TAWARIKH 2 28:12 - Alkitab Singog In Mongondow Masa In Tanaa

¹² Intau opat inta sinon itoi nongkon Israel, inta ki Azarya ki adí i Yohanan, ki Berekhya ki adí Mesilemot, Ki Yehizkia ki adí i Salum, bo ki Amasa ki adí i Hadlai, in diá doman noibog kon aid in tontara inta nobui tatua.

TAWARIKH 2 28:12 Mawu Ofanana

TAWARIKH 1 28:1

Ki Datu Daud in nomarenta sinbá bayongan in itoi in Israel moyosipun kon Yerusalem. Dá bayongan tongguḷu in suku, pojabat mita inta nokadai kon pomarentaan, tongguḷu mita in inanakan, moḷoḷukad mita kon bayongan kapunyaan bo bobiagon i datu bo ki adínea mita ḷoḷaki – impoḷok mako in tosingogon intau mita moḷoben kon komaḻig, porwira mita bo intau moponting, komintan noyosipun kon Yerusalem.

TAWARIKH 2 28:11

Indongogai! Intau mita inta dinakop tanaa in ki utatmubí mita. Dá, potabádon in mosia mobui. Aka diá, ki Tuhan in tumorú bo mohukum kon i monimu.”

TAWARIKH 2 28:13

Mosia in noguman, “Dika diaan in intau mita inta dinakop tatua kon naa! Kita in binaradosadon kon i Tuhan, bo dosa mita naton in totuudon moḷoben sin hukumon. Tanaa in moiko mogaid kon tobatú aid inta tongá mokodugang kon taḷá naton.”

TAWARIKH 2 28:15

Bo intau opat inta sinon itoi tatua sinimindog sin moindoi kon intau mita inta sinokodakop tatua. Mosia in nosilai kon ḷambung mita inta sinokoagow mita tatua kon intau mita inta sinokodakop inta moparaḷu. Mosia in nosilai doman kon sapatu, kaanon bo inumon. Intau mita inta sinokodakop inta pinaḻi-paḻían inundaman in ḷana zaitun. Inta diá mokomampu mayá, pinotakoi kon keledai, bo bayongan in intau mita inta sinokodakop tatua dinia kon Yerikho, kotá in pangkoi mita in kurma, sinbá motaaudon mobui kon ḻipú monia tontaní kon Yohuda. Nopaḷut mako kon tua intau in Israel nobui kon Samaria.

YEREMIA 26:6

Aka moiko tantú momangkang, baḷoi pooibadaan tanaa in aidan-Ku naonda bo Silo, dá bayongan in bangusa kon dunia mopomaké in tangoi in kotá in Yerusalem naa saḷaku kutukan.”