TAWARIKH 2 25:8 - Alkitab Singog In Mongondow Masa In Tanaa

⁸ Táe aka ki Tuang momaké doman kon i monia, ki Allah in mopomayábí mako kon i Tuang taḷowon in musung umpakabí tontara i Tuang moropot bo mobarani. Sin tongábí ki Allah in kokawasa mobogoi in kauntungan andeka kotungkudan.”

TAWARIKH 2 25:8 Mawu Ofanana

TAWARIKH 2 1:12

Tuamai in kabijaksanaan bo pongotahuan in ogoi-Kubí kon inimu. Koḻikud intua baḻíon-Kubí in iko mobiag mooyúon totok, moiḻiu kon kooyúon bo moiḻiu kon tangoi in datu nongkon ondakabí pinomayá dungkuḷmai andeka kon singgai moiduduimai.”

TAWARIKH 2 14:11

Bo ki Asa in nosambayang kon i Tuhan Allahnea, “Tuhan, tongábí Iko in mokobantung kon inta moyangkó monayow kon inta moropot. Tuḷungaipa in kami in tanaa, o Tuhan Allah nami! Tongábí iko in andoḷan nami bo podoyon kon tangoi-Mu kami in ḷumuai moparang monayow kon tontara inta mobarong totok naa. Tuhan, Ikobí in ki Allah nami. Dikabí pomayá mako Iko taḷowon in intau tobatú.”

TAWARIKH 2 18:14

Naonda in ki Mikha noiyaput kon tayowon i Datu Ahab, ki datu in noḻibó, “Motaau degá in akuoi bo ki Datu Yosapat in mayá monubu kon Ramot andeka diá?” “Tubudon!” tubag i Mikha. “Tantú mountungbí in ki Tuang datu. Ki Tuhan in mopountungbí kon i Tuang datu.”

TAWARIKH 2 20:6

bo nosambayang noropot, “Oo Tuhan, Allah in mogoguyang nami! Iko in ki Allah inta kon soroga bo inta nomarenta kon bayongan in bangusa kon dunia. Iko in mokawasa bo moropot; diábí in tobatúmai in mokoḷawang kon ini-Mu.

TAWARIKH 2 26:7

Ki Allah in notuḷung kon inia nonaḷow kon intau in Pilistin, bo intau in Arab inta nogutun kon Gur-Baal bo intau in Meunim.

AYUB 5:18

Sin ki Allah in mopouma in takit, yo Siabí doman in mongundam. Bo ḻima-Nea inta nosambok, in inta bui momidai.

AYUB 9:13

Ki Allah in diábí motagú kon torú bo patú in gina-Nea; mototuḷung mita i Rahab in noondok doman kon i-Nia.

MAZMUR 20:7

Tanaa in kinotaauanku kon ki Tuhan in mopountung kon i datu inta piniḻí-Nea. Ki Tuhan in notubag kon inia nongkon soroga inta motusi; pinodoyon kon kawasa i Tuhan pountungon totok.

MAZMUR 24:1

Mazmur i Daud. Ki Tuhanbí in kitogi kon butá bo tombonunea, dunia bo bayongan inta nogutun kon tua.

MAZMUR 33:10

Ki Tuhan in nopogogai kon bayongan in tomayá mita in bangusa mita, Sia in nonginggamá kon niat monia.

MAZMUR 33:16

Datu in diábí nountung popisí in nobarong in tontaranea, prajurit in deemanbí nosaḷamat popisí in ropotnea.

MAZMUR 62:11

Dikabí mongamang mako kon onu inta agowon, bo dika mopongata in pakakat inagow. Nodapot in aka kaoyúonanmu modugang, dikabí tongádon kon tua in ginamu.

MAZMUR 89:43

Pinountung-Mu in musungnea mita, bo bayongan in ḷawang pinoḷunganga in ginanea.

AMSAL 10:22

Tongábí popisí in barakat i Tuhan dá intau in mobaḻí mooyúon; simiḷopí totok diábí mokodugang kon kaoyúonan.

MOHOHUTUBA 11:9

Paké kopia in wakutumu kon dodai in iko mobagupa! Pokosanangbí kon dodai in iko bagupa ede in tayowmobiag. Duduiaibí in bayongan ibog in dimukudmu, aidai in bayongan niat in ginamu. Táe pokotorop, ki Allah inta kon soroga, in monantúbí kon bayongan in oaidmu.

MOHOHUTUBA 9:11

Kon dunia naa oyúonpa doman in inontongku: kon totandingan in diábí umuran intau inta moḻikat in mokountung, kon poparangan in diábí umuran intau moropot in mountung. Intau mobijaksana in diábí umuran mokouḻí kon oaidan. Bo intau mopandoi in diábí umuran mokouḻí kon kaoyúonan. Bo intau inta motaau totok diábí umuran mobaḻí ponango-nangoian. Sin ki inekabí kotugatanbí in ukur diá mopia.

HAGAI 2:8

Bayongan in buḷawan bo saḷaka kon dunia naa in Akuoibí in kitogi.

MATIUS 26:45

Onda intua namangoi in Sia kon murí-Nea bo noguman kon i monia, “Umuranpa doman degá in moiko mosiug bo mogogai? Indoiai, naadon in wakutunea ki Adí Intau posarakan kon kawasa in intau mita baradosa.

ULANGAN 8:18

Torop kon ki Tuhan Allahmubí in nobogoi in kaoyúonan tatua kon inimu. Tua inaidan-Nea sin umaai in singgai naa Sia umuranpabí mosatia kon dodandian inta pinomia-Nea takin mogoguyangmu.

PILIPI 4:19

Ki Allah inta sinumbaku, mobogoibí in bayongan kaparaḷuanmu podudui in kaoyúonan bo kamuliaan-Nea inta pinoniata kon i Kristus Yesus.

HAKIM MITA 7:7

Onda intua ki Tuhan noguman kon i Gideon, “Takin 300 in intau inta nodilá kon tubig tatua, Poḷuaton-Kudon in moiko bo pountungon-Ku kon intau mita in Midian. Pokipobuiaidon in ibanea nion.”

SAMUEL 1 14:6

Dá nogumandon in ki Yonatan kon tayowmobiag tatua, “Igai mayá in kita kon poḷoḷukadan in intau in Pilistin inta kaper tatua. Dika-dika ki Tuhan moibogpabí motuḷung kon inaton. Sin ki Tuhan in motaaubí mobogoi in kauntungan pinomayá momaké in intau mobayong andeka intau moyakag.”