, bo kuruban pondamean inta musti posumba monimu kon i Tuhan kon porayaanmu mita inta ain sinantú. Kuruban mita tatua in nobaḻí indugang kon kuruban mita inta posumba monimu sin moguboḻi kon dandi andeka kuruban ibog tontaní.

ULANGAN 12:17

Kon tampat pogogutunanmu diábí motaau in moiko mokaan kon sosumba mopuḷú noporosen nongkon gandummu, anggurmu, ḷana zaitunmu, sapi ande bembé dombamu inta muna pinogadí, kuruban poguboḻi kon dandimu, kuruban ibogmu tontaní ande sosumba ibanea.

ULANGAN 12:6

Kon tampat tatuata in podiaan monimu kon kuruban payongon takin kuruban mita ibanea, sosumba mopuḷú noporosenmu takin sosumba mita ibanea, kuruban poguboḻi kon dandimu, kuruban ibogmu tontaní bo adí in sapi bo bembé dombamu inta muna pinogadí.

ULANGAN 16:10

bo porayaaidon in Rame Posipunan kon Boyó sin mohoromat kon i Tuhan Allahmu. Kon singgai tatua diádon in sosumba ibog in gina kon i-Nia podudui in kobayong in rijiki inta ain inogoi-Nea kon inimu.