TAWARIKH 2 25:19 - Alkitab Singog In Mongondow Masa In Tanaa

¹⁹ Iko, Amazia, mongambungangaḷ kon iko in nonaḷowdon kon intau in Edom, táe maníka iko in mogutundon kon baḷoi. Onubí in mangaḻenea in motayak kon anib inta mokobodito kon inimu tontaní bo rayatmu?”

TAWARIKH 2 25:19 Mawu Ofanana

TAWARIKH 2 25:20

Táe ki Amazia, datu in Yohuda in diábí nopandungmai kon singog i Yoas datu in Israel. Bo ki Allah in noibog bidon sinbá ki Amazia in taḷowondon sin sia in nosumbadon kon patong berhala in intau in Edom.

TAWARIKH 2 26:16

Naonda in ki Datu Uzia noropot, nobaḻídon in sia mododia, bo tua in nokopopisí kon kinorimumudannea. Iḻimimpat in sia kon parenta i Tuhan Allahnea sin sinumuot kon Baḷoi Tuhan sin motubá kon dupa kon tudu in mezbah in dupa.

TAWARIKH 2 32:25

Táe popisí in sia mokaḷakuang, sia in diábí nopoyaput in sukur kon kinopiaan in takitnea inta inogoi i Tuhan kon inia. Tuamai in ki Tuhan sinumorú kon i Yohuda bo kon Yerusalem.

TAWARIKH 2 35:21

táe ki Nekho in nokidia in habar tanaa kon i Yosia, “Parang tanaa in deemanbí soaḷ iko, datu in Yohuda! Akuoi in namangoi deemanbí moḷawang kon inimu, táe moḷawangbí kon musungku mita, bo ki Allah in nopotabá kon inakó ḻimikat in mopobayá in oaidan. Ki Allah in naa kon dotáku, tuamai in dikadon moḷamboi kon i-Nia, sinbá diá in iko rimumudon-Nea.”

AMSAL 13:10

Ḷoḷatú tongábí mokopopisí kon porogenggengan; intau inta mobijaksana moibog motarima kon totundú.

AMSAL 16:18

Aid moḷoḷatú mokopopisí kon korimumudan; mododia mokopopisí kon korumbunan.

AMSAL 18:6

Aka intau bodok mosingog, mokopomuká in sia kon ropatoi bo mopoigum sambokon.

AMSAL 20:3

Tongábí intau bodok inta moibog morogenggeng; aid inta dayowon in yumayúbí kon rogenggengan.

AMSAL 26:17

Intau inta dumugang kon bobayowan inta deeman totaaunea notongkai in intau inta nodomok kon ungkú ḻindong kon bongoḷannea.

AMSAL 28:25

Tongá morai kon kopontingan tontaní in mokopomukábí kon bobayowan; mountu-untungbí in iko aka mopirisaya kon i Tuhan.

YEREMIA 9:23

Ki Tuhan in noguman, “Intau mobijaksana in diábí motaau in moyunggagá popisí in kobobijaksananea, intau moropot popisí in ropotnea, bo intau nooyúon popisí in kaoyúonannea.

DANIEL 11:12

Onda intua moyunggagábí in sia sin nountung bo popisí in noḻimodon kon nobayong in musung, táe kawasanea in diábí mononoi.

HABAKUK 2:4

Bo pokoingatdon: Intau inta moraat in diábí mosaḷamat, táe intau inta mogaid kon onu in kinoibog i Allah in mobiagbí popisí in kotoinduduinea kon i Allah.”

LUKAS 14:31

Andeka nanaa aka oyúon in datu inta tontaranea in mopuḷú noribu bo moparang in datu ibanea inta doyowa nopuḷú noribu in tontaranea, yo tantú raionbí muna in datu tatua mongo mokomampu in mosia in tumayow kon saturu tatua andeka diá.

KORINTUS 1 1:29

Tuamai in diábí tobatúmai intau in motaau kumaḷakuang kon i Allah.

ULANGAN 8:14

yo ḷukadai kopia sinbá moiko diá mobaḻí mododia bo mokoḻiongdon kon i Tuhan Allahmu inta nopoḷuai kon i monimu nongkon Mesir, tampat inta pinononggataan kon i monimu.

YAKOBUS 4:6

Umpaka natua, totabi Allah inta inogoi kon i naton moropo-ropot nongkon ibog in roho naton tatua. Tuamai kon bonu in Buk motusi in pinais doman, “Ḷawangonbí i Allah in intau inta mokaḷakuang, táe Sia in motabibí kon intau inta moompá in dodia.”

PETRUS 1 5:5

Ná doman tua, utatku mita inta nongomudapa, mokopotoindudui kon guyanga mita. Moiko in musti mokopoompá kon dodia bo moibog doman mosibantungan sin kon Buk Motusi ain pinais nanaa: “Ki Allah in mohukum kon intau inta mokaḷakuang, táe motabibí kon intau inta moompá in dodia.”