TAWARIKH 2 28:18 - Alkitab Singog In Mongondow Masa In Tanaa

¹⁸ Kon tungkuḷ intua intau mita in Pilistin koyogot in monubu kon kotá mita kon butá mita inta kon sipangkoion in buḷud kon dotá in toyopan, bo kon butá mita inta kon dotá in toḷatan in Yohuda. Mosia in nogagow kon kotá in Bet-Semes, Ayalon, bo Gederot, takin kotá in Sokho, in Timna, bo Gomzo noitakin doman in ḻipú mita kon diugmai in kotá toḷu tatua, bo nogutundon notantú kon tua.

TAWARIKH 2 28:18 Mawu Ofanana

DATU MITA 2 18:8

Sinaḷownea in intau in Pilistin, bo nogagow kon tampat pinogutunan monia, nongkon ḻipú inta mointok noidapot in kotá inta totok in moḷoben, noitakin doman in Gaza bo butá mita inta kon diugneamai.

TAWARIKH 2 11:10

Zora, Ayalon bo Hebron.

TAWARIKH 2 11:7

Bet-Zur, Sokho, Adulam,

YESAYA 9:12

Bangusa in Israel diápa doman nomanasaḷ, umpakabí ain ihukum i Tuhan Inta Totok in mokawasa; mosia in diápa doman in tobat kon i-Nia.

YEHEZKIEL 16:27

Tanaa in Akuoi mohukumdon kon inimu bo mogamá kon barakat inta ain inogoi-Ku kon inimu. Ogoi-Kudon in iko kon intau mita in Pilistin inta doí kon inimu bo inta mobú in mokoontong kon dodiamu inta mokotor tua.

YEHEZKIEL 16:57

bo aidmu moraat diápa kinotaauan? Tanaa in notongkaineadon in iko; iko in kosinganmaidon in intau in Edom, in intau in Pilistin bo in topodiugmumai mita ibanea inta moyaat in gina kon inimu.

YEHEZKIEL 25:15

Ki Tuhan Inta Totok in moḷantud in noguman, “Intau mita in Pilistin ain notuḻí kon yaat in gina takin noḻingá kon musung mita monia bo noyopú kon i monia takin sakí in gina.

YOSUA 15:10

bo noḻibu kon dotá in toyopan Baala nopobayá ná Buḷud in Edom, bo minayá ná dotá in utuan Buḷud in Yearim (tuata in Buḷud in Kesalon), bo noponag kon Bet-Semes, onda intua minayá ná Timna.

YOSUA 15:48

Kon butá kon buḷud in mopuḷú bomitá in kotá bo ḻipú mita kon diugneamai: Samir, Yatir, Sokho, Dana, Kiryat-Sana (inta Debir), Anab, Estemoa, Anim, Gosyen, Holon bo Gilo.

HAKIM MITA 14:1

Kon singgai tobatú ki Simson minayá in Timna, bo nokoontong kon mongodeaga tobatú intau in Pilistin kon tua.

SAMUEL 1 17:1

Kon singgai tobatú intau in Pilistin nosipun kon tontaranea sin mayá moparang. Mosia in noyosipun kon kotá in Sokho, kon butá in Yohuda bo noposindog in ḷoḷaigan monia kon sigad in Sokho bo Azeka, kon diug in Epes-Damim.

SAMUEL 1 6:9

Tarukiradon in bobayánea; aka Poti Dodandian tatua diaan pobayá ná butánea tontaní, inta kon kotá in Bet-Semes, tua in mangaḻenea kon ki Allahdon in intau Israel inta ain nopouma in bodito inta motoyang tatua kon i naton. Táe aka roda tatua diá nopobayá ná tua, dá kotaauandon naton kon bodito tatua in deemanbí nongkon i Allah in Israel, táe tongábí noikoḷatmai natua.”