TAWARIKH 2 26:15 - Alkitab Singog In Mongondow Masa In Tanaa

¹⁵ Kon Yerusalem intaunea mita inta motaau totok in sonjata ain nogaid kon pakakat inta motaau mopopiot in piotnea bo batu mita mongotoḻe nongkon bonu in ḷangkeang bo kon siku mita in kotá. Ki Uzia in ponango-nangoiandon kon bayongan tampat, bo sia in nobaḻídon totok in mokawasa sin ki Allah in totok notuḷung kon inia.

TAWARIKH 2 26:15 Mawu Ofanana

TAWARIKH 2 2:14

Ki inánea in nongkon suku Dan, ki amánea intau in Tirus. Sia in mopandoi momia kon pakakat mita nongkon buḷawan, saḷaka, bitú, uatoi, batu bo kayu. Sia in motaau doman momia kon didit nobidu, nokasumba, nopura, bo didit doman lenan. Bayongan oaidan mongurig motaaubí pomiaannea podudui in batangan in onuka in poigumon. Mopiadon sia in pokiaidandon moyotakin in mogogimok mita i Tuang, bo takin intau mita inta ain nogaid kon kopontingan i Datu Daud amá i Tuang.

TAWARIKH 2 2:7

Tuamai, poigumonku in ki Tuang mopotabá mamangoi kon inami in intau tobatú inta mopandoi mongurig bo motaau momia kon ḷambá nongkon buḷawan, saḷaka, bitú, uatoi bo mopandoi doman momia kon didit nobidu, nokasumba bo nopura. Sia in mogaidon moyotakin in mogogimok mita kon Yohuda bo kon Yerusalem inta ain piniḻí i amáku ki Daud.

TAWARIKH 2 26:14

Ki Uzia in nonongkaaḷ kon tontaranea tatua takin nobogoi in kaḻeaw in pandong, sapoyo uwaja, ḷambung uatoi, ginubat bo piot, bo batu in popakot.

TAWARIKH 2 26:16

Naonda in ki Datu Uzia noropot, nobaḻídon in sia mododia, bo tua in nokopopisí kon kinorimumudannea. Iḻimimpat in sia kon parenta i Tuhan Allahnea sin sinumuot kon Baḷoi Tuhan sin motubá kon dupa kon tudu in mezbah in dupa.

IḶUAIAN 31:4

sin mogaid kon rancangan inta moparaḷu kon pandoi sin momia kon barang inta nongkon buḷawan, saḷaka bo porunggu;

YESAYA 29:14

Tuamai in taḻikokogan-Ku in mosia in sambok inta moyo-moyodudui. Intau inta mobijaksana in mobaḻí mobodok, bo bayongan in pandoi monia diábí in mangaḻenea.”

HABAKUK 1:5

Onda intua ki Tuhan in noguman kon umat-Nea, “Taridiaika in bangusa mita kon diugmumai, dá moherangbí in moiko bo moitongau. Sin kon dodai in iko nobiag oyúonbí in aidan-Ku, inta diábí pirisayaan monimu aka tongá oumanon kon inimu.

MATIUS 4:24

Onu in inaidan i Yesus tua noisiardon kon bayongan ḻipú kon Siria, dá diniadon monia pinobayá kon i-Nia in bayongan intau inta nongotakit noonggotdon. Noyagi-yagimai in takit, oyúon in kinotoḷangan in dimukud moraat, oyúon takit in manuk, oyúon in diá mokobayá, mosia nopia mita i Yesus.

ULANGAN 20:20

Pangkoi in kayu mita ibanea in motaaubí pupuḷon monimu sin aidan tondok pongopungan modapot in kotá tatua potungkudon.”