TAWARIKH 2 31:12 - Alkitab Singog In Mongondow Masa In Tanaa

¹² bo motagú kon bayongan in oogoi bo mopuḷú noporosen tatua kon bonu in ontag mita tatua. Intau in Lewi tobatú inta ki Konanya in tangoinea, sinantúdon nobaḻí moḷoḷukad bo ki Simei ki ai-ainea in binaḻí mobobantungnea.

TAWARIKH 2 31:12 Mawu Ofanana

DATU MITA 2 12:15

Moḷoḷukad mita kon oaidan tatua in mongotuḻidbí mita totok in gina dá diá bidon paraḷu poiguman kon lapuran soaḷ in doit.

TAWARIKH 2 31:13

Kon bonu in tongganut monia mopuḷú intau in Lewi ibanea in pinoki aidan, tuata: ki Yehiel, ki Azazya, ki Nahat, ki Asael, ki Yerimot, ki Yozabad, ki Eliel, ki Yismakhya, ki Mahat, bo ki Benanya. Tua komintan in sinantúdon podudui in totundú i Datu Hizkia bo i Imang Moḷoben ki Azarya.

TAWARIKH 2 31:19

Kon sigad in imang mita inta nogutun kon kotá mita inta ain sinantú kon buí i Harun, andeka kon rawang mita kon diugmai in kotá mita tatua, sinundú in intau mita sin mosilai kon kokaanon kon bayongan in ḷoḷaki kon bonu in motoḷuadí in imang, bo kon batúan in intau inta pinais kon bonu in suku Lewi.

TAWARIKH 2 35:9

Itoi mita in intau in Lewi, inta: ki Konanya, ki Semaya bo ki Netaneel ki utatnea, ki Hasabya, Yeiel, bo ki Yozabad, in nobogoi kon intau in Lewi in 5.000 in ki adí in domba bo bembé inta batánea bo 500 in sapi koḷakian sin baḻíon sosumba kon poramean tatua.

NEHEMIA 10:39

Rayat in Israel bo intau mita in Lewi in mustibí modia kon sumbangan inta motantú ná gandum, anggur bo ḷana in zaitun kon gopot mita inta pinotagúan kon kokaanon mita inta nobaḻí pototagúan mita kon pakakat mita in Baḷoi Tuhan. Kon tua doman in pogogutunan in imang mita inta koyogot in mopobayá in oaidan monia, moḷoḷukad mita kon ngara in Baḷoi Tuhan bo mododondong mita. Kami in diábí ḷumaḷoi in monompia kon Baḷoi Tuhan nami.