TAWARIKH 2 29:22 - Alkitab Singog In Mongondow Masa In Tanaa

²² Sapi mita tatua in iratá bo imang mita in nopobutak in dugúnea kon mezbah. Onda intua inaidan doman monia intua kon domba inta pitu bo ki adí in domba tatua.

TAWARIKH 2 29:22 Mawu Ofanana

TAWARIKH 2 35:11

Bo noratádon in mosia kon biag sin pakéon kon poramean kon Paska; intau in Lewi nonginkuḻit bo imang mita in mopopisik in dugú in bobiagon tatua kon tudu in mezbah.

IMAMAT 1:5

Onda intua sapi tatua musti ratáan kon tayowon ngara in Ḷoḷaigan. Dugúnea musti posumba in imang mita inta buí i Harun kon i Tuhan, bodongka popobutak kon sí mita in mezbah inta opat tatua kon tayowon ngara in Ḷoḷaigan.

IMAMAT 4:18

Tongosilai doman in dugú tatua musti poḻepo kon tungoi mita inta kon siku in mezbah pototubáan kon dupa kon bonu in Ḷoḷaigan, bo kiagatnea in musti popobutak kon datoḷan in mezbah tampat in kuruban tubáan inta kon tayowon ngara in Ḷoḷaigan.

IMAMAT 4:34

Imang musti mopoḷodok in gongguyamúnea kon dugú in mahaḷuk tatua, bodongka popoḻeponea kon tungoi mita inta kon siku in mezbah, bo kiagatnea in popobutak kon datoḷan in mezbah.

IMAMAT 4:7

Tongosilai nongkon dugú tatua musti poḻepo kon tungoi mita inta kon siku mita in mezbah in dupa mobondu kon bonu in Ḷoḷaigan, bo kiagatnea kon tua in musti popobutak kon taḷog in mezbah in kuruban tubáan inta kon tayowon in ḷoḻingkop in Ḷoḷaigan.

IMAMAT 8:19

Iratá i Musa in domba tatua bo dugúnea in pinobutaknea kon sí opat in mezbah tatua.

IMAMAT 8:24

Onda intua sia mopotabá kon i adí mita i Harun dimiug, bo ḻepoannea doman in dugú topiḻik kon bongoḷan monia koḷanan, kon ki iná in ḻima monia koḷanan, bo kon ki iná in sioḷ monia koḷanan. Kiagat in dugú tatua popobutaknea kon sí opat in mezbah.