TAWARIKH 2 30:12 - Alkitab Singog In Mongondow Masa In Tanaa

¹² Kon Yohuda ki Allah in nogaid doman bo noponobatú kon gina in rayat sinbá totu-totuu motoindudui kon ibog i Allah pongin dumudui kon parenta i datu bo in pogawainea mita.

TAWARIKH 2 30:12 Mawu Ofanana

TAWARIKH 2 29:15

Onda intua mosia nosipun kon intau mita in Lewi ibanea, bo mosia komintan nopotusi in awak. Nopaḷut mako kon tua, podudui in parenta i datu, imang mita sinumuot kon Baḷoi Tuhan bo nomangkoidon nopotusi podudui in hukum mita i Tuhan. Bayongan inta nonajis dinia pinoḷuai kon bosí in Baḷoi Tuhan. Nongkon tua dinia in intau in Lewi pinobayá in Ḷopá in Kidron kon ḷuai in kotá.

TAWARIKH 2 29:25

Podudui in topotundú mita inta inogoi i Tuhan kon i Daud pinongin i Nabi Gad, inta nogaid kon i datu bo pinongin i Nabi Natan, ki datu in nonampatdon kon intau mita in Lewi kon Baḷoi Tuhan sin mopogogitog in kecapi bo gambus,

TAWARIKH 2 29:36

Dá nosanangdon in gina i Datu Hizkia bo rayatnea sin kon bonu in wakutu notoyong ki Allah ain nogaid kon tua komintan.

TAWARIKH 2 8:15

Bayongan in topotundú i Daud kon imang mita bo kon intau mita in Lewi soaḷ ontag mita bo soaḷ mita ibanea, dinuduiannea kinotoḷutui.

EZRA 7:27

Bo ki Ezra in noguman, “Dayowdon in ki Tuhan, Allah inta sinumba in mogoguyang naton! Sia in nopogonúdon kon gina i datu dá ki datu in noibogdon noindoi totok kon Baḷoi Tuhan kon Yerusalem.

MAZMUR 110:3

Kon singgai iko mamangoi takin kawasa, kon buḷud inta motusi, rayatmu in mayá takin ibog tontaní. Naonda bo oḷú doḷo-doḷom, tayowmobiag mita mamangoi kon inimu.

YEREMIA 24:7

Akuoi in mobogoibí kon i monia in ibog sinbá momangaḻe kon Akuoibí in Tuhan. Dá mosia in mobaḻídon umat-Ku, bo Akuoi in mobaḻí Allah monia, popisí in mosia mobuidon mangoi kon i-Nakó takin ḻimbatú in gina.

YEREMIA 32:39

Akuoi in mobogoibí kon i monia in tongábí tobatú in tujuan kobiagan: tuata in mohoromat kon i-Nakó modapot in mononoi; tua in modiabí kon kopiaan kon i monia tontaní, bo kon i buí monia.

YEHEZKIEL 36:26

Dá moiko in ogoian-Kudon in gina bo raian inta mobagu. Ginamu inta ná kotogat in batu tua in baḷuian-Ku in gina inta motoindudui.

OUMAN IN RASUL MITA 4:19

Táe ki Petrus bo ki Yohanes in noguman kon i monia nanaa, “Raidon monimu kopia mongo onda in mopia-pia kon tayowon i Allah: Dumudui kon parenta monimu mongo dumudui kon parenta i Allah.

KORINTUS 2 3:5

Diábí in dodoyonan singog nami in mosingog kon kami in mokosanggupbí mogaid kon oaidan tanaa, sin tongábí ki Allah in nobogoi komampuan tanaa kon i nami.

ULANGAN 4:2

Onu in pinogumanku, dika dugangan ande gaatan topiḻikmai. Duduiandon in parenta mita i Tuhan Allahmu inta pinotaauku kon inimu.

PILIPI 2:13

Sin ki Allahbí in mopogonú kon ginamu sinbá moibog bo mokosanggup moposanang in gina i Allah in moiko.

TESALONIKA 1 4:2

Sin kinotaauan bidon monimu in totundú mita inta pinotaau nami kon i monimu pinodudui in kawasa i Tuhan Yesus.

IBRANI 13:20

Ki Allah in nomiagdon bui kon i Yesus Kristus Tuhan naton nongkon kinopatoian-Nea. Popisíbí in popatoi-Nea tatua, dá masai naa Sia in nobaḻídon Gombala Momulia kon i naton inta domba-Nea mita. Kinopatoian-Nea tatua in noposah bidon kon dodandian mononoi inta inaidan i Allah takin inaton.

IBRANI 13:21

Poigum mako, ki Allah inta nobaḻí pangkoi in kobiagan motompia, umuran mobogoi in bayongan inta mopia inta paraḷu pakéon monimu mogaid kon onu inta koibog i Allah. Bo poigumon doman mako takin totuḷung i Yesus Kristus, popoaidon i Allah kon i naton in onu inta kinoibog-Nea. Tantúbí dayow in ki Kristus dapot in kopaḷutannea! Amin.