TAWARIKH 2 30:23 - Alkitab Singog In Mongondow Masa In Tanaa

²³ mosia komintan in nonantúdon kon mongingguputdon kon porayaan tatua. Bo mosia in noramedon bui takin ḷunganga in gina.

TAWARIKH 2 30:23 Mawu Ofanana

DATU MITA IMITÁNEA 8:65

Kon Baḷoi Tuhan tatua ki Salomo bo bayongan umat in Israel nomia kon rame Pondok Daun pitu nosinggai in koonggotnea. Totuu mobarong in intau inta noyosipun kon tua. Mosia in namangoi nongkon butá Hamat kon utuan nodapot in pinosigadan in Mesir kon toḷatan.

TAWARIKH 2 29:30

Ki datu bo intau mita inta sinon itoi kon ḻipú nopotabá kon intau mita in Lewi nokipodondong in dodayow kon i Tuhan in dodayow inta pinomia i Daud bo i Nabi Asap. Komintan intau nodondong takin ḷunganga in gina poḷat sinumungkud bo nosumba kon i Allah.

TAWARIKH 2 30:24

Ki Datu Hizkia in nobogoi in sapi koḷakian 1.000 bo domba 7.000. Pogawai mita i Hizkia nobogoi in sapi koḷakian 1.000 bo domba 10.000. Bayongan in biag mita tatua inogoi kon rayat sin ratáan bo kaanon. Nobayong totok in imang in nopotusi in awak.

TAWARIKH 2 7:9

Pitu nosinggai in koonggotnea mosia in noyosipun sin moupacara kon pinonoguḷapatan kon mezbah i Tuhan, onda intua pitupa doman nosinggai sin poramean kon Singgai Moḷoben Ḷuḷung in Daun. Kon singgai imbuitnea inaidandon in rame pinonangkup,

NEHEMIA 8:17

Bayongan in rayat inta ain nobui nongkon pinoḷumbúan tatua in nogaid kon ḷuḷung mita tatua, bo nogutunpa kon tua. Naadon in dungkuḷ totok pinogaidan kon ná tatua pinangkoipamai kon i Yosua ki adí i Nun, dá komintandon nopia in gina bo noḷunganga.