TAWARIKH 2 28:24 - Alkitab Singog In Mongondow Masa In Tanaa

²⁴ Onda intua sia in nogamá kon bayongan in pakakat in Baḷoi Tuhan bo irimumud. Bo iḻingkopanneadon in Baḷoi Tuhan, bo pinosindogneadon in mezbah mita kon sinangkub in Yerusalem.

TAWARIKH 2 28:24 Mawu Ofanana

TAWARIKH 2 28:25

Kon batúan in ḻipú bo kotá kon Yohuda noposindog in sia in tampat mita pososumbaan kon berhala sin potubaan kon dupa kon i dewa mita in bangusa ibanea. Aidnea tatua nokopomukádon kon torú i Tuhan, Allah in mogoguyangnea.

TAWARIKH 2 29:19

Kami in nogamá domandon bui kon pakakat mita inta pinoyayú i Datu Ahas kon tungkuḷ in sia diá nopandungmai kon i Tuhan kon dodai in sia nomarenta. Komintan pakakat tatua aindon sinantú nami kon i Tuhan, bo tanaa in kon tayowondon in mezbah.”

TAWARIKH 2 29:3

Kon buḷan imitánea kon taong imitánea kon pinomarentaannea, ki Hizkia nomukat kon ḷoḻingkop mita in Baḷoi Tuhan bo nopotabá kon intau nonompia.

TAWARIKH 2 29:7

Mosia in noḻingkopbí kon ḷoḻingkop mita in Baḷoi Tuhan bo nomiong kon togánea mita. Mosia in diábí notubá kon dupa kon Baḷoi Tuhan, bo diá doman noposumba in kuruban payongon kon i Allah inta sinumba in intau in Israel.

TAWARIKH 2 30:14

Mezbah mita kon Yerusalem inta pinaké sin moposumba in kuruban bo motubá kon dupa kon i dewa mita, komintandon ginamá bo iḷumbú kon bonu in Ḷopá in Kidron.

YEREMIA 2:28

Kon onda in berhalamu mita inta pinomia monimu tua? Aka oyúon in roriga, yo kuanidon in mosia moposaḷamat kon i monimu, aka mokoposaḷamat in mosia! Ei Yohuda, dewamu mita in ná kobayong in kotámu mita!

HOSEA 12:11

Akuoi in nosingogdon kon nabi mita, bo nobogoidon in nobayong in oontongon kon i monia. Pinongin i monia Akuoi nopotaau in tomayá-Ku mita kon i monimu, umat-Ku,

OUMAN IN RASUL MITA 17:16

Wakutu in ki Paulus nogoḷatpa mako kon i Silas bo kon i Timotius kon Atena, noajar totok in ginanea sin kotá tatua nopuḻing in berhala mita.

OUMAN IN RASUL MITA 17:23

Sin wakutu in akuoi nodondaḷoi kon kotámu tanaa, bo nonarukiramai kon tampat mita pososambayangan monimu kon naa, akuoi nokoontong doman kon tampat pobobogoian monimu kon sosumba; kon tampat tatua pinaisan nanaa, ‘Kon i Allah Inta Diá Kotaauan.’ Yo ki Allahbí inta diá kinotaauan monimu tuata in potaauku naa kon i monimu.