TAWARIKH 2 29:34 - Alkitab Singog In Mongondow Masa In Tanaa

³⁴ Imang mita inta ain nopotusi in awak monia in noyakag dá diá nokodait nonaip kon bayongan in biag tatua. Tuamai mosia in binantungan in intau mita in Lewi, sin intau in Lewi in mosati-satia kon atorang in potusian. Mosia in tantúbí nobantung nodapot in tugatdon in imang inta ain nopotusi in awak.

TAWARIKH 2 29:34 Mawu Ofanana

DATU MITA 2 12:6

Noidapot kon taong nogindoyowa nopuḷú bo toḷu kon pinomarentaan i Yoas, imang mita in diápabí doman nonompia kon onu inta nogoguyaat kon Baḷoi Tuhan.

TAWARIKH 1 29:17

Kinotaauankubí kon Iko in monungkuḷ kon gina in intau kon batúannea bo kinoibog-Mu in intau inta motuḻid in ginanea. Takin gina nobayag bo pia in gina posumbaku in naa komintan kon ini-Mu. Akuoi in nokoontongdon tontaní kon naonda in umat-Mu inta noyosipun kon naa nodia kon sosumba monia kon ini-Mu takin pia in gina.

TAWARIKH 2 29:33

Nodia doman in mosia kon sapi koḷakian 600 bo domba 3.000 sin posumba bo kaanon moyotakin in bayongan intau inta kon tua.

TAWARIKH 2 29:5

bo noyosingog in sia takin i monia kon tua. Sia in noguman, “Moiko intau mita in Lewi, musti mopotondí in awak monimu kon i Tuhan, bo mopotusi in Baḷoi Tuhan, Allah in mogoguyangmu. Bayongan inta mokonajis kon baḷoi tatua mustibí poyayúon.

TAWARIKH 2 30:15

Kon singgai impuḷú bo opat buḷan tatua mosia in noratá kon domba mita sin posumba nobaḻí kuruban in Paska. Imang mita bo intau mita in Lewi inta nonajispa, nooyádon totok. Mosia in nopotusidon in awak dá notaaudon moposumba in kuruban payongon kon Baḷoi Tuhan.

TAWARIKH 2 30:24

Ki Datu Hizkia in nobogoi in sapi koḷakian 1.000 bo domba 7.000. Pogawai mita i Hizkia nobogoi in sapi koḷakian 1.000 bo domba 10.000. Bayongan in biag mita tatua inogoi kon rayat sin ratáan bo kaanon. Nobayong totok in imang in nopotusi in awak.

TAWARIKH 2 35:11

Bo noratádon in mosia kon biag sin pakéon kon poramean kon Paska; intau in Lewi nonginkuḻit bo imang mita in mopopisik in dugú in bobiagon tatua kon tudu in mezbah.

EZRA 6:20

Bayongan in imang bo intau mita in Lewi ain nogaid kon upacara pinondaritan kon awak dá inanggapdon nodarit. Noiduduimai kon tua intau mita in Lewi tatua in noratá kon biag mita inta pakéon kon kuruban Paska kon imang mita, kon i monia tontaní bo kon bayongan intau mita inta nongkon pinoḷumbúan.

MAZMUR 26:6

Sinomokanku in ḻimaku nobaḻí tomponuot kon diá kotaḷá, bo minayá noḻibu kon mezbah-Mu, o Tuhan,

MAZMUR 7:10

Popogogaidon in aid moraat in intau moraat bo irotonaidon in gina in intau mopia, sin Iko in ki Allah inta moadil, inta nonotaau kon gina bo raian in intau.

MAZMUR 94:15

Dá hukum in posindogonbí bui kon ponisigan, bayongan in intau motuḻid in moibogbí in natua.

YEHEZKIEL 44:11

Kon bonu in Baḷoi-Ku, mosia in tongábí motaau in mogundoi kon i-Nakó saḷaku mobobantung kon oaidan bo moḷukad kon bonawang. Mosia in motaaubí in moratá kon mahaḷuk mita inta mobaḻí kuruban payongon bo posumba, bo mosia in mustibí umuran mobantung kon umat.

PINOGIAPAN 18:3

Suku Lewi musti mogaid kon oaidan monia kon i monimu bo mogaid kon oaidan monia kon Ḷoḷaigan-Ku, táe mosia in diábí motaau dimiug kon mezbah andeka moḻiai kon barang mita inta motusi inta kon Yuang Motusi. Aka mosia ḻimimpat kon atorang tatua, yo pinomayá mosia andeka moiko in matoibí.

PINOGIAPAN 8:15

Mopaḷut mako iko momia kon upacara popoabatan kon intau mita in Lewi tatua, yo mosia in motaaudon mogaid kon bonu in Ḷoḷaigan-Ku.

PINOGIAPAN 8:19

bo intau mita in Lewi tatua ogoi-Kudon kon i Harun bo kon i adínea mita, sinbá motaaudon mogaid mobaḻí toḻiu in intau Israel kon bonu in Ḷoḷaigan-Ku. Bo bá mosia in mopoigum doman kon pongampungan nongkon i-Nakó kon bayongan taḷá in intau Israel sinbá bangusa tatua diá popoumaan in bodito aka mosia mamangoi mokopodiug totok kon tampat inta motusi tatua.”