TAWARIKH 2 3:8 - Alkitab Singog In Mongondow Masa In Tanaa

⁸ Yuang kon bonunea inta sinangoian Yuang Totok in Motusi kobanatnea in 9 nometer bo kooḷadnea in 9 doman nometer, notongkai in kooḷad in Baḷoi Tuhan tatua. Doyowa nopuḷú noton in buḷawan pinaké pinogaip kon dinding mita in Yuang Totok in Motusi tatua

TAWARIKH 2 3:8 Mawu Ofanana

DATU MITA IMITÁNEA 6:16

Kon bonu in baḷoi tatua, kon dotá in tumi pinomiaan kon gopot takin pinomiaan kon dinding pinonigad nongkon kayu ḷokuyú, pinangkoi kon taḷog nodapot kon ḷuntung. Gopot tatua in sinangoian Yuang Totok in Motusi; kobanatnea in siow nometer.

IḶUAIAN 26:33

Bo popobambédon in kaeng tatua kon ḻimonag in pipidan kokaud kon atop in Ḷoḷaigan. Kon tumi musti popoukat in Poti Dodandian inta pinobonuan kon batu inta pinomaisan kon hukum i Tuhan. Kaeng tatua nonigad kon Yuang Motusi nongkon Yuang Totok Motusi.

YEHEZKIEL 41:4

Bo inukurnea doman in gopot tatua: inta notonggopat, kobanat bo kooḷadnea in tumopopuḷú nometer. Onda intua sia in noguman kon inakó, “Naa in Tampat Inta Totok in motusi.”

IBRANI 10:19

Yo uḻe utat mita, dugú i Yesus tua in nobogoidon in kabaranian kon i naton in tanaa tumuot kon Yuang Totok Motusi.

IBRANI 9:3

Kon dotá in bonunea, inta kon tumimai in gorden induanea, oyúon in yuang inta sinangoian “Yuang Totok Motusi.”

IBRANI 9:9

Naa nobaḻí lambang kon sempo in tanaa; mangaḻenea kon sosumba mita bo kuruban mita mahaḷuk inta pinosumba kon i Allah, diábí mokosompurna kon gina intau inta nodia kon sosumba.