TAWARIKH 2 30:10 - Alkitab Singog In Mongondow Masa In Tanaa

¹⁰ Naonda in totabá mita tatua minayá in kotá-kotáannea kon butá in suku Epraim bo Manasye nodapot kon utuan kinoouput in butá in suku Zebulon, mosia in kinosingan bo siningkuḻe.

TAWARIKH 2 30:10 Mawu Ofanana

KINOBAḺIAN 19:14

Bo minayádon in ki Lot nokipodungkuḷ kon tayowmobiag doyowa inta nongantangdon kon i adínea doyowa, bo poḷat noguman, “Koḻikatdon ḷuai nongkon kotá tanaa, sin yompatondon i Tuhan.” Táe kai monia kamai tongábí mobobaḻitumbuyan in ki Lot.

TAWARIKH 2 30:6

Pinodudui kon parenta i datu bo pogawainea mita pinotabádon in totabá mita minayá kon sinangkub in Yohuda bo Israel sin modia kon surat mita tatua inta nanaa in bonunea, “Rayat in Israel! Moiko nion in noiḷuatdon nongkon kawasa intau in Asyur. Tanaa in angoidon bui in moiko bo pogundoi kon i Tuhan, Allah inta sinumba i Abraham, i Ishak, bo i Yakub, sinbá Sia in buidon motuḷung kon i monimu.

TAWARIKH 2 34:9

Intau mita in Lewi inta noḷukad kon ngara in Baḷoi Tuhan, nobogoi kon i Imang Moḷoben ki Hilkia, in doit inta ain sinipun monia. Doit tatua in nongkon intau in Epraim bo Manasye, bo nongkon rayat ibanea kon Dodatuan in Utuan, bo nongkon rayat in Yohuda, Benyamin bo Yerusalem.

TAWARIKH 2 36:16

Táe mosia in nopoyambá in totabá mita i Allah tatua, bo kinosingan monia in nabi-Nea mita poḷat doman diá mopandungmai kon tosingogon-Nea mita. Imbuitnea ki Tuhan in sinumorúdon totok kon i monia dá diádon in daḷan ibanea kon i monia kon kotaḻiban in hukuman nongkon i-Nia.

NEHEMIA 2:19

Naonda in tomayá nami tatua kinotaauan i Sanbalat, i Tobia bo i Gesyem, intau in Arab, kinosingan bo siningkuḻe monia in kami. Guman monia, “Onu in aidan monimu? Degá momarontak in moiko kon i datu?”

ESTER 3:15

Intau mita inta pinotabá iḻimikat in minayá nogatod kon surat mita tatua kon bayongan in propinsi dodatuan. Podudui kon onu inta pinoguman i datu dá parenta tatua in pinotaau doman kon Susan, ibukotá in Persia. Nopaḷut mako kon tua ki datu bo ki Haman in iḻimitú mako bo monginumai kon anggur, táe kotá in Susan in nodoḻiok popisí in habar tatua.

ESTER 8:10

Surat mita tatua in sinekeng i Mordekhai pinodoyon kon tangoi i Datu Ahasyweros bo cinapan in cap in dodatuan. Bo ki Mordekhai in nopotabá in totabá mita mogatod kon surat mita tatua kon propinsi mita kon dodatuan takin sinumakoi kon kabaḷo mita i datu inta mongoḻikat.

ESTER 8:14

Dá nobuatdon in totabá mita tatua sinumakoi kon kabaḷo mita i datu. Kon Susan ibukotá in negara, binaca doman in parenta tatua.

AYUB 12:4

Akuoi naa in kinosingan in yobayat bo totakin, bokaka akuoi naa in nobanarbí bo diábí in taḷá. Dungkuḷmai sinubagan i Allah in sambayangku, aka akuoi mokuani mokituḷung.

AYUB 9:25

Singgaiku mita moitaḻib moḻikat totok, bo moḷagui takin diá in sanang.

YEREMIA 38:19

Ki Datu in notubag, “Moondok in akuoi kon intau mita bangusa naton inta ain noḷagui bo dinumotá kon intau in Babel. Dika-dika akuoi ogoi kon i monia bo sikisaan.”

LUKAS 16:14

Onu in siningog i Yesus tatua dinongog in intau mita in Parisi táe tongá kinosingan monia, sin mosia tua in dinoit.

LUKAS 23:35

Intau mita in sinimindog mako kon tua bo moindoimai. Itoi mita intau Yahudi umuran morebeg kon i-Nia takin mosingog, “Sia ain noposaḷamat kon intau ibanea; diábí bo tungkuḷan-Nea in tanaa mako bo posaḷamaton in awak-Nea tontaní aka totu-totuubí kon Sia in Datu Mopoposaḷamat inta piniḻí i Allah!”

LUKAS 8:53

Táe kinosingan monia in Sia, sin kinotaauan monia kon minatoi bidon in adí tatua.

OUMAN IN RASUL MITA 17:32

Naonda intau mita tatua nokodongog kon inta pinoguman i Paulus soaḷ mobiag bui naonda in matoi, oyúon in kon sigad monia in kinumosing. Oyúon doman in noguman, “Kami in moibogpa bui mokidongog kon inimu mosingog kon soaḷ natua.”

IBRANI 11:36

Oyúon in irupa-rupamai, sinambok, sinogot in rante bo pinobonu kon ponjara.