TAWARIKH 2 25:23 - Alkitab Singog In Mongondow Masa In Tanaa

²³ Ki Yoas in nodomok kon i Amazia bo dinia kon Yerusalem, bo nogumpag kon dinding in kotá tatua inta degá doyowamai nogatut nometer, pinangkoi nongkon Bonawang in Epraim nodapot in Bonawang Sikunea.

TAWARIKH 2 25:23 Mawu Ofanana

DATU MITA 2 14:13

Ki Yoas in nodomok kon i Amazia, bodongka minayá in Yerusalem bo norumbun kon dinding in kotá tatua degá doyowamai nogatut nometer in koḷanggónea, pinangkoi kon Bonawang in Epraim nodapot kon Bonawang kon Sikunea.

TAWARIKH 2 21:17

Mosia in nonubu kon Yohuda, bo nogagow kon komaḻig in datu, bo nodia kon bayongan adí bo buḷoi i Yehoram saḷaku intau mita inta dinakop kon parang koḻikudbí in ki Ahazia ki adínea inta muit.

TAWARIKH 2 22:1

Kon pinonubuan tobatú in topaanan in intau in Arab, komintan ki adí ḷoḷaki i Yehoram kinoḻimodan, koḻikudbí in ki Ahazia. Tuamai in intau in Yerusalem noduí kon i Ahazia nobaḻí datu nonoḻiu kon i amánea.

TAWARIKH 2 22:6

bo nobui in sia kon kotá in Yizreel sin undaman, bo ki Ahazia in minayá noḷongow kon inia kon tua.

TAWARIKH 2 25:22

Tontara in Yohuda sinaḷow bo bayongan in tontaranea noḷagui nobui kon baḷoinea-baḷoinea.

TAWARIKH 2 26:9

Sinbá moropot in kotá in Yerusalem, dá ki Uzia in noposindog in ḷangkeang kon Bonawang Sikunea, kon Bonawang in Ḷopá bo kon kinoboyukan in dinding.

TAWARIKH 2 32:5

Bo ki datu in noginropot kon poḷoḷukadan in kotá pinongin nonompia kon dindingnea, noposindog in ḷangkeang mita kon tudunea bo noposindog in dinding ibanea kon ḷuai. Koḻikud intua nonompia doman in sia kon dinding inta pinosindognea kon tudu in butá inta pinomumbun kon dotá in pomukaan kon dotá in Yerusalem koyongan. Nopotabá doman in sia nokiaid in nobayong totok in pandong bo kaḻeaw.

TAWARIKH 2 33:11

Tuamai ki Tuhan in nopoangoi in tongguḷu totokanea in tontara in Asyur sin monubu kon Yohuda. Ki Manasye in dinomok in kokarit, bo inumantungan bo dinia pinobayá in Babel.

TAWARIKH 2 36:10

Kon pinoyoḻimbanan in taong, ki Datu Nebukadnezar nogakut kon i Yoyakhin pinobayá in Babel nobaḻí intau inta dinakop, bo pakakat mita inta koboḻi kon Baḷoi Tuhan in dinianea doman. Onda intua ki Nebukadnezar noduí kon i Zedekia, pokuamáan ki Yoyakhin, nobaḻí datu in Yohuda bo Yerusalem.

TAWARIKH 2 36:6

Naonda in ki Nebukadnezar datu in Babel nogagow kon Yohuda, dinomoknea in ki Yoyakim, bo dinia kotogo-togot pinobayá in Babel.

NEHEMIA 12:39

Bo kami in nongin Bonawang Epraim, Bonawang Koyongan, Bonawang Toyá, Ḷangkeang Hananeel bo Ḷangkeang Mea noidapot kon Bonawang Domba. Pipidan nami in nogogai kon diug in Bonawang Poḷoḷukadan kon diug in Baḷoi Tuhan.

NEHEMIA 8:16

Bo minayádon in rayat nogamá kon tanga mita tatua. Mosia komintan in nomia kon ḷuḷung mita kon tudu mita in baḷoi monia inta notondodai, kon bosí in baḷoinea, kon bosí dotá in muna in Baḷoi Tuhan, kon lapangan kon diug in Bonawang Tubig bo kon lapangan kon diug in Bonawang Epraim.

AMSAL 16:18

Aid moḷoḷatú mokopopisí kon korimumudan; mododia mokopopisí kon korumbunan.

AMSAL 29:23

Intau moḷoḷatú in poompáanmai; intau inta moompá in gina in dayowon.

YEREMIA 31:38

Ki Tuhan in noguman, “Moiangoibí in wakutunea bayongan in Yerusalem posindogon bui saḷaku kotá-Ku, nongkon Ḷangkeang in Hananeel modapot in Bonawang Sikunea.

DANIEL 4:37

Dá tanaa in akuoi, ki Nebukadnezar modayow, mopoḷantud bo mopomulia kon i Datu in Soroga. Bayongan in oaidan-Nea in moitutui bo moadil, bo Sia in mokopotungkudbí kon intau mita inta moḷoḷatú.

OBAJA 1:3

Iko in koakaḷan in ginamu inta mododia. Ki iná in kotámu in buḷud batu inta moropot; pogogutunanmu in kon tudu in buḷud inta moḷantud. Sin kon raian monimu, ‘Ki ine in mokopoḷabú kon i nakó?’

LUKAS 14:11

Sin ki ine in mosiḷantud, yo popoompáan, táe ki ine in moompá in dodia, yo sia in poḷantudon.”