TAWARIKH 2 28:19 - Alkitab Singog In Mongondow Masa In Tanaa

¹⁹ Popisí in ki Ahas datu in Yohuda nonaḷámai kon i Tuhan bo diá nomarenta kon rayatnea ná inta musti aidannea, dá ki Tuhan in nopoangoidon in roriga kon Yohuda.

TAWARIKH 2 28:19 Mawu Ofanana

KINOBAḺIAN 3:11

“Ki ine in noguman kon inimu kon iko in nomilang?” Iḻibó i Allah. “Degá iko in nokaandon kon bungai in kayu inta diá inogoi-Ku kaanon tua?”

KINOBAḺIAN 3:7

Naonda in nopaḷut mako nokaan kon bungai tatua, raian monia in baḷú nobukat bo kinotaauandon monia kon mosia in nomilangbí. Tuamai mosia in nogamá kon daun mita in pangkoi kayu ara bo pinoyotomot poḷat pinogoḻingoi kon sinayowon monia.

DATU MITA IMITÁNEA 14:16

Ki Tuhan in monaḷábímai kon Israel sin ki Yerobeam in binaradosa bo nokopopisídon kon intau in Israel binaradosa domandon.”

DATU MITA IMITÁNEA 18:18

“Akuoi in deemanbí mononuyayow,” tubag i Elia, “táe ki tuang datubí tontaní. Ki Tuang datubí bo motoḷuadí i Tuang datu in mononuyayow. Pinongin mosumba kon berhala mita in Baal, Ki Tuang datu in iḻimimpatdon kon parenta mita i Tuhan.

TAWARIKH 2 21:2

Ki Yehoram ki adí i Yosapat datu in Yohuda, in kogutat kon ḷoḷaki onom: ki Azarya, ki Yehiel, ki Zakharia, ki Azariahu, ki Mikhail bo ki Sepaca.

TAWARIKH 2 28:1

Ki Ahas in nobaḻí datu kon dodai in umur doyowa nopuḷú notaong, bo sia in nomarenta kon Yerusalem mopuḷú bo onom notaong in koonggotnea. Sia in diábí dinumudui kon aid mopia i Datu Daud, mogoguyangnea, táe nogaidbí kon onu inta diá nokosanang kon gina i Tuhan.

TAWARIKH 2 28:4

Ki Ahas noposumba in kuruban bo notubá kon dupa kon tampat mita pososumbaan kon dewa kon buḷud mita kon siungon in kayu mongobambar.

TAWARIKH 2 33:9

Ki Manasye nokopopisí kon rayat in Yohuda nogaid kon dosa mita inta moraa-raat nongkon dosa inta inaidan in bangusa mita inta pinoguntun i Tuhan nongkon Kanaan kon tungkuḷ in umat i Tuhan sinumuot kon butá tatua.

AYUB 40:12

Oo, bobuidon in intau inta mokaḷakuang, potungkudon in sia! Rimumudon in intau moraat kon tampatnea.

IḶUAIAN 32:25

Kinotaauandon i Musa kon pinomayádon mako i Harun natua in bangusa Israel naonda bo kabaḷo inta nokobuḻi nongkon ḷantung, dapot in mosia rebegonmai in musung mita monia.

AMSAL 14:34

Aid moadil bo aid mopia mopoḻintakbí kon tangoi in bangusa, táe dosa in mokopopisí kon bangusa poompáanmai.

AMSAL 29:23

Intau moḷoḷatú in poompáanmai; intau inta moompá in gina in dayowon.

HOSEA 5:11

Israel in dinorot; sia in kinobuḻian in hak kon butánea, popisí in sia totok in kumeket kon mokituḷung kon inta sabanarnea in diábí mokotuḷung kon inia.

IMAMAT 5:19

Tuata in kuruban toḻiu in karugian potobut kon taḷá inta ain inaidannea kon i Tuhan.

MIKHA 6:16

Tua komintan in mobaḻí popisí in moiko dinumudui kon aid moraat i Datu Omri bo i adínea, tuata in ki Datu Ahab. Moiko in dinumudui kon oaid monia. Tuamai in rimumudon-Ku in moiko, bo moiko in poempengon bo singkuḻeon in bayongan in bangusa.”

ULANGAN 28:43

Intau ango-angoi inta nogutun kon butámu in modugangdon in kawasa monia, bo kawasamu tontaní in kogaat-kogaatdon.

WAHYU 16:15

“Indongogaidon! Akuoi in mamangoi ná mononakow! Mosanangdon totok in intau inta umuran mobasadia bo inta umuran monarukiramai kon pakeangnea, simbá diá mopilang in sia in maya-mayá mako, bo koontongan intau moantó in dodiaannea!”

SAMUEL 1 2:7

Oyúon in intau in binaḻí-Nea nobiag nobogá, oyúon doman in binaḻí-Nea nobiag nooyúon. Oyúon in intau inta pinopoompá-Nea, oyúon doman in intau inta pinoḷantud-Nea.